Kavyaratna 5: atha pañcamaḥ sargaḥ
Kāvyaratna 5
- Language
- Sanskrit
Contents
- 5.42 — 1 part
atha pañcamaḥ sargaḥ
5.1
adṛśyarūpātha gṛhe praviśya
dadarśa bālāmṛtabhānumārāt
śacī jananyāḥ sthitamambarānte
sudhārasasyandinamīkṣaṇānām
5.2
vahantyasau bhaktirasapravāhe
didṛkṣamāṇeva dṛḍhāvalambam
samarpya māyāśiśumambikāyāḥ
puro jahāronnatavaṃśamenam
5.3
pāṇyorjinaṃ nyasya niritya harmyād
vrajantyasau vallabhamābhimukhyāt
dvirephamadhyāmburuheva reje
sarojinī bhānumabhisphurantī
5.4
jināsyacandrekṣaṇamātrato'bhūccaturnikāyāmararāgasindhuḥ
viśrṛṅkhalo yatra mukhasmitāni
vitenire phenavibhaṅgalīlām
5.5
divaukasāṃ bālasudhāmarīcirjayasvanāpūritadikkaṭānām
hṛdakṣikṣahastān kumudendukāntakuśeśayārthān kurute sma sadyaḥ
5.6
jināṅgalāvaṇyarasaprapūrṇe
niśeṣapamasmin jagadantarāle
vibhāsuraṃ tannagaraṃ surāṇāmajījanat pāśipurābhiśaṅkām
5.7
jigāya śacyā śatamanyuhastadvaye kṛtastannayanācitāṅgaḥ
jinārbhako bhṛṅgakulābhirāmaṃ
domotpalānāṃ maṇibhājanastham
5.20
nabhasthalenāgarudhūmalekhāḥ
sphuratsphuliṅgāḥ śaśiśaṅkayāmī
sitātapatragrasanāya dhāvanvidhuntudā vāntavipasphuliṅgāḥ
5.21
aṅgāravikṣiptadaśāṅgadhūpaḥ
saṅkrāntasantāpa iva kṣaṇena
āśliṣyadutthāya paṭīrahārakarpūrakalhārapayoruhāṇi
5.22
gadyena padyena ca daṇḍakena
śaśaṃsa gītena ca gāthayā ca
marudgaṇo'yaṃ na paraṃ paro'pi
guhāmukhodyatpratiśabdadambhāt
5.23
viyattalaṃ vītaghanāghanaughamapi prapūrṇaṃ jinadehabhāsā
vibhinnanīlāñjanasannibhena
punardhanāpūrṇamivābabhāse
5.24
jināmbudo'sāvibhadānavṛṣṭirneṭītaṭid vādyaninādagarjaḥ
vimānamālārucikārmuko divyākālikīṃ prāvṛṣamātatāna
5.25
abhrāṇyadabhrāṇi surebhadantaprotāni rejuḥ parito jinendram
utkṣipyamāṇāni mudāmuneva
candrāśmadaṇḍātapavāraṇāni
5.26
senāpadāmarditapāṇḍumeghān
muktāgurūnabhratale biḍālāḥ
haṭhena dadhyannadhiyā vrajantaḥ
skandhādhirūḍhānanayanta manyum
5.27
prayāṇavegānilanīyamānāḥ
payodharāḥ śyāmatanūnnibhendrān
sagarjitānūrjitadānavarṣān
svabandhubuddhyā dhruvamanvarundhan
5.28
sadāmiyuktāpi tadāmaraughaiḥ
sahotpalā bhānusutā pratīye
jināṅgarocirnicayena digdhā
vibuddhahemāmburuhā dyusindhuḥ
5.29
viśālamākāśatalaṃ cakāśe
vibhuprabhāśyāmalatārakaugham
vipākanīlairvipulaiḥ phalaughairvilambamānāmabhibhūya jambūm
5.30
svaśūnyavāde paramāgamaina
sadyo niraste viśadāntarasya
vyomno virejuḥ pulakopamāni
jinaprabhāśyāmalatārakāṇi
5.31
mugdhāpsarā kāpi cakāra sarvānutphullavaktrān kila dhūpacūrṇam
rathāgravāsinya ruṇe kṣipantī
hasantikāṅgāracayasya buddhyā
5.32
mandākinīsāllisitāravindadhiyānyayā mūrdhni kṛto mṛgāṅkaḥ
amanyatāpūrṇasudhaṃ tamanyā
sanīlanīruhadugdhakumbham
5.33
agacchadahrdyutibhānujāyāṃ
suradvipacyutasurasindhusakhyām
majjat pratīhārasurāsurāṇāmanīkamādriṃ kathamapyanaiṣṭa
5.34
girīśamudyadvipadantavṛttiṃ
ravīndutārāmarasevyapādam
digambarairāvṛtamenamārā -
dapaśyadagre prabhumulyamindraḥ
5.35
sajātarūpo'pi giriḥ pravṛttadigambarākrāntirudagrakūṭaḥ
aghāntakaṃ pāpabhiyābhyayāsīt
krimityamartyairbhaṇitaḥ kṣaṇāttaḥ
5.36
dyumaṇḍalaṃ madhyagatasya merormaṇiprabhāpañjarabhāsamānam
vibhoramuṣyopari hemadaṇḍāṃ
babhāra nīlātapatrāṇabhās
5.37
agādyataḥ pāṇḍukanaṃ samantāduparyaṭantyā surasenayādreḥ
sajīvacitrāṅkitamandavāyucalottarīyaśriyamāvahantyā
5.38
anīkinīmatra vane samastāṃ
suradrumacchāyasukhe yathārham
niveśayan pāṇḍuśilāmavāpa
pūrvottarasyāṃ diśi tasya jiṣṇuḥ
5.39
śatārdhamaṣṭau śatamajjvalāyā
viśālatāmunnatimāyatiṃ ca
krameṇa yasyāḥ khalu yojanāni
vadanti sarvajñajinendrapādāḥ
5.40
ādyadvikalpeśaparārdhyapīṭhamadhyasthajaināsanaramyamadhyā
satoraṇā ratnamayāñcalā yā
samaṅgalā śuktimamākṛtiśca
5.41
yā cāvabhāse'marakalpitena
mahābhiṣekotsavamaṇḍapena
jvalanmaṇistambhamahanmuktāvitānacitradhvajabhṛṣitena
5.42
atre'valambvarahite suciraṃ sumerukṣmābhṛtapradakṣiṇahṛtaśramabhāgaśāntyai
prāpto'ṣṭamīnduriva pāṇḍuvanaṃ śilaiṣā
prādāt surendranayanotpalaṣaṇḍaharṣam
5.42.p1
ityarhaddāsakṛtau kāvyaratne bhagavanmandarānayanavarṇano nāma pañcamaḥ sargaḥ