[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [Post-canonical works (philosophy, yoga, karma theory, narrative, poetry, history)](https://indike.org/pramana/in.jaina.post) › [Dvādaśāranayacakra](https://indike.org/pramana/in.jaina.post.dvadasaranayacakra) › [Nyayagamanusarini](https://indike.org/pramana/in.jaina.post.dvadasaranayacakra!simhasuri) › 8.65 # Dvadasharanayacakra 8.65 Nyāyāgamānusāriṇī 8.65 - **Language:** Sanskrit ### [8.65](https://indike.org/pramana/in.jaina.post.dvadasaranayacakra!simhasuri.8.65) yadapyucyetetyādi . strīpuṃnapuṃsakavyaktīnāṃ viruddhānāṃ puṣyanakṣatratārārthānāmayuktamaikādhikaraṇyam, tayorapṛthagātmatve rūḍheravyabhicāriṇi . kiñcideva kvacid rūpaṃ prādhānyenāvatiṣṭhate .. loke'rtharūpatāṃ śabdaḥ pratipannaḥ pravartate . śāstre tūbhayarūpatvaṃ pravibhaktaṃ vivakṣayā .. vākyapa॰ 2 . 129, 130, 131 darśanotprekṣābhyāmarthamupagṛhya tatra nyagbhūtasvaśaktiḥ buddhau pariplavamāna āntaro vijñānalakṣaṇaḥ śabdātmā śrutyantarapravṛttiheturabhijalpa iti bhartṛharyādimatam . vasurātasya bhartṛharyupādhyāyasya mataṃ tu sa ca svarūpānugatamarthamantaravibhāgena saṃniveśayati . punarvasū nakṣatram ityādisaṃkhyāvirodhādyayuktervijñānamapi tadviṣayamayuktam ityādivacanakhedo'yamakasmāt kriyate tvayā . kiṃ kāraṇam ? abhijalpo hi śabdārthaḥ, hiśabdo yasmādarthe, śabdārthasyābhijalpatvād na liṅgādivicārakhedenārthaḥ, asadviṣayatvāt, khapuṣpaviṣayavicārakhedavat . syānmatam--ko'sāvabhijalpa iti, atrocyate --sa ca śabda eva, sa cābhijalpaḥ śabda eva . - [Previous: 8.64](https://indike.org/pramana/in.jaina.post.dvadasaranayacakra!simhasuri.8.64) - [Next: 8.66](https://indike.org/pramana/in.jaina.post.dvadasaranayacakra!simhasuri.8.66) - [Up: 8](https://indike.org/pramana/in.jaina.post.dvadasaranayacakra!simhasuri.8) ## Linked texts (1) - [Dvādaśāranayacakra](https://indike.org/pramana/in.jaina.post.dvadasaranayacakra.671) — Mallavādin, Sanskrit --- Source: [https://indike.org/pramana/in.jaina.post.dvadasaranayacakra!simhasuri.8.65](https://indike.org/pramana/in.jaina.post.dvadasaranayacakra!simhasuri.8.65) · Pramāṇa