[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [Post-canonical works (philosophy, yoga, karma theory, narrative, poetry, history)](https://indike.org/pramana/in.jaina.post) › [Dvādaśāranayacakra](https://indike.org/pramana/in.jaina.post.dvadasaranayacakra) › [Nyayagamanusarini](https://indike.org/pramana/in.jaina.post.dvadasaranayacakra!simhasuri) › 8.64 # Dvadasharanayacakra 8.64 Nyāyāgamānusāriṇī 8.64 - **Language:** Sanskrit ### [8.64](https://indike.org/pramana/in.jaina.post.dvadasaranayacakra!simhasuri.8.64) uktaṃ hītyādi ślokadvayaṃ vyākaraṇastavanārthaṃ nidarśayati . vāgādiṣu gośabda eko'nekārthaḥ, ekasmin pṛthubudhnādilakṣaṇe'rthe ghaṭa-kuṭa-kumbhādiśabdo'nekaḥ pravṛttaḥ ityevamādeḥ prakāśyasyārthasya prakāśakaṃ vyākaraṇaṃ sthāvara-jaṅgamānāmiva prakāśyānāṃ sūryaḥ . tathā na vyākaraṇamantareṇa vācyasya sūkṣmasya jñānaṃ vācakasya ca śabdasya, yaḥ śabdaḥ śabdakarmako vācameva brūte hasatijalpatyādistadviṣayaṃ ca jñānaṃ na sambhavati . tacca sarvaṃ vyākaraṇajño veda . tathā arthapravṛttitattvānāmityādi . arthā abhidheyāḥ, pravṛttayaḥ kriyāḥ puruṣahitahetavo'hitahetavo vā, teṣāmubhayeṣāṃ tattvāni svānyaviparītāni rūpāṇi śabdaireva jñāyante . śabdānāṃ punastattvaṃ vyākaraṇādṛte na jñāyate . athavārthasya pravṛttitattvāni yathāsvamekaikasyānantadharmātmavipariṇāmāḥ, tāni śabdairjñāyante, śabdā vyākaraṇeneti . athavā arthā dharmārthakāmamokṣāḥ, taddhetavaḥ pravṛttayaḥ, tāsāṃ tattvāni yathāsvaṃ sādhyasādhanabhāvāḥ . ityādivyākhyāviśeṣeṣu tadviṣayasamyagjñānasya śabdāḥ kāraṇāni, śabdajñānasya tu vyākaraṇamiti . - [Previous: 8.63](https://indike.org/pramana/in.jaina.post.dvadasaranayacakra!simhasuri.8.63) - [Next: 8.65](https://indike.org/pramana/in.jaina.post.dvadasaranayacakra!simhasuri.8.65) - [Up: 8](https://indike.org/pramana/in.jaina.post.dvadasaranayacakra!simhasuri.8) ## Linked texts (1) - [Dvādaśāranayacakra](https://indike.org/pramana/in.jaina.post.dvadasaranayacakra.670) — Mallavādin, Sanskrit --- Source: [https://indike.org/pramana/in.jaina.post.dvadasaranayacakra!simhasuri.8.64](https://indike.org/pramana/in.jaina.post.dvadasaranayacakra!simhasuri.8.64) · Pramāṇa