[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [Post-canonical works (philosophy, yoga, karma theory, narrative, poetry, history)](https://indike.org/pramana/in.jaina.post) › [Dvādaśāranayacakra](https://indike.org/pramana/in.jaina.post.dvadasaranayacakra) › [Nyayagamanusarini](https://indike.org/pramana/in.jaina.post.dvadasaranayacakra!simhasuri) › 8.72 # Dvadasharanayacakra 8.72 Nyāyāgamānusāriṇī 8.72 - **Language:** Sanskrit ### [8.72](https://indike.org/pramana/in.jaina.post.dvadasaranayacakra!simhasuri.8.72) tatrāśaktipakṣe vastugatā śaktiḥnāstyeva ityabhyupagatatvādaprayojikā śabdaprayogasya, khapuṣpavadasattvāt . na hi tasyā ityādi bhāvanā gatārthā yāvat kiñcidapi prayojanamasti, prayojane hi tāṃ tāṃ śaktimadhyāropayati . sarvaśaktipakṣe tu vyavasthitāmavyatikīrṇāṃ tāṃ tāṃ śaktimupādāya svaviṣayaniyatāḥ śabdāḥ prayujyante . tasmādubhayorapi... ... ... sambhavati . idamapyasmadabhiprāyaprasādhanaphalam . yogyaśabdanibandhanā hi vivakṣā śrotṛbuddhau tāṃ tāṃ śaktim adhyāropayati . tatra vastu tāvadanenaiva tvadvacanena śabdādanyat siddham . tadidaṃsambandhātmakaśabdārthayorbhedād yatrāsau prayujyate śabdo vaktumiṣyate ca śaktiśca yatrādhyāropyate tad vastu sarvasyāsyādhārabhūtam . yogyo'nurūpaḥ śabdaḥ . tasmādarthāt siddhāt paścād bhavati śabdaḥ . yathārtharūpaṃ tathā hi sa yogyaḥ śabdastasyārthasya vācakaḥ . arthanibandhanā hi vivakṣā, itarathā vacanasya sati prayogaḥ syāt . tasyāmasatyāmapi bāhyārthaśaktau matpakṣe sambhavatyeva śabdaprayogaḥ, yasmād yogyaśabdanibandhanetyādi gatārthaṃ yāvacchaktimadhyāropayati . sarvaśaktipakṣe tu mama viśeṣeṇa vyavasthitāṃ kutaścidanādeyāmavyatikīrṇāmananyaśabdavācyāmityādi yāvat prayujyante prayogasāphalyamastīti . tannigamayati— tasmādubhayorapītyādi yāvat sambhavatīti pūrvapakṣaḥ . - [Previous: 8.71](https://indike.org/pramana/in.jaina.post.dvadasaranayacakra!simhasuri.8.71) - [Next: 8.73](https://indike.org/pramana/in.jaina.post.dvadasaranayacakra!simhasuri.8.73) - [Up: 8](https://indike.org/pramana/in.jaina.post.dvadasaranayacakra!simhasuri.8) ## Linked texts (1) - [Dvādaśāranayacakra](https://indike.org/pramana/in.jaina.post.dvadasaranayacakra.674) — Mallavādin, Sanskrit --- Source: [https://indike.org/pramana/in.jaina.post.dvadasaranayacakra!simhasuri.8.72](https://indike.org/pramana/in.jaina.post.dvadasaranayacakra!simhasuri.8.72) · Pramāṇa