[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [Post-canonical works (philosophy, yoga, karma theory, narrative, poetry, history)](https://indike.org/pramana/in.jaina.post) › [Dvādaśāranayacakra](https://indike.org/pramana/in.jaina.post.dvadasaranayacakra) › [Nyayagamanusarini](https://indike.org/pramana/in.jaina.post.dvadasaranayacakra!simhasuri) › 8.63 # Dvadasharanayacakra 8.63 Nyāyāgamānusāriṇī 8.63 - **Language:** Sanskrit ### [8.63](https://indike.org/pramana/in.jaina.post.dvadasaranayacakra!simhasuri.8.63) itaśca vyākhyānālliṅgādyabhinnārthagatirupapadyate, anekārthaikaśabdagrahaṇenāpītyādi . vyākhyātṛbhirekaḥ śabdo'nekārtha iti bruvadbhirvyākhyānād liṅgādyabhede'pyarthādhigatirabhyupagataiveti . tad yadapyucyeta--liṅgādivicārakhedo'yamakasmāt kriyate tvayā . abhijalpo hi śabdārthaḥ . sa ca śabda eva . so'yamityabhisambandhād rūpamekīkṛtaṃ yadā . śabdasyārthena taṃ śabdamabhijalpaṃ pracakṣate .. darśayati --yathāha--vāg-dig-bhū-raśmītyādi śloko'yamācāryeṇaiva vyākhyātaḥ yāvad dṛṣṭyā veti granthenaiva . evaṃ niravaśeṣavyākhyeyaviṣayavyāpitā vyākhyāyāḥ pradarśitā . ata eva cetyādi . vyākaraṇaṃ hi lakṣyādhigataye lakṣaṇaṃ kathaṃ nāma śabdādarthe jñānamaviparītaṃ syāt iti . tasmād vyākaraṇādhyayane yatna āstheyaḥ . - [Previous: 8.62](https://indike.org/pramana/in.jaina.post.dvadasaranayacakra!simhasuri.8.62) - [Next: 8.64](https://indike.org/pramana/in.jaina.post.dvadasaranayacakra!simhasuri.8.64) - [Up: 8](https://indike.org/pramana/in.jaina.post.dvadasaranayacakra!simhasuri.8) ## Linked texts (1) - [Dvādaśāranayacakra](https://indike.org/pramana/in.jaina.post.dvadasaranayacakra.670) — Mallavādin, Sanskrit --- Source: [https://indike.org/pramana/in.jaina.post.dvadasaranayacakra!simhasuri.8.63](https://indike.org/pramana/in.jaina.post.dvadasaranayacakra!simhasuri.8.63) · Pramāṇa