Pramāṇa · Search · About · API

Upadeshaprasada 9

Upadeśaprāsāda 9

Language
Sanskrit

9.1

kāmaḥ krodhastathā lobho, harṣo māno madastathā
ṣaḍvargamutsṛjedevaṃ, tasmiṃstyakte sukhī bhavet

9.1-2

tāvanmahattvaṃ pāṃḍityaṃ, kulīnatvaṃ vivekitā
yāvajjvalati cittāṃtarna pāpaḥ kāmapāvakaḥ

9.2

nānyaḥ kutanayādādhirvyādhirnānyaḥ kṣayāmayāt
nānyaḥ sevakato duḥkhī, nānyaḥ kāmukato'ndhalaḥ

9.1-3

saṃtāpaṃ tanute chinatti vinayaṃ sauhārdamutsādayatyudvegaṃ janayatyavadyavacanaṃ sūte vidhatte kalim
kīrtiṃ kṛṃtati durmatiṃ vitarati vyāhaṃti puṇyodayaṃ
datte yaḥ kugatiṃ sa hātumucito roṣaḥ sadoṣaḥ satām

9.2-2

drumodbhavaṃ haṃti viṣaṃ na hi drumaṃ, na vā bhujaṃgaprabhavaṃ bhujaṃgamam
adaḥ samutpattipadaṃ dahatyaho, dāholbaṇaṃ krodhahalāhalaṃ puna:

9.1-4

krayavikrayakūṭatulā lāghava nikṣepa bhakṣaṇa vyājaiḥ
ete hi divasacaurā muṣṇaṃti mahājane vaṇijāḥ

9.2-3

hṛtvā dhanaṃ janānāṃ, dinamakhilaṃ vividhavacanaracanābhiḥ
vitarati gṛhe kirātaḥ, kaṣṭena varāṭikātritayam

9.3

ākhyāyikāturāgī, vrajati sadā pustakaṃ śrotum
dṛṣṭa iva kṛṣṇasarpeḥ, palāyate dānadharmasyaḥ

9.4

utsṛjya sādhuvṛttaṃ, kuṭiladhiyā vaṃcitaḥ paro yena
ātmaiva mūḍhamatinā, hatasukṛto vaṃcitastena

9.5

dravyānāmapi lābhena, na lobhaḥ paribhūyate
mātrāsamadhikaḥ kutra, mātrāhīnena jīyate

Linked texts (5)