[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [Post-canonical works (philosophy, yoga, karma theory, narrative, poetry, history)](https://indike.org/pramana/in.jaina.post) › [Dvādaśāranayacakra](https://indike.org/pramana/in.jaina.post.dvadasaranayacakra) › [Nyayagamanusarini](https://indike.org/pramana/in.jaina.post.dvadasaranayacakra!simhasuri) › 8.62 # Dvadasharanayacakra 8.62 Nyāyāgamānusāriṇī 8.62 - **Language:** Sanskrit ### [8.62](https://indike.org/pramana/in.jaina.post.dvadasaranayacakra!simhasuri.8.62) kārakabhedāḥ kartrādayaḥ ṣaḍaṣṭau vā kālopāyasahitāsta eva . paryāyavacanena ghaṭa-kuṭa-kumbhādinā vākyāntareṇa ca sthānivadādeśo'nalvidhaupā॰ 1 . 1 . 56 ityasya sthānyādeśapṛthaktvāt sthānivadatideśo guruvad guruputre vartitavyam anyatrocchiṣṭabhojanāt pādagrahaṇācca pā. ma. bhā. 1 . 1 . 56 ityādi . . kriyābhedena divu krīḍāvijigīṣāvyavahāradyutistutimodamadasvapnakāntigatiṣu pā॰ dhā॰ 1107... ...sa vṛkṣaḥ . ihāpi kriyākārakabhedābhyāṃ puṣyati... ...khapuṣpe . upoddhāta... ...bhedalakṣaṇāyāḥ adhikaraṇayoga... ...vyākhyāyāḥ kā kathaṃ vā'nupapattirliṅgādyabhede'pi ? anekārthaikaśabdagrahaṇenāpi vyākhyānād liṅgādyabhede'pyarthādhigatiḥ . yathāha--vāgdigbhūraśmivāgdigbhūraśmivajreṣupaśvakṣisvargavāriṣu . daśasvartheṣu medhāvī gośabdamupadhārayet ..... ... ..... ... ...dṛṣṭyā vā . ata eva ca vyākaraṇādhyayane yatna āstheyaḥ . uktaṃ hi-- ... ... ..... arthapravṛttitattvānāṃ śabdā eva nibandhanam . tattvāvabodhaḥ śabdānāṃ nāsti vyākaraṇādṛte .. vākyapa॰ 1 . 13 athavā ācāryeṇaiva kriyābhedena divu krīḍetyādi vyākhyātameva yāvat sa vṛkṣa iti gatārtham . ihāpīti siddhaṃ vyākhyānaṃ pradarśya prastutaṃ yojayati kriyākārakabhedābhyāṃ puṣyatītyādi yāvat khapuṣpa iti gatārthā vyākhyā . athavānyā vyākhyā --upoddhātetyādi yāvad bhedalakṣaṇāyā iti vyākhyāyāḥ kā kathaṃ vehā'nupapattirliṅgādyabhede'pi iti sambhantsyate . athavāyamaparo vyākhyāmārgaḥ, tadyathā --adhikaraṇayogapadārthetyādi yāvat kā kathaṃ vānupapattirliṅgādyabhede'pīti . sodāharaṇaṃ tvasya vyākhyānaṃ tatrāntrārthasaṅgrahādibhyo'dhigantavyam . - [Previous: 8.61](https://indike.org/pramana/in.jaina.post.dvadasaranayacakra!simhasuri.8.61) - [Next: 8.63](https://indike.org/pramana/in.jaina.post.dvadasaranayacakra!simhasuri.8.63) - [Up: 8](https://indike.org/pramana/in.jaina.post.dvadasaranayacakra!simhasuri.8) ## Linked texts (1) - [Dvādaśāranayacakra](https://indike.org/pramana/in.jaina.post.dvadasaranayacakra.669) — Mallavādin, Sanskrit --- Source: [https://indike.org/pramana/in.jaina.post.dvadasaranayacakra!simhasuri.8.62](https://indike.org/pramana/in.jaina.post.dvadasaranayacakra!simhasuri.8.62) · Pramāṇa