[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [Post-canonical works (philosophy, yoga, karma theory, narrative, poetry, history)](https://indike.org/pramana/in.jaina.post) › [Dvādaśāranayacakra](https://indike.org/pramana/in.jaina.post.dvadasaranayacakra) › [Nyayagamanusarini](https://indike.org/pramana/in.jaina.post.dvadasaranayacakra!simhasuri) › 8.59 # Dvadasharanayacakra 8.59 Nyāyāgamānusāriṇī 8.59 - **Language:** Sanskrit ### [8.59](https://indike.org/pramana/in.jaina.post.dvadasaranayacakra!simhasuri.8.59) nanu puruṣo'pītyādi asvaviṣayatvāsiddhyudbhāvanaṃ yāvad gavādi goṇyeti . taduttaram --satyamucyata ityādi . śabdo hi tena prakāreṇa vācyaviśeṣaṃ saṃvādinaṃ bravīti, tatsamparigrahaguṇena satyamucyate so'rthaviśeṣaḥ, na tu tadgatānāṃ viśeṣāṇāṃ virodhenocyate yathā strī-puṃ-napuṃsakādīnāmekadvibahutvādīnāṃ caikārthatveneti saṃvāda-visaṃvādadarśano grantho yāvat saṃvādavyudasanavṛttiriti gatārthaḥ . evaṃ liṅga-saṅkhyāvisaṃvādavṛttihetuprasaṅgena codya-parihāraprapañca uktaḥ . eṣa prakṛtyādivisaṃvādeṣvapi aśeṣa ākṣepa-parihāraprapañca āyojyaḥ samānapracarcatvāt prakṛti-pratyayādyakṣaraviśeṣoccāraṇamātrabhedaḥ prahāsādidamasatyameva iti codyopakramaprabhṛtiryāvadetadavadhi liṅgādiviśeṣatyāgena yathānupūrvottarapakṣaviracano neya iti . - [Previous: 8.58](https://indike.org/pramana/in.jaina.post.dvadasaranayacakra!simhasuri.8.58) - [Next: 8.60](https://indike.org/pramana/in.jaina.post.dvadasaranayacakra!simhasuri.8.60) - [Up: 8](https://indike.org/pramana/in.jaina.post.dvadasaranayacakra!simhasuri.8) ## Linked texts (1) - [Dvādaśāranayacakra](https://indike.org/pramana/in.jaina.post.dvadasaranayacakra.8.12) — Mallavādin, Sanskrit --- Source: [https://indike.org/pramana/in.jaina.post.dvadasaranayacakra!simhasuri.8.59](https://indike.org/pramana/in.jaina.post.dvadasaranayacakra!simhasuri.8.59) · Pramāṇa