[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [Post-canonical works (philosophy, yoga, karma theory, narrative, poetry, history)](https://indike.org/pramana/in.jaina.post) › [Dvadasharanayacakra](https://indike.org/pramana/in.jaina.post.dvadasaranayacakra) › 110 # Dvadasharanayacakra 110 Dvādaśāranayacakra 110 - **Language:** Sanskrit ### [110](https://indike.org/pramana/in.jaina.post.dvadasaranayacakra.110) pramāṇam, samānānekārthātathābhūtārthānnīlādisaṅghātāt prajñaptisata ālambanāt paramārthasadākāro labhyate, ta eva hi paramāṇavo nīlāditvenābhāsante iti tadviṣayaṃ jñānaṃ pratyakṣamiṣṭaṃ tathā ghaṭasaṅkhyādyākārebhyaḥ pratyakṣajñānajanakārthasadharmabhyaḥ samānānekārthajanyendriyasvārthebhyaḥ samānānekārthātathābhūtārthebhyaḥ paramārthasadākāro lapsyate iti ghaṭādijñānaṃ pratyakṣaṃ syāt, saṃvṛtisadālambanatvāt, nīlādijñānavat . nīlādijñānaṃ vā na pratyakṣaṃ syāt, ghaṭādijñānavat . ta eva hi te paramāṇava ābhāsante . evamubhayostulye janakatve kuta etat--nīlādyābhāsaṃ jñānaṃ pratyakṣaṃ na ghaṭādyābhāsamiti . yathaiva hi paramāṇvavayavasamudāye ta evābhāsante tathā ghaṭādijñāneṣvapi samuditāsta evābhāsante, tathāstheṣveva ghaṭabuddhiḥ pravartate prajñaptiśca evaṃ tathāstheṣveva nīlādirūpabuddhiḥ pravartate prajñaptiśca . - [Previous: 109](https://indike.org/pramana/in.jaina.post.dvadasaranayacakra.109) - [Next: 111](https://indike.org/pramana/in.jaina.post.dvadasaranayacakra.111) ## Commentaries (2) - [Nyāyāgamānusāriṇī](https://indike.org/pramana/in.jaina.post.dvadasaranayacakra!simhasuri.1.201) — Siṃhasūri Gaṇi Vādikṣamāśramaṇa, Sanskrit - [Dravyasvabhāvaprakāśananayacakra](https://indike.org/pramana/in.jaina.post.dvadasaranayacakra!mayilla-dhavala) — Māyilla Dhavala, Sanskrit --- Source: [https://indike.org/pramana/in.jaina.post.dvadasaranayacakra.110](https://indike.org/pramana/in.jaina.post.dvadasaranayacakra.110) · Pramāṇa