Upadeshaprasada 10
Upadeśaprāsāda 10
- Language
- Sanskrit
10.1
dṛgbhyāṃ vilokate nordhvaṃ, saptāṃgaiśca pratiṣṭhitaḥ
stabdhadehaḥ sadā soṣmā, māna eva mahāgarāḥ
10.1-2
ekaḥ sakalajanānāṃ, hṛdayeṣu kṛtāspado madaśatruḥ
yenāviṣṭaśarīro, na śrṛṇoti na paśyati stabdhaḥ
10.2
śauryamado rūpamadaḥ, śṛṃgāramadaḥ kulonnatimadaśca
vibhavamado jātimadaḥ, madavṛkṣā dehināmete
10.3
śauryamadaḥ svabhujadarśī, rūpamado darpaṇādidarśī ca |'
kāmamadaḥ strīdarśī, vibhavamadastveṣa jātyaṃdhaḥ
10.4
sāvadhayaḥ sarvamadā, nijanijamūlakṣayairvinaśyaṃti
gurumada ekaḥ kuṭilo, vijṛṃbhate niravadhirbhāgī
10.5
maune sāmaṃtānāṃ, nisyaṃdadṛśi pravṛddhavibhavānām
bhrūbhaṃgamukhavikāre, dhanikānāṃ bhruyuge viṭādīnām
10.6
jihvāsūddhataviduṣāṃ, rūpavatāṃ daśanakeśaveśeṣu
vaidyānāmoṣṭhapuṭe, grīvāyāṃ guruniyogigaṇakānām
10.7
skaṃdhataṭe subhaṭānāṃ, hṛdaye vaṇijāṃ kareṣu śilpavatām
gaṃḍeṣu kuṃjarāṇāṃ, ghanastanataṭeṣu taruṇīnām
10.8
pātālānna samuddhṛto balinṛpo nīto na mṛtyuḥ kṣayaṃ
nonmṛṣṭaṃ śaśalāṃchanasya malinaṃ nonmūlitā vyādhayaḥ
śeṣasyāpi dharā vidhṛtya na kṛto bhārāvatāraḥ kṣaṇaṃ
cetaḥ satpuruṣābhimānagaṇanā mithyā vahan lajjase
Linked texts (5)
- Kalāvilāsa — Kṣemendra, Sanskrit
- Mahāsubhāṣitasaṃgraha — Sanskrit
- Upadeśaprāsāda — Lakṣmīvijayasūri 1761, Sanskrit
- Subhāṣitaratnabhāṇḍāgāra — Kāśīnātha Pāṇḍuraṅga Paraba 1886, Sanskrit
- Śārṅgadharapaddhati — Śārṅgadhara, Sanskrit