[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The four Anuyogas ("expositions")](https://indike.org/pramana/in.jaina.anuyoga) › [Ontology, epistemology and logic](https://indike.org/pramana/in.jaina.anuyoga.phil) › [Logic and epistemology (pramāṇa, naya, syādvāda)](https://indike.org/pramana/in.jaina.anuyoga.phil.nyaya) › [Standpoints, nikṣepa, saptabhaṅgī](https://indike.org/pramana/in.jaina.anuyoga.phil.nyaya.naya) › [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra) › [Nyayagamanusarini](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri) › 8.97 # Dvadasharanayacakra 8.97 Nyāyāgamānusāriṇī 8.97 - **Language:** Sanskrit ### [8.97](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.8.97) yattu vasurāto bhartṛharerupādhyāyaḥsa ca svarūpānugatam ityādyāha tena dvāvapi śabdo'rthaścābhyupagatau, sambandhasya dviṣṭhatvāt sambandhinorabhyupagatiḥ . prācyādatyandhadarśanāt taimirikadarśanamidaṃ tattvadṛṣṭiṃ pratyāsīdati, na dūrāpayātam, abhijalpasvarūpaṃ tu punastenāpi nirastam . kiñca na tu sa tenetyādi . etasminnapi darśane yathā puṣyaśabdārthayorantaḥ sanniveśanamavibhāgena svaliṅgavacanakārakādibhedayorevamiṣṭālliṅgāderanyānyaliṅgādīni anyaśabdārthagatānyapi sanniveśayiṣyati sa iti sāmānyopasarjanaviśeṣapradhānavādinā śabdanayenābhihitāṃstatsāmānādhikaraṇyābhāvādidoṣān parihartumaśakta eva tathāpi . kasmāt ? nanu śabdānugatetyādi . svarūpamanugato'rthaḥ, tamarthamantaravibhāgena iti bruvatā arthatantraḥ śabdo'bhihito na śabdatantro'rthaḥ, yadyarthamanugataḥ śabdo'ntaravibhāgena sanniveśyeta tataḥ śabdapreritatvācchabdāvadhāraṇādartho vyudastaḥ syāt, kintu tadviparītaṃ śabdāvadhāraṇavyudasanādarthaprādhānyāva- lambanaṃ kṛtam . tato'rthatantratvāt arthapradhānatvācchabdapravṛtteḥ, pravartako hi śabdasyārthaḥ, tasmāt tadavasthā doṣāḥ . śabdaprādhānyāvadhāraṇe tu parihṛtāḥ syuḥ . tasmāduktavadeva viśeṣaprādhānyavāde'rthāntaranirapekṣāṇāṃ puṣya-tārā-nakṣatrādiviśeṣāṇāṃ nāsti sāmānādhikaraṇyam, ato viśeṣa eka eva vyavasthitaḥ . - [Previous: 8.96](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.8.96) - [Next: 8.98](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.8.98) - [Up: 8](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.8) ## Linked texts (1) - [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra.8.23) — Mallavādin, Sanskrit --- Source: [https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.8.97](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.8.97) · Pramāṇa