[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [Post-canonical works (philosophy, yoga, karma theory, narrative, poetry, history)](https://indike.org/pramana/in.jaina.post) › [Dvādaśāranayacakra](https://indike.org/pramana/in.jaina.post.dvadasaranayacakra) › [Nyayagamanusarini](https://indike.org/pramana/in.jaina.post.dvadasaranayacakra!simhasuri) › 8.75 # Dvadasharanayacakra 8.75 Nyāyāgamānusāriṇī 8.75 - **Language:** Sanskrit ### [8.75](https://indike.org/pramana/in.jaina.post.dvadasaranayacakra!simhasuri.8.75) itaśca asmanmatavadeva cetyādi . tvadvacanādeva asyārthasyāvidyamānāḥ śaktayo'dhyāropyante iti vikalpotthāpanādasambhavaṃ śaktimato'nyasya vayamapi brūmaḥ . yā sā viśeṣāṇāṃ svarūpapravṛttistayā vinā na kaścicchaktimān nāmānyaḥ, kintu viśeṣā eva viśeṣeṇāsmadabhīṣṭāḥ śaktayaḥ iti yadyucyante tvayā ucyatām, ko vārayati ? tāśca svārthasatyaḥ svena rūpeṇa santi śaktayo viśeṣarūpeṇa strī-puṃ-napuṃsakādibhāvena śaktyantaravyāvṛttarūpā viśeṣā eva vartamānāḥ santītyarthaḥ . tāsāṃ ca śaktīnāṃ teṣu teṣu pravṛttivastuṣu strītvādiṣu vivakṣaiva vyañjikā, vivakṣayā vyajyante prakāśyante satya eva śabdaprayogeṇa, saiva hi vivakṣā taṭastaṭī taṭam ityādīn sato viśeṣānabhivyanaktītyarthaḥ . kā vivakṣā ? vaktumicchā, saiva tāṃ tāṃ śaktimarthagatāṃ śabdamanapekṣya siddhāmadhyāropayati prāgātmani vaktari, paścāt prayogācchrotṛbuddhau, nāsatīm, vaktrabhiprāyagahaṇārthaprayatanāt pumānayamanena vivakṣitaḥ, strī iyam, netare ityādyananyabuddhivyavasthāpanena . - [Previous: 8.74](https://indike.org/pramana/in.jaina.post.dvadasaranayacakra!simhasuri.8.74) - [Next: 8.76](https://indike.org/pramana/in.jaina.post.dvadasaranayacakra!simhasuri.8.76) - [Up: 8](https://indike.org/pramana/in.jaina.post.dvadasaranayacakra!simhasuri.8) ## Linked texts (1) - [Dvādaśāranayacakra](https://indike.org/pramana/in.jaina.post.dvadasaranayacakra.675) — Mallavādin, Sanskrit --- Source: [https://indike.org/pramana/in.jaina.post.dvadasaranayacakra!simhasuri.8.75](https://indike.org/pramana/in.jaina.post.dvadasaranayacakra!simhasuri.8.75) · Pramāṇa