Pramāṇa · Search · About · API

Parshvabhyudaya 6

Pārśvābhyudaya 6

Language
Sanskrit

Contents

6.1

sandiṣṭaṃ ca praṇayamadhuraṃ kāntayā me dvitīyaiḥ
prāṇaiḥ prāṇā navanavavaraḥ sanmiti tvāṃ pratīdam
tatkartuṃ tvaṃ tvaraya laghu naḥ kiṃ kimevaṃ na kuryā
vāmaścāsyāḥ kararuhapadairmucyamāno madīyaiḥ

6.2

bhobho bhikṣo mayi sadaruṣi kva prayāsyasyavaśyaṃ
tvāmuddhetipraṇipatanakaiḥ sārayiṣye tadagram
na prāṇāṃstvānghaṭayitumalaṃ tāvako nirṇayo vā
muktājālaṃ ciraparicitaṃ tyājito daivagatyā

6.3

kiṃ te vairidviradanaghaṭākumbhasambhedaneṣu
prāptasthemā samaravijayī vīralakṣmyāḥ karo'yam
nā'smatkhaḍgaḥ śrutipathamagādraktapānīotsavānāṃ
saṃbhogānte mama samucito hastasaṃvāhanānām

6.4

karaḥ, raktapānotsavānāṃ sambhogānte mama hastasaṃvāhanānāṃ samucitaḥ ayaṃ asmatkhaḍgaḥ
te śrutipathaṃ na agāt kim ?
asyuddīrṇe mayi surabhaṭāste'pi bibhyatyasabhyaḥ
kastvaṃ sthātuṃ bhaṇa mama puraḥ kiṃ na jihreṣi bhikṣo
bhāvatko'yaṃ madasivitatākhaṇḍanāttatpurastādyāsyatyūruḥ sarasakadalīstambhagauraścalatvam

6.5

yasminpuṃsāṃ paribhavakalaṅkāṅkitaṃ syādvipakṣādvīrālāpe sati madavato vīragoṣṭhīṣu vaktram
vidvanmanyo bhaṇatu sa bhavāneva mānonnatānāṃ
tasminkāle jalada yadi sā labdhanidrāsukhā syāt

6.6

yā te buddhimadupacaritādvibhyatī luptasañjñā
mūkāvasthāṃ tvayi vidadhatī rundhatī sattvavṛttim
sāvaṣṭambhaṃ bhava bhaṭataro vārṣayuddhe'sthiraḥ sannāśvāsyaināṃ stanitavimukho yāmamātraṃ sahasva

6.7

mā bhūdbhītistava surabhaṭatrāsigarjorjite'siprāpte yoddhuṃ mayi kimabhiyāne mṛtirvīralakṣmyāḥ
vīrammanye tvayi mayi tathā'nyatra vā premabhaṅgo
mā bhūdasyāḥ praṇayini jane svapnalabdhe kathañcit

6.8

nissaṅgastvaṃ na hi bhuvi bhayasyāṅgamaṅgāṅgasaṅgāt
kiṃ vā jīvanmṛtaka bhavatoḍapyasti bhīraṅganānām
kṛtvā yuddhe vidadhati matiṃ nanvime yodhamukhyāḥ
sadyaḥ kaṇṭhacyutabhujulatāgranthi gāḍhopagūḍham

6.9

lakṣmīṃ kṣīṇāṃ svavapuṣi satīmudyamākhyena doṣā
protthāpyā'laṃ bhava yudhi satāmāśritānugraho'rthaḥ
śaṃsantīdaṃ nanu navaghanā dharmataptāṅgatāṃ kṣmāṃ
protthāpyaināṃ svajalakaṇikāśītalenā'nilena

6.10

kīrtiṃ ca svāṃ kuru kusumitāṃ svodyamāmbuprasekaiḥ
sadvallīṃ vā pradhanaviṣayairunnatānāṃ kramo'yam
kuryāt kinno navajalamucāṃ kuṃ kṣatāntāmanehā
pratyāśvastāṃ samamabhinavairjālakairmālatīnām

6.11

matprātīpyaṃ samaraśirasi prāpya dṛṣṭāvadānaḥ
kṣīṇāyustvaṃ kuru suravadhūṃ kāñcidāpūrṇakāmāṃ
dyāmārohansahajamaṇibhābhūṣito'mbhoda yāne
vidyudgarbhe stimitanayanāṃ tvatsanāthe gavākṣe

6.12

yadyetatte'dhyavasitamatiprauḍhamānoddhurasya
dhyānābhyāsaṃ śithilaya tato yoddhukāmo nikāmam
abhyutkhātaḥ paṭutaragiraṃ projjhya vācaṃyamatvaṃ
vaktuṃ dhīraṃ stanitavacano māninoṃ prakramethāḥ

6.13

bhīte śastraṃ yadi bhaṭamate vāvahīmyastraśūnye
strīmmanye vā caraṇapatite kṣīṇake vā sa kaścit
pādaspṛṣṭvā śapathayati vā jātu hiṃsāṃ bhujiṣyaṃ
bharturmitraṃ priyamabhidadhe viddhi māmambuvāham

6.14

tanmā bhaiṣīrvihatagarimā hastamutkṣipya pādau-( pādau )
ā vāśliṣya tvaṃ mama yadi ca te jīvane'styutsukatvam
kiñcitprītyai priyayuvatito mā'nyathā tvaṃ gṛhīrmā
tatsandeśairmanasi nihitairāgataṃ tvatsamīpam

6.15

sadyaḥ klṛpto jaladasamayo yo mayā kālameghairāruddhadyurvyavadhi sahasā so'pyanenātmaśaktyā
dhvāntasyaiva pratinidhiraho yoṣitāṃ jīvanārthaṃ
yo vṛndāni tvarayati pathi śrāmyatāṃ proṣitānām

6.16

so'yaṃ yogī prakaṭamahimā lakṣyate durvibhedo
vidyāsiddho dhruvamabhiminā yanmamāpyāttanāśā
kartuṃ śaktā navaghanaghaṭā yā manāṃsyadhvagānāṃ
mandrasnigdhairdhvanibhirabalāveṇimokṣotsukāni

6.17

tsukāni kartuṃ śaktā [ sā ] mama api navaghanaghaṭā yat āttanāśā [ tat ] ayaṃ saḥ
prakaṭamahimā vidyāsiddhaḥ dhruvaṃ abhimanāḥ yogī durvibhedaḥ lakṣyate
ityādhyāyanpunarapi muniṃ so'bhaṇīdyuddhaśauṇḍo
vīraśrīstvāmiha vanatarau manmathākleśamuktā
paśyantyāste daśamukhapurodyānavṛkṣe satī syādityākhyāte pavanatanayaṃ maithilīvonmukhī sā

6.18

saṅkhye saṅkhyāṃ subhaṭaviṣayāṃ pūrayannasmadīye
hitvā bhītiṃ tvamadhiśayito vīraśayyāṃ yadā syāḥ
pratyāsīdatyapihitarasā vīralakṣmīstadaiṣā
tvāmutkaṇṭhocchvasitahṛdayā vīkṣya sambhāvya caiva

6.19

anvaya :— asmadīye saṅkhye subhaṭaviṣayāṃ saṅkhyāṃ pūrayan tvaṃ yadā bhītiṃ
hitvā vīraśayyāṃ adhiśayitaḥ syāḥ tadā tvāṃ vīkṣya sambhāvya ca utkaṇṭhocchvasitahṛdayā apihitarasā eṣā pratyāsīdati
manye śrotre paruṣapavanairdūṣitaṃ te maduktāṃ
vyaktākūtāṃ samaraviṣayāṃ saṅkhyāṃ no śṛṇoti
tatpāruṣyapraharaṇamidaṃ bheṣajaṃ viddhi geyaṃ
śroṣyatyasmātparamavāhitaṃ saumya ! sīmantīnīnām

6.20

śravyaṃ geyaṃ, nayanasubhagaṃ rūpamālokanīyaṃ,
peyastāsāṃ vadanasurabhiḥ, spṛśyamāghrāyāmaṅgama
kāmāṅgaṃ te samucitamidaṃ saṅgamaṃ sānubandhaṃ
kāntopāntātsuhṛdupagamaḥ saṅgamātkiñcidūnaḥ

6.21

tasmādvāsaḥ kisalayamṛdu tvaṃ mukhasthāyi divyaṃ
tāmbūlaṃ ca praṇayamacirādyoṣitāṃ mānayaiścaiḥ
vyarthakleśāṃ visṛja virasāmāryavṛttiṃ munīnāṃ
nāmāyuṣmanmama ca vacanādātmanaścopakartum

6.22

śreyomārgaḥ kila munivaraiḥ sevyate mokṣahetoḥ
saukhyaṃ dvedhā surayuvatijaṃ muktilakṣmpāśrayaṃ ca
dūre muktiḥ sulabhamitaratsevyamanyo'pi vidvān
brūyādevaṃ tava sahacaro rāmagiryāśramasthaḥ

6.23

vidyullekhāvalisitanibhāḥ sampadaścañcalatvāt
labdhābhogāḥ niyatavipadastatkṣaṇādeva bhogāḥ
tasmāllokaḥ praṇayini jane sthāsnubhāvanyapāyāt
avyāpannaḥ kuśalamabale pṛcchati tvāṃ viyuktaḥ

6.24

tadbhoktavye svayamupanate śītakatvaṃ samujjharmṛtyurvyāghro drutamanupadī vāmamanvicchatītaiḥ
āyuṣmattvaṃ kuśalakalitaṃ nanvihāśādhi nityaṃ
pūrvāśāsyaṃ sulabhavipadāṃ prāṇināmetadeva

6.25

saiṣā bālā prathamakathitā pūrvajanmapriyā te
paśyāyātā rahasi parirambhyā'numodaṃ nayettvām
aṅgenāṅgaṃ tanu ca tanunā gāḍhataptena taptaṃ
sāsreṇāsradravamaviratotkaṇṭhamutkaṇṭhitena

6.26

dūrāgāḍhapraṇayadavaso manmathenā'tibhūmiṃ
nīto bibhyattvadabhisaraṇādutsukaḥ strījanastvām
uṣṇocchvāsaṃ samadhikatarocchvāsinā dūravartī
saṅkalpaistairviśati vidhinā vairiṇā ruddhamārgaḥ

6.27

so'yaṃ tvattaḥ praṇayakaṇikāmapyalabdhvā vilakṣo
dūrātsevā tava vitanute paśya sārtho vadhūnām
śabdākhyeyaṃ yadapi kila te yaḥ sakhīnāṃ purastāt
karṇe lolaḥ kathayitumabhūdānanasparśalobhāt

6.28

yo'sau strīṇāṃ praṇayamadhuro bhāvagamyo'dhikāraḥ
kāmābhikhyāṃ dadhadavirataṃ lokarūḍhā prasiddhiḥ
so'tikrāntaḥ śravaṇaviṣayaṃ locanābhyāmadṛṣṭastvanmukhenotkaṇṭhāviracitapadaṃ manmukhenedamāha

6.29

yogin ! yogapraṇihitamanāḥ kiṃtarāṃ dhyeyaśūnyaṃ
dhyāyasyevaṃ, smara nanu dhiyā'dhyakṣavedyaṃ mataṃ naḥ
śyāmāsvaṅgaṃ, cakitahariṇīprekṣite dṛṣṭipātaṃ,
vaktracchāyāṃ śaśini, śikhināṃ barhabhāreṣu keśān

6.30

paśyā'muṣminnavakisalaye pāṇiobhāṃ, nakhānāṃ
chāyāmasmin kurabakavane saprasūne, smitānām
līlāmudyatkusumitalatāmañjarīṣvasmadīyāmutpaśyāmi pratanuṣu nadīvīciṣu bhrūvilāsān

6.31

sādṛśyaṃ naḥ sphuṭamiti yathā dṛśyate sarvagāmi
dhyeyaṃ sākṣātsukhaphalamidaṃ yogināṃ kāmadāyi
mithyādhyātermuniṣu vidhaye he tapo lakṣmi tadvad
dhantaikasthaṃ kvacidapi na te caṇḍi sādṛśyamasti

6.32

hā dhiṅ mūḍhi ! yadayamṛṣipaḥ tvāmasādhvīmajānan
tvayyāsaktiṃ muhurupagato'smāsvanādaryabhūcca
cetomayyāṃ yadanukaritāṃ dhyāyati preyasīṃ vā
tvāmālikhya praṇayakupitāṃ dhāturāgaiḥ śilāyām

6.33

bho bho sādho mama kuru dayāṃ, dehi dṛṣṭiṃ, prasīda,
prāyaḥ sādhurbhavati karuṇādrīkṛtasvāntavṛttiḥ
yogaṃ tāvacchithilaya manāk prārthanācāṭukāraiḥ
ātmānaṃ te caraṇapatitaṃ yāvadicchāmi kartum

6.34

karuṇādrīkṛtasvāntavṛttiḥ bhavati | yāvat prārthanācāṭukāraiḥ ātmānaṃ te caraṇapatitaṃ
kartuṃ icchāmi tāvat yogaṃ manāk śithilaya
tvatsādṛśyaṃ manasi guṇitaṃ kāmukīnāṃ manohṛt
kāmnābādhāṃ laghayitumatho draṣṭukāmā vilikhya
yāvatprītyā kila bahurasaṃ nātha paśyāmi koṣṭhau—
rastraistāvanmuhurupacitairdṛṣṭirā lupyate me

6.35

tīvrāvasthe tapati madane puṣpabāṇairmadaṅgaṃ
talpe'nalpaṃ dahati ca muhuḥ puṣpabhedaiḥ praklapte
tīvrāpāyā tvadupagamanaṃ svapnamamātre'pi nā''paṃ
krūrastasminnapi na sahate saṅgamaṃ nau kṛtāntaḥ

6.36

māmākāśapraṇihitabhujaṃ nirdayāśleṣahetoruttiṣṭhāsuṃ tvadupagamanapratyayātsvapnajātāt
sakhyo dṛṣṭvā sakaruṇamṛduvyāvahāsīṃ dadhānāḥ
kāmonmugdhāḥ smarayitumaho saṃśrayante vibuddhām

6.37

nidrāsaṅgādupahitaratergāḍhamāśleṣavṛtterlabdhāyāste kathamapi mayā svapnasandarśaneṣu
viśleṣaḥsyādvihitaruditairādhijairāśubodhaiḥ
kāmo'sahyaṃ ghaṭayatitarāṃ vipralambhāvatāram

6.38

tā tāṃ ceṣṭāṃ rahasi nihitāṃ manmathenā'smadaṅge
tvatsamparkasthiraparicayāvāptaye bhāvyamānām
paśyantīnāṃ na khalu bahuśo na sthalīdevatānāṃ
muktāsthūlāstarukisalayeṣvaśruleśāḥ patanti

6.39

saṅkṣipteta kṣaṇamiva kathaṃ dīrghayāmā triyāmā
prāṇādhīśe vidhivighaṭite dūravartinyabhīṣṭe
itthaṃ kāmākulitahṛdayā cintayantī bhavantaṃ
prāṇārakṣaṃ śvasimi bahuśaścakravākīva taptā

6.40

jyotsnāpātaṃ mama viṣahituṃ notsahaṃ śaknuvantyāḥ
sarvāvasthāṣvaharapi kathaṃ mandamandātapaṃ syāt
ācitteśaprathamaparirambhodayādityabhīkṣṇaṃ
dhyāyāmīdaṃ madanaparatāsarvacintānidānam

6.41

kāmāveśe mahati vihitotkaṇṭhamābādhamāne
tvayyāsaktiṃ gatamanugataprāṇametaddvayaṃ ca
itthaṃ cetaścaṭulanayane durlabhaprārthanaṃ me
gāḍhoṣṇābhiḥ kṛtamaśaraṇaṃ tvadviyogavyathābhiḥ

6.42

tānamrākṣaṃ madanavivaśā yuṣmadīyapravṛttiṃ
pratyāvṛttān himavadanilān kātarā matsamīpam
bhiccā sadyaḥ kisalayapuṭāndevadārudrumāṇāṃ
ye tatkṣīrasrutisurabhayo dakṣiṇena pravṛttāḥ

6.43

iṣṭe vastunyatiparicitaṃ yattadapyaṅganānāṃ
prīterheturbhavati niyataṃ yattvadaṅgānurodhāt
āliṅgyante guṇavati mayā te tuṣārādrivātāḥ
pūrvaṃ spṛṣṭaṃ yadi kila bhavedaṅgamebhistaveti

6.44

tanme vīra prativacanakaṃ dehi yuktaṃ, vṛthāśāṃ
mā kārṣīrmā yadi ca rucitaṃ te tadābhāṣyāmetat
manvātmānaṃ bahu vigaṇayannātmanaivā'valambe
tatkalyāṇi tvamapi nitarāṃ mā gamaḥ kātaratvam

6.45

evaṃprāyāṃ nikṛtimasuraḥ strīmayīmāśu kurvan
vyarthodyogaḥ samajāni munau pratyutā'gātsa duḥkham
kasyaikāntaṃ sukhamupanataṃ duḥkhamekāntato vā
nīcairgacchatyupari ca daśā cakranemikrameṇa

6.46

yasminkāle samajani muneḥ kevalajñānasampadyasmindaityo girimudaharanmūrdhni cikṣipsurasya
tatkāle sā śaradudabhavadvaktukāmeti voccaiḥ
śāpānto me bhujagaśayanādutthite śārṅgapāṇau

6.47

jyotsnāhāsaṃ diśi diśi śarattanvatī prādurāsīdaityasyā'sya prahasitumivājñānavṛttiṃ durantām
vaimalyena sphuṭamiti diśāṃ rundhatīvoṣṇakālaṃ
māsānanyānāmaya caturo locane mīlayitvā

6.48

jātākampāsananiyamitaḥ sāvadhirnāgarājaḥ
kāntāṃ smā''ha prathamamadhipaṃ pūjayāvo'dya gatvā
paścādāvāṃ virahaguṇitaṃ taṃ tamevābhilāṣaṃ
nirvekṣyāvaḥ pariṇataśaraccandrikāsu kṣapāsu

6.49

prasthāne'sya prahatapaṭahe divyayānāvakīrṇe
kaścitkāntāṃ tadanugajanaḥ sasmitaṃ vīkṣate sma
bhūyobhūha tvamasi śayane kaṇṭhalagnā purā me
nidrāṃ gatvā kimapi vadatī sasvaraṃ viprabuddhā

6.50

yattadvṛttaṃ smarasi subhage māmupālabdhukāmā
manye tvīṣatkupitamiva me darśayantī prapāsi
sāntarhāsaṃ kathitamasakṛtpṛcchato'si tvayā me
dṛṣṭaḥ svapne kitava ramayankāmapi tvaṃ mayeti

6.51

dṛṣṭvā'hīndraṃ sthitamadhijinaṃ satsaparyaṃ sajāniṃ
prārebhe'sau sabhayamasuro muktaśailo'payātum
ruddhaścaivaṃ dharaṇapatinā mo bhavānmā'payāsīdetasmānmāṃ kuśalinamabhijñānadānādviditvā

6.52

devasyā'sya priyasahajakaḥ pūrvajanmanmabhūstvaṃ
strīkāmyaṃstaṃ prasamamavadhīrvairakāmyaṃstadainam
tatte mauḍhyātkṛtamanucitaṃ marṣitaṃ na tvayā'pi
mā kaulīnādasitanayane mayyāviśvāsanī bhūḥ

6.53

dhikkṛtyainaṃ muśuratha sajūrakṛtya taṃ so'hirājo
bhaktyā bhartuścaraṇayugaḷe prāṇamatsnehanimnaḥ
snehānāḍuḥ kimapi virahe hrāsinaste'pyabhogādiṣṭe vastunyupacitarasāḥ premarāśībhavanti

6.54

yugale snehanighnaḥ bhaktyā prāṇamat | [ yat ] virahe snehān hāsinaḥ āhuḥ [ tat ]
kimapi | te abhogāt iṣṭe vastuni upacitarasā [ santaḥ ] premarāśībhavanti
saṅkṣepācca stutimuragarāṭ kartumārabdha bhartuḥ
śreyassūta bhavati bhagavanbhaktiralpāpyanalpam
śreyaskāmā vayamata ito bhoginīṃ no'nukūlā—
māśvāsyaināṃ prathamavirahe śokadaṣṭāṃ sakhīṃ te

6.55

saiṣā sevāṃ tvayi vidadhataḥ śreyase me durāpaṃ
yanmāhātmyātpadamadhigataṃ kāntayā'mā mayedam
yasmāccainaṃ tadanucaraṇenā'hamujjhanvihāraṃ
tasmādadrestrinayanavṛṣotkhātakūṭānnivṛttaḥ

6.56

tanme deva śriyamuparimāṃ tanvatīyaṃ tvadaṅghryorbhaktirbhūyānnikhilasukhadā janmanīhā'pyamutra
kāntāsaṅgairalamaghavaśādgṛdhnutāṃ vardhayadbhiḥ
sāmijñānaṃ prahitavacanaistatra yuktairmamā'pi

6.57

bhūyo yāce suranuta mune tvāmupārūḍhabhaktau
daitye cāsminpraṇayamadhurāṃ dehi dṛṣṭiṃ prasīda
cittodvegairanuśayakṛtaiścāsya gātrātprapitsu
prātaḥkundaprasavaśithilaṃ jīvitaṃ dhārayedam

6.58

stutyante'sau vyaracayadiva cchatramuccaiḥ phaṇāliṃ
bharturbhaktyā dadhadadhiśiraḥ svāṃ vitatya pramodāt
vyāhartairvaktrairdhruvamiti muniṃ vaktukāmastadānīṃ
kaccitsaumya ! vyavasitamidaṃ bandhukṛtyaṃ tvayā me

6.59

devī cā'sya pracaladalakā lolanetrenduvaktrā
divyaṃ chatraṃ vyaracadaho dhairyamityālapantī
daityasyā'dreryadamidalanaṃ śaktiyoge'pi kartuṃ
pratyādeśānna khalu bhavatodhdhīratāṃ kalpayāmi

6.60

tacchāyāyāṃ samadhikaruciṃ devamutpannabodhaṃ
baddhāsthānaṃ śaraṇamakṛta tyaktavairaḥ sa daityaḥ
śreyo'smabhyaṃ samabhilaṣitaṃ vārivāho yathā tvaṃ
niḥśabdo'pi pradiśasi jalaṃ yācitaścātakebhyaḥ

6.61

pratyautkīrṇo yadi ca bhagavanbhavyalokaikamitrāt
tvattaḥ śreyaḥ phalamabhimataṃ prāpnuyādeva bhaktaḥ
pratyūktaiḥ kiṃ phalati jagate kalpavṛkṣaḥ phalāni ?
pratyūktaṃ hi praṇayiṣu satāmīpsitārthakriyaiva

6.62

sahīkaste kathamapi puro vartituṃ saṅghaṭe'haṃ
dūrādvaktuṃ nikṛtibahulaḥ pāpakṛdvairadagdhaḥ
saujanyasya prakaṭaya parāṃ koṭimātmanyasaṅgāt
etatkṛtvā priyamanucitaṃ prārthanādātmano me

6.63

atrāṇaṃ māmapaghṛṇamatiprauḍhamāyaṃ durīhaṃ
paścāttāpāccaraṇapatitaṃ sarvasattvānukampa
pāpāpetaṃ kuru sakaruṇaṃ tvādya yāce vinamraḥ
sauhārdādvā vidhura iti vā mayyanukrośabuddhyā

6.64

itthaṅkāraṃ kamaṭhadanujaḥ svāpakāraṃ pramārjan
bhūyaḥ smā''ha prakaṭitamahābhogabhogīndragūhaḥ
lokāhlādī nava iva ghano deva dharmāmbu varṣanniṣṇāndeśānvicara jalada prāvṛṣā sambhṛtaśrīḥ

6.65

yattanmauḍhyādvahuvilasitaṃ nyāyamullaṅghya vācāṃ
tanme mithyā bhavatu ca mune duṣkṛtaṃ ninditasvam
bhaktyā pādau jina vinamataḥ pārśva me tatprasādāt
mā bhūddeva kṣaṇamapi sakhe vidyutā viprayogaḥ

6.66

anunayati satītthaṃ bhaktinamreṇa mūrdhnā
kamaṭhadanujanāthe nāgarājanyasākṣāt
dhruvamanuśayataptādvairabandhaścirāttaḥ
sma galati nijacittātsantatāśrucchalena

6.67

atha surabhisamīrāndolitaiḥ kalpavṛkṣaiḥ
samamamaranikāyāḥ puṣpavṛṣṭiṃ vitenuḥ
aviralanipatadbhiḥ svarvimānairniruddhā
navajaladaviliptevekṣyatāḍasau tadā dyauḥ

6.68

sapadi jaladamuktaiḥ sāndragandhāmbupātaiḥ
madhupagaṇavikīrṇairāśvasatkṣma kṣatoṣmā
viyati madhuramuccaiairdundubhīnāṃ ca nādaḥ
surakaratalagūḍhāsphālitānāṃ jajṛmbhe

6.69

iti viditamahaddhiṃ dharmasāmrājyamindrāḥ
jinamavanatibhājo bhejire nākabhājām
śithilitavanavāsāḥ prāktanoṃ projya vṛttiṃ
śaraṇamupayayustaṃ tāpasā bhaktinamrāḥ

6.70

anvayaḥ— iti viditamaharddhi dharmasāmrājyaṃ jinaṃ avanatibhājaḥ nākabhājāṃ
indrāḥ bhejire | śithilitavanabāṣāḥ tāpasāḥ prāktanoṃ vṛttiṃ projjhya bhaktinamrāḥ
[ santaḥ ] taṃ śaraṇaṃ upayayuḥ
iti viracitametatkāvyamāveṣṭya meghaṃ
bahuguṇamapadoṣaṃ kālidāsasya kāvyam
malinitaparakāvyaṃ tiṣṭhatādāśaśāṅkaṃ
bhuvanamavatu devassarvadāmoghavarṣaḥ

6.71

śrīvīrasenamunipādapayojabhṛṅgaḥ
śrīmānabhūdvinayasenamunirgarīyān
taccoditena jinasenamunīśvareṇa
kāvyaṃ vyadhāyi pariveṣṭitameghadūtam

6.71.p1

ityamoghavarṣaparameśvaraparamaguruśrījinasenācāryaviracitameghadūtaveṣṭitaveṣṭite pārśvābhyudaye bhagavatkaivalyavarṇano nāma caturthaḥ sargaḥ || 4

Linked texts (8)