[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [Post-canonical works (philosophy, yoga, karma theory, narrative, poetry, history)](https://indike.org/pramana/in.jaina.post) › [Dvādaśāranayacakra](https://indike.org/pramana/in.jaina.post.dvadasaranayacakra) › [Nyayagamanusarini](https://indike.org/pramana/in.jaina.post.dvadasaranayacakra!simhasuri) › 8.77 # Dvadasharanayacakra 8.77 Nyāyāgamānusāriṇī 8.77 - **Language:** Sanskrit ### [8.77](https://indike.org/pramana/in.jaina.post.dvadasaranayacakra!simhasuri.8.77) sarvaśaktipakṣe'pi cāsmanmatamevocyate tvayā, kasmāt ? arthārthatvācchabdaprayogasya vyavasthitām ityādinā, tadyathā--vyavasthitāṃ śabdenānāneyāmavyatikīrṇāmananyaśabdavācyāṃ tāṃ tāṃ śaktiṃ strīpuṃnapuṃsakādikāṃ śaktyantaravyāvṛttyā vivakṣitāṃ viśiṣṭāmeva upādāya svaviṣayaniyatāḥ śabdāḥ prayujyante'bhinnaliṅgasaṅkhyādiviśiṣṭaikaśaktiviṣayaniyatāḥ . kiṃ kāraṇam ? liṅgādibhinnasāmānādhikaraṇyakriyāyāṃ vyatikarāpatteḥ, uktaṃ prāk --tārā-puṣya-nakṣatrāṇāṃ strī-puṃ-napuṃsakānāṃ vyatikareṇa prayogo'paśabdaḥ iti . ayaṃ ca sarvaśaktipakṣaḥ . paramārthatastu vādaparameśvaravāda evāyam . kasmāt ? ekaikadravyānantaparyāyatvādasmanmatameva, ahaṃ hi tvayaiva saha virudhye na vādaparameśvareṇa . tena ca saha ko virodhaḥ ? tasya hi matam--ekaikaṃ dravyamanantaparyāyam, sāpekṣanirapekṣāśca pariṇāmāḥ paryāyāḥ śaktaya ityucyante, dravyāṇi cānyonyānugataśaktitvāt sarvaśaktīni . yathāha-- - [Previous: 8.76](https://indike.org/pramana/in.jaina.post.dvadasaranayacakra!simhasuri.8.76) - [Next: 8.78](https://indike.org/pramana/in.jaina.post.dvadasaranayacakra!simhasuri.8.78) - [Up: 8](https://indike.org/pramana/in.jaina.post.dvadasaranayacakra!simhasuri.8) ## Linked texts (1) - [Dvādaśāranayacakra](https://indike.org/pramana/in.jaina.post.dvadasaranayacakra.676) — Mallavādin, Sanskrit --- Source: [https://indike.org/pramana/in.jaina.post.dvadasaranayacakra!simhasuri.8.77](https://indike.org/pramana/in.jaina.post.dvadasaranayacakra!simhasuri.8.77) · Pramāṇa