[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [Post-canonical works (philosophy, yoga, karma theory, narrative, poetry, history)](https://indike.org/pramana/in.jaina.post) › [Poetry and campū by Jain authors](https://indike.org/pramana/in.jaina.post.kavya) › [Yaśastilaka](https://indike.org/pramana/in.jaina.post.kavya.yasastilaka) › [Yashastilakacandrika](https://indike.org/pramana/in.jaina.post.kavya.yasastilaka!srutasagara) › 3.245 # Yashastilaka 3.245 Yaśastilakacandrikā 3.245 - **Language:** Sanskrit ### [3.245](https://indike.org/pramana/in.jaina.post.kavya.yasastilaka!srutasagara.3.245) atisitimadyotibhiḥ atyujjvalatejobhiḥ bhittibhāgaiḥ kuḍyapradeśaiḥ kṛtvā sudhābdheḥ kṣīrasamudrasya kānti śobhāṃ kurvat racayat | bhavanaṃ punaḥ kiṃ kurvat | kvacit kasmiṃścit sthāne gaganābhogabhāgibhiḥ ākāśavistārabhajanaśīlaiḥ kūṭaiḥ śikharaiḥ kṛtvā himādreḥ himācalasya śobhāsupamāṃ śliṣyat | upamāsamuccayālaṃkāraḥ || śrīlīlākamalamityādi | punaḥ kathaṃbhūtam | śrīlīlākamalaṃ lakṣmīkrīḍāpaṅkajam | punaḥ kathaṃbhūtam | sāmrājyacihnaṃ sakalasya rājyasyābhijñānam | kathaṃbhūtaṃ sāmrājyacihnam | mahat gurutaram | aparaṃ kathaṃbhūtam | kīrtyutpattiniketanaṃ kīrterutpatteḥ janmano niketanaṃ gṛham | punaḥ kathaṃbhūtam | kṣitivadhūviśrāmadhāma kṣitireva vadhūrvaniṃtā tasyā viśrāmadhāma nivāsagṛham | katham | svayaṃ svabhāvena | punaḥ kathaṃbhūtaṃ bhavanam | lakṣmīvibhramadarpaṇam lakṣmyāḥ vibhramadarpaṇaṃ līlāmukuram | aparaṃ kathaṃbhūtam | rājyādhidevyāḥ | punaḥ ivārthe | rājyādhiṣṭhātṛdevatāyāḥ kulagṛhaṃ kulamandiramiva | aparaṃ kathaṃbhūtam | vāgdevatāyāḥ sarasvatyāḥ krīḍāsthānamiva ramaṇanivāsamiva | rūpakopamalaṃkāraḥ || vaśīkṛtamahīpāla ityādi | he rājan, atra asmin saudhe rājagṛhe sthito niviṣṭaḥ san ciraṃ dīrghakālaṃ caturantāṃ catuḥsamudraparyantāṃ kṣiti pṛthvoṃ ava pratipālaya | kathaṃbhūtastvam | vaśīkṛtamahīpālaḥ vaśīkṛtā ājñāmānītā mahīpālāḥ rājāno yena saḥ | punaḥ kathaṃbhūtastvam | śrīlīlākamalākaraḥ śriyo lakṣmyāḥ līlāyāḥ krīḍāyāḥ kamalākaraḥ kamalavanasadṛśaḥ | rūpakātiśayoktyalaṃkāraḥ || citteśeśetyādi | athedānīṃ āśvāsānte maṅgalaṃ karoti—sa jagatprasiddho jinaḥ śrīmadbhagavadarhan vītarāgaḥ trilokīṃ trayāṇāṃ lokānāṃ samāhāraḥ trilokī tāṃ trilokīṃ avyāt rakṣatu vighnānāṃ vināśaṃ karotu śreyaḥsaṃprāptiṃ ca karotu | sa jinaḥ kaḥ | yasmin prādurbhava- - [Previous: 3.242](https://indike.org/pramana/in.jaina.post.kavya.yasastilaka!srutasagara.3.242) - [Next: 3.246](https://indike.org/pramana/in.jaina.post.kavya.yasastilaka!srutasagara.3.246) - [Up: 3](https://indike.org/pramana/in.jaina.post.kavya.yasastilaka!srutasagara.3) ## Linked texts (1) - [Yaśastilaka](https://indike.org/pramana/in.jaina.post.kavya.yasastilaka.3.243) — Somadevasūri, Sanskrit --- Source: [https://indike.org/pramana/in.jaina.post.kavya.yasastilaka!srutasagara.3.245](https://indike.org/pramana/in.jaina.post.kavya.yasastilaka!srutasagara.3.245) · Pramāṇa