<!-- Pramāṇa, a library of Indian primary sources · https://indike.org/pramana/in.jaina.post.katha.romance.lilavatisara.p167 -->

[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [Post-canonical works (philosophy, yoga, karma theory, narrative, poetry, history)](https://indike.org/pramana/in.jaina.post) › [Narrative literature (kathās, kathākośas, caritas)](https://indike.org/pramana/in.jaina.post.katha) › [Romances](https://indike.org/pramana/in.jaina.post.katha.romance) › [Lilavatisara](https://indike.org/pramana/in.jaina.post.katha.romance.lilavatisara) › p167

# Lilavatisara p167

Līlāvatīsāra p167

### [p167](https://indike.org/pramana/in.jaina.post.katha.romance.lilavatisara.p167)

\[360-373 ṭhakānāmīdṛśāṃ vāci pratyayo'treti ko nayaḥ | re dhūrtāmukavat kiṃ māmapi moṣitumicchasi ||360 mayā caiṣo'bhāṇi tato malavyāṃ te'sti kiṃ vada | eṣo'vak pṛcchayā vaḥ kiṃ deyaṃ na hyasti bhekhyakam (?) ||361 pānthastu pṛṣṭo'vagetadetadastyatra vastu me | punareṣo'vadad bhṛtyo mamāyaṃ vettyasau tataḥ ||362 mayābhāṇyeṣa saptāṣṭāstavātraitasya vāsarāḥ || adyākasmād vṛṣaḥ sopaskaro bhatyaśca te kutaḥ ||363 tūṣṇīke'smin mayā'vādi re re'muṃ hata taskaram | radātāgulirūce'sau rakṣa māṃ śaraṇe'smi te ||364 tataḥ sopaskaro'naḍvān pathikāya pradāpitaḥ | mayā nirbhaya̭ devāya svadeśānniravāsyata ||365 rājñe'tha siṃharājaśca vajrasiṃhaśca durnayam | devadinnasyocatuḥ sa jñeyo mūlakathānakāt ||366 smitvātha jitaśatrū rāṭ jagāda jagadādhihṛt || īṣadāgo punarvṛttyā kṣamyatāṃ kṣamibhinnu ||367 yastvevaṃ cauryamāyābhyāṃ caturdhā rūḍhadurnayaḥ | sa vadhya eva pāpīyān mā tāmya jinarakṣita ||368 tato vasundhara iva rāsabhāropitaḥ pure | bhramito devadinnaḥ sa varākaḥ pāpapiṇḍavat ||369 svaduṣkṛtaphalaṃ jānanna saṃkliṣṭo'nutāpataḥ | sa madhyamaguṇaḥ śūlārūḍho nṛtvamupārjayat ||370 tasyāmevātha. campāyāṃ vaṇijo devaḍasya saḥ | patnyāḥ kukṣau sarvadevyā nandanatvamaśiśriyat ||371 pūrṇeṣvahassu jātasya tasyātha dvādaśe'hani | vasudeva iti nāma pitṛbhyāṃ mahasā dadhe ||372 kulocitakalādāne vamgaḍākhyavaṇiksutā || maṅgalā maṅgalaistena catubhiḥ paryaṇīyata ||373

- [Previous: p166](https://indike.org/pramana/in.jaina.post.katha.romance.lilavatisara.p166)
- [Next: p168](https://indike.org/pramana/in.jaina.post.katha.romance.lilavatisara.p168)

---
Source: [https://indike.org/pramana/in.jaina.post.katha.romance.lilavatisara.p167](https://indike.org/pramana/in.jaina.post.katha.romance.lilavatisara.p167) · Pramāṇa
