[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [Post-canonical works (philosophy, yoga, karma theory, narrative, poetry, history)](https://indike.org/pramana/in.jaina.post) › [Dvādaśāranayacakra](https://indike.org/pramana/in.jaina.post.dvadasaranayacakra) › [Nyayagamanusarini](https://indike.org/pramana/in.jaina.post.dvadasaranayacakra!simhasuri) › 8.58 # Dvadasharanayacakra 8.58 Nyāyāgamānusāriṇī 8.58 - **Language:** Sanskrit ### [8.58](https://indike.org/pramana/in.jaina.post.dvadasaranayacakra!simhasuri.8.58) kiñcānyat, tvayā yadapyuktaṃ nakṣatratārārthātideśetyādi taduktapratyuccāraṇam . sāmānyārthātideśena viśeṣārthātisarge nidarśanam --ayaṃ devadatta iti, vṛkṣo'rtho bhavati iti dvitīyam . śeṣaṃ gatārthaṃ sabhāvanaṃ yāvad devadattasyeti pūrvapakṣaḥ . uttarapakṣastu atra yuktau devadattasyedamityādinā vaidharmyaṃ nidarśayati atideśābhāvabhāvanārthaṃ yāvadatadviṣayatvāditi prathamanidarśanasya . arthena vetyādinā dvitīyanidarśanavaidharmyaṃ darśayati . arthena satā vṛkṣo'tidiśyeta pratyakṣaḥ san parokṣeṇa dharmeṇa viśeṣeṇa, na sāmānyena satā vā khapuṣpādinā vā . nakṣatrādīnāmatadviṣayatvāt pratyakṣanirdeśyasya piṇḍasya devadattārthasya tadviṣayatvāt vṛkṣasyārthaviṣayatvācca vaidharmyam . tasmānna dṛṣṭāntaḥ . nakṣatrādyatideśyo na bhavati puṣyaḥ, asvaviṣayatvāt, sthāṇuneva puruṣaḥ puruṣeṇa vā sthāṇuriti . yadyatadviṣayeṇāpyatidiśyeta ghaṭādāvapi nakṣatraṃ tārā ghaṭaḥ ityatideśavṛttiryuktā syāt atadviṣayatvāt puṣyavat ityatiprasaṅgaḥ . - [Previous: 8.57](https://indike.org/pramana/in.jaina.post.dvadasaranayacakra!simhasuri.8.57) - [Next: 8.59](https://indike.org/pramana/in.jaina.post.dvadasaranayacakra!simhasuri.8.59) - [Up: 8](https://indike.org/pramana/in.jaina.post.dvadasaranayacakra!simhasuri.8) ## Linked texts (1) - [Dvādaśāranayacakra](https://indike.org/pramana/in.jaina.post.dvadasaranayacakra.666) — Mallavādin, Sanskrit --- Source: [https://indike.org/pramana/in.jaina.post.dvadasaranayacakra!simhasuri.8.58](https://indike.org/pramana/in.jaina.post.dvadasaranayacakra!simhasuri.8.58) · Pramāṇa