[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [Post-canonical works (philosophy, yoga, karma theory, narrative, poetry, history)](https://indike.org/pramana/in.jaina.post) › [Dvadasharanayacakra](https://indike.org/pramana/in.jaina.post.dvadasaranayacakra) › 494 # Dvadasharanayacakra 494 Dvādaśāranayacakra 494 - **Language:** Sanskrit ### [494](https://indike.org/pramana/in.jaina.post.dvadasaranayacakra.494) virbhāvavad nityaṃ kāryāvirbhāvaḥ sacca kāryamiti niścitaṃ tadvailakṣaṇyānna tarhi sat kāraṇam, asat, sadvilakṣaṇatvāt khapuṣpavat . nanu ghaṭasattvaṃ paṭasattvavilakṣaṇam, na, itaretarāsattvavailakṣaṇyāt . athaivamapi vailakṣaṇye kāraṇasattvaniścayo na nivartate āvirbhāvātmakaṃ ca tat na tarhi anāvirbhāvātmakatvāt kāryaṃ sat khapuṣpavat . itarathā hi nityamevāvirbhavet sattvāt kāraṇavat, kāraṇaṃ vā nāvirbhavet anāvirbhāvakasattvāviśiṣṭatvāt kāryavat . atha na kāryānityaprādurbhāvavat kāraṇaprādurbhāvaḥ sacca kāraṇamiti niścitaṃ tadvailakṣaṇyānna tarhi sat kāryam, asat, sadvilakṣaṇatvāt khapuṣpavat, itaraḥ kāraṇavat . khapuṣpamapi vā sat, āvirbhāvānupalabdheḥ, kāryavat . nanu ghaṭasattvaṃ paṭasattvavilakṣaṇam, na, itaretarāsattvavailakṣaṇyāt . athaivamapi vailakṣaṇye kāryasattvaviniścayo na vyāvartate anityāvirbhāvātmakaṃ ca tat na tarhi āvirbhāvātmakatvāt kāraṇaṃ sat, na tvevaṃ bhavati . ataḥ kāraṇaṃ sat, upalabhyatva āvirbhāvakatvāt, kṛtavat . kṛtamapi kāraṇavat sat, upalabhyatve āvirbhāvakatvāt, kāraṇavadeva . na tu kāryaṃ sat, upalabhyatve āvirbhāvānupalabdhyātmakatvāt, khapuṣpavat . sattve vā viśeṣo vaktavyaḥ, aviśeṣe vailakṣaṇyānupapatteḥ . viśeṣonnayane'pi viśeṣasyāsadāśrayatvāt tato'nyatvameva, tatrāsattvameva aghaṭapaṭavat . - [Previous: 6.8](https://indike.org/pramana/in.jaina.post.dvadasaranayacakra.6.8) - [Next: 6.9](https://indike.org/pramana/in.jaina.post.dvadasaranayacakra.6.9) ## Commentaries (1) - [Nyāyāgamānusāriṇī](https://indike.org/pramana/in.jaina.post.dvadasaranayacakra!simhasuri.6.34) — Siṃhasūri Gaṇi Vādikṣamāśramaṇa, Sanskrit --- Source: [https://indike.org/pramana/in.jaina.post.dvadasaranayacakra.494](https://indike.org/pramana/in.jaina.post.dvadasaranayacakra.494) · Pramāṇa