[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [Post-canonical works (philosophy, yoga, karma theory, narrative, poetry, history)](https://indike.org/pramana/in.jaina.post) › [Dvādaśāranayacakra](https://indike.org/pramana/in.jaina.post.dvadasaranayacakra) › [Nyayagamanusarini](https://indike.org/pramana/in.jaina.post.dvadasaranayacakra!simhasuri) › 8.80 # Dvadasharanayacakra 8.80 Nyāyāgamānusāriṇī 8.80 - **Language:** Sanskrit ### [8.80](https://indike.org/pramana/in.jaina.post.dvadasaranayacakra!simhasuri.8.80) evamityādi . itthaṃ vyākhyānaprakāreṇa sarvatra pākaḥ sādhyarūpatāyāmeva vyavasthitaḥ sādhanamākāṃkṣatīti tasminneva kāle karmatvaṃ śeṣatvaṃ ca bhajate, tasmād yuktamaviruddham, tādarthyāt sa eva sādhyarūpo'rthaḥ karmarūpāpannaḥ śeṣarūpāpannaśca sādhanādhīnanirvṛttika ucyate . kasmāt ? śeṣasyākārakavivakṣaṇāt, satāmeva hi kārakāṇāmavivakṣā śeṣa ucyate, tasmādaviruddhā kriyādiparikalpanā'rthaśaktiviṣayaiva na śabdotthāpitā . tasmādudgrāhānurūpopasaṃhārābhāvādasamyakpratyapekṣitasvārthaṃ vacastvadīyamevamityupasaṃhāraḥ . tasmācchabdasyāpradhānatvādavasthitamarthamanuvartamānasya upasarjanatvāt kuto'sya kalpanāśaktiḥ ? nāstītyarthaḥ . ata iti uktanyāyāditthaṃ kārikā paṭhitavyā --śaktervā sarvaśaktervetyādi . viśeṣāḥ śaktaya evopasarjanībhūtasāmānyāḥ, tadartho hi śabdaprayogaḥ, tasya vivakṣitatvāt, yathārthābhidhānaṃ ca śabdaḥ tattvārthabhāṣya 1 . 35 ityasmanmatamityubhayaniyamanayadṛṣṭyā . sarvaśaktervā iti vādaparameśvaramatenoktavat ekasyaivārthasyāviruddhaśaktiviśeṣasyānekaśaktyātmakasya vā svārthenaiva prakalpitā na śabdenāpradhānena niyatā vyavasthitā kriyā-karma-śeṣa-kartrādiparikalpanā . - [Previous: 8.79](https://indike.org/pramana/in.jaina.post.dvadasaranayacakra!simhasuri.8.79) - [Next: 8.81](https://indike.org/pramana/in.jaina.post.dvadasaranayacakra!simhasuri.8.81) - [Up: 8](https://indike.org/pramana/in.jaina.post.dvadasaranayacakra!simhasuri.8) ## Linked texts (1) - [Dvādaśāranayacakra](https://indike.org/pramana/in.jaina.post.dvadasaranayacakra.8.17-18) — Mallavādin, Sanskrit --- Source: [https://indike.org/pramana/in.jaina.post.dvadasaranayacakra!simhasuri.8.80](https://indike.org/pramana/in.jaina.post.dvadasaranayacakra!simhasuri.8.80) · Pramāṇa