Bhavashataka (Samayasundara) 96
Bhāvaśataka (Samayasundara) 96
- Language
- Sanskrit
96.1
saṃ0 1700 varṣe mārgaśīrṣa vadi 5 dine śrī ahamadāvāde hājā
paṭela polimadhye vṛddhopāśraye | u0 śrī samayasundaralikhitaṃ svasya
śiṣyārthaṃ ca paṭhanārtham
śrī pārśvanāthasya śṛṃkhalāmaya laghu stavanam
praṇamāmi jinaṃ kamalāsadanaṃ, sadanaṃtaguṇaṃ kulahārasamam
rasa maṃdamadaṃbhasudhānayanaṃ, nayanaṃdita vaiśvajanaṃ śaminam
96.2
yuvanāenmukhakeśariśādharavaṃ, varavaṃśapadā na tadā sahitam
sahitaṃ samayā ramayā madanā, madanābhi tiraskṛtanīruham
96.3
vadanaravi bodhitānekajanapaṃkajaṃ, paṃkajaṃ bālapāthodasamasaṃcaram
saṃcaraṃtaṃ sarojeṣu sutamoharaṃ, moharaṃbhā gaje pārśvanāthaṃ mudā
96.4
tribhiḥ kulakam
vihitamaṃgala maṃgala sadruciṃ nuta jinaṃ sadayaṃ sadayaṃ janāḥ
vigata deva na devanarocitaṃ, gatakajāmaracāmararājitam
96.5
jina yasya mano amaro ramate, ramate padapadmayugaṃ satatam
satataṃ navavāmakaraṃdaminā, damināvanipīyamudaṃ daminaḥ
96.6
mahodaye vāma jinaṃ vasaṃtaṃ, jinaṃ vasaṃtaṃ śubhravallikaṃde
sasmāra pārśvaṃ sumano vimānaṃ, mano vimānaṃ sa jagāma yasya
96.7
kalyāṇakaṃde kamalaṃ haraṃtaṃ, jine janānekamalaṃ haraṃtam
satāṃ mahānaṃdamahaṃ sa padma, pārśvaṃ dadau yo damahaṃsa padmaṃ
96.8
kalpakalpopamaṃ pūrṇasomodayaṃ, modayaṃtaṃ janān vaṃśahaṃsaprabham
saprabhaṃ pārśvanāthaṃ vahe mānase, mānasevālavātūlamenaṃ jinam
96.6-2
evaṃ stuto mama jinādhipapārśvanāthaḥ,
kalyāṇakaṃdajinacaṃdrarasā sanāthaḥ !
jñānāṃbudhau sakalacaṃdrasamaḥ prahṛdyaḥ
siddhāntasuṃdararatiṃ vitanātu sadyaḥ