Bhavashataka (Samayasundara) 70
Bhāvaśataka (Samayasundara) 70
- Language
- Sanskrit
70.1
rāga-kalyāṇa
cālau lodravapure
sahasaphaṇā ciṃtāmaṇi svāmī, bheṭau bhāva ghare | cā0
70.2
bhaṇasālī thiru biṃba bharāyā, jesalameru gire
samayasundara sevaka kahai hamakuṃ, prabhu sānidha kare | cā0
70.1-2
śrīstaṃbhana-pārśvanātha-stotram
namirasurāsurakhayararāyakinnaravijāhara !
mahuyarāivirāyamāṇapayapaṃkayasuṃdara !
mahiyalamahimāmeyamattavaṃchiadāyaka !
jaya jaya thaṃbhaṇa pāsanāha ! bhuvaṇattayanāyaga
paṇayayārapāyavapavarasiṃcaṇamuharasamāṇa
purisādāṇia pāsajiṇa, guṇagaṇarayaṇanihāṇa
70.2-2
āsaseṇanararāyavaṃśamāṇasasarahaṃsaṃ
nāyaraloapanoarāipaḍibohaṇahaṃsaṃ
vammahakāṇaṇadalaṇadaṃtisanihamacireṇa
paṇamaha pāsajiṇiṃdadevamegaggamaṇeṇa
kalākelivararūvavara karuṇākerabacaṃda
caraṇakamalasuṃdarabhamarapaumāvaidharaṇiṃda
70.3
vāmādevīuarasuttimaṃjulamuttāhala !
sayalakalāvalikāliyakāya kalimalivasuhāhala !
mohamahābalanīrapaṃkanippheḍaṇadiṇayara !
dehi dayāpara paramadeva sevaṃ maha suhayara !
akariniariṃnirāgaraṇapaṃcāṇaṇa ! jaya deva !
thaṃbha(ṇa)puramaṃḍhaṇamauḍa suranaravaṃcchiaseva
70.4
kavaḍakaḍappakuḍīrakuṭhakamaṭhāsuragaṃjaṇa !
sulaliavayaṇasuhāchallaricholīraṃjaṇa !
pāvasurāsura puṃḍarīa ramaṇīaguṇālaya
kalijaṃbālabalāhaoha pahumaṃ paḍipālaya
bhavasamuddatāraṇataraṇa ! tihuaṇajaṇaādhāra !
pāsa jiṇesara ! garimaguru gaṃbhīrimaguṇasāra !
70.5
navakarasuṃdarabhañjharīa bhañjharisamalaṃkia
sasidalavimalavisālabhālamaṃjulaayalaṃkiya
tuha muhacaṃdaviloaṇeṇa maha nāha suhaṃkara !
keravaṇamiva loaṇāṇi viasati viaṃbara
jagabaṃdhava ! jagamāipia ! jagajīvaṇa ! jiṇarāya !
jagavacchala ! jagaparamaguru ! jaya jaya vaṃdiapāya !
70.6
dhavalakamalakalakittipūradhavalīkayamahiala !
pabalapamāyakalāvakuṃbhabhaṃjaṇagaṇaaviala
dukhadāvānalasalilavāha ! dohaggavihaṃḍaṇa !
jaya jaya pāsa jiṇaṃda ! deva ! thaṃbhaṇapuramaḍaṇa !
caugaibhayabhaṃjaṇapavara, upasāmia duhadāha
rogasogasaṃtāpahara, jaya jiṇa ! tihuaṇanāha !
70.7
hiayasarovarasohamāṇaguṇamuttiasuttī
gallajualavilahijamāṇakuṃḍalakayadittī
kayadāṇavamāṇavanariṃdakinnarapayabhattī
purisādāṇia ! pāsanāha ! rehai tuha muttī
kevalakamalāsahasakara, sivaramaṇīurahāra
siddha ! buddha ! nissaṃga ! jiṇa ! sayalajīvasuhakāra !
70.8
iya pāsa jiṇavara bhuvaṇadiṇayara, thaṃbhatitthapuraṭṭhio
saṃthuo sāmī siddhigāmī siddhisohapaiṭṭhio
jiṇacaṃdasūrisuriṃdakinnarasayalacaṃdanamaṃsio
maha dehi siddhiṃ suhasamiddhiṃ samayasundara saṃsio