[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The four Anuyogas ("expositions")](https://indike.org/pramana/in.jaina.anuyoga) › [Ontology, epistemology and logic](https://indike.org/pramana/in.jaina.anuyoga.phil) › [Logic and epistemology (pramāṇa, naya, syādvāda)](https://indike.org/pramana/in.jaina.anuyoga.phil.nyaya) › [Standpoints, nikṣepa, saptabhaṅgī](https://indike.org/pramana/in.jaina.anuyoga.phil.nyaya.naya) › [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra) › [Nyayagamanusarini](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri) › 8.93 # Dvadasharanayacakra 8.93 Nyāyāgamānusāriṇī 8.93 - **Language:** Sanskrit ### [8.93](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.8.93) kiñcānyat, śrutyantarapravṛttihetuḥ ityetadapi tvatkalpitābhijalpe naivopapadyate, asmadiṣṭe tūpapadyate . tadyathā--śruteranyā śrutiḥ śrutyantaram, antarekībhūtābhijalpapṛthagbhūto dhvanirvyavahārānupātī syāt, sa tvadiṣṭābhyāṃ śabdārthābhyāṃ na pravartyeta akartṛbhyāmacetanābhyāṃ karaṇa-karmabhyām, pravṛttihetuḥ śrutyantarasya bhavitumarhati . śabdārthayorekībhūyāntarvartamānayoḥ kānyā śrutiḥ śrutyantaramityucyeta ? kena ca viśeṣeṇa tatpravṛttiheturucyate ? asti viśeṣaḥ . tadyathā--ghaṭārthapratyāyanārthaṃ dhvanyātmakaśabdotpattikāryadarśanāt tadanurūpaḥ kāraṇabhūto'numīyate ghaṭaśabdaḥ, nārthaḥ tadvirūpatvāt . tasmācchrutiḥ śrutyantarasya pravartikā śrutitvāt, nārtho nāpyātmā . nanu tasyāpi śrutyantarasya śrutitvāt pūrvaśrutivadarthapravartitaḥ śabdaḥ, arthābhāve prayogānarthakyāt . ābhimukhyena jalpatyarthaṃ śabdaḥ, tamartho'bhijalpayati, tadviṣaya evābhijalpa ityucyate . evaṃ tāvad bhartṛharyādidarśanamayuktam . yathāsaṅkhyaṃ karaṇa-karmatvācchabdārthayoḥ . cetanātmatvāt tvātmā svatantraḥ, svātantryāt kartā, sa pravṛttihetuḥ śrutyantarasya bhavitumarhati . yathoktam --ātmā buddhyā samarthyārthān pā॰ śikṣā॰ .. 6 .. ityādi . idaṃ cāyuktaṃ śrutyantaram iti vibhajya kathanam, śabdārthayorekībhūyāntarvartamānayoḥ kānyā śrutiḥ śrutyantaram ityucyeta ? tasmād viśeṣābhāve kathamavibhrāntairavibhaktaḥ san vibhaktaḥ śabdātmā ucyate ? kena ca viśeṣeṇa śrutyantarābhāvena tatpravṛttiheturucyate ? caitanya-svātantryakṛtaṃ kartṛtvaviśeṣamantareṇa śrutyantarāsambhave kasya pravṛttihetutvam ? - [Previous: 8.92](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.8.92) - [Next: 8.94](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.8.94) - [Up: 8](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.8) ## Linked texts (1) - [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra.690) — Mallavādin, Sanskrit --- Source: [https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.8.93](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.8.93) · Pramāṇa