[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [Post-canonical works (philosophy, yoga, karma theory, narrative, poetry, history)](https://indike.org/pramana/in.jaina.post) › [Poetry and campū by Jain authors](https://indike.org/pramana/in.jaina.post.kavya) › [Yaśastilaka](https://indike.org/pramana/in.jaina.post.kavya.yasastilaka) › [Yashastilakacandrika](https://indike.org/pramana/in.jaina.post.kavya.yasastilaka!srutasagara) › 3.246 # Yashastilaka 3.246 Yaśastilakacandrikā 3.246 - **Language:** Sanskrit ### [3.246](https://indike.org/pramana/in.jaina.post.kavya.yasastilaka!srutasagara.3.246) iti sakalatārkikacūḍāmaṇeḥ śrīmannemidevabhagavataḥ śiṣyeṇa sadyonavadyagadyapadyavidyādharacakravartiśikhaṇḍamaṇḍanībhavaccaraṇakamalena śrīsomadevasūriṇā viracite yaśodharamahārājacarite yaśastilakāparanāmni mahākāvye paṭṭabandhotsavo nāma dvitīya āśvāsaḥ samāptaḥ | vatkevale caturthakalyāṇāvasare khargapateḥ saudharmendrasya ityamamunā prakāreṇa mahotsavavidhiḥ mahārṣavidhirāsīdvabhūva | yasmin kathaṃbhūte | aśeṣakalmaṣamuṣi aśeṣāṇi samagrāṇi kalmaṣāṇi pāpāni brahmahatyādīni tripaṣṭiprakṛtilakṣaṇāni vā muṣṇāti nirmūlakāpaṅkapatīti aśeṣakalmaṣamuṭ tasminnaśeṣakalmapamuṣi | itthaṃ kathamiti cet he vittaiśa he dhanada, suratarudyūnaiḥ samaṃ kalpavṛkṣavanaiḥ sārthe puro'grataḥ tvaratāṃ saṃbhrameṇa tvaṃ gaccha | he mātale he śakrasārathe, tūrṇa śīghraṃ sāmajamairāvaṇanāma gajaṃ sañjaya prayāṇayogyaṃ kuru | he guro he bṛhaspate mantrin, vāhinīṃ surasenā yānocitāṃ gamanayogyāṃ kuru tvaṃ vidhehi | atiśayālaṃkāraḥ || karṇāñjalipuṭairityādi | he vidvan yadi cet sūktāmṛte kāvyāmṛte karṇāñjalipuṭai. pātuṃ śravaṇāñjalipātrairāsvāditu ceto manastava vartate tarhi somadevasya somadevācāryakhāmino navyāḥ ślāghyāḥ kāvyoktiyuktayaḥ kāvyasya yaśastilakanāmetihāsasya uktīnāṃ vacanānā yuktayo racanāḥ karmatāpannāḥ śrūyatāṃ tvayā ākarṇyatām | rūpakopamālaṃkāraḥ || iti śrīpadmanandidevendrakīrtividyānandamallibhūṣaṇābhiprāyeṇa bhaṭṭārakaśrīmallibhūṣaṇaguruparamābhīṣṭagurubhrātrā gurjaradeśasiṃhāsanabhaṭṭārakaśrīlakṣmīcandrakābhimatena mālavadeśabhaṭṭārakaśrīsiṃhanandiprārthanayā yatiśrīsiddhāntasāgaravyākhyākṛtinimittaṃ naṣanavatimahāmahāvādisyādvādalabdhavijayena tarkavyākaraṇānekaśastrāracanācatunā sūridhīdhṛtasāgareṇa viracitāyāṃ yaśastilakacandrikābhidhānāyāṃ yaśodharamahārājacaritamahākāvyaṭīkāyāṃ yaśodharamahārājapaṭṭavandhamahotsavavivaraṇaṃ nāma dvitīyāśvāsacandrikā parisamāptā iti śubham || - [Previous: 3.245](https://indike.org/pramana/in.jaina.post.kavya.yasastilaka!srutasagara.3.245) - [Next: 4.1](https://indike.org/pramana/in.jaina.post.kavya.yasastilaka!srutasagara.4.1) - [Up: 3](https://indike.org/pramana/in.jaina.post.kavya.yasastilaka!srutasagara.3) ## Linked texts (1) - [Yaśastilaka](https://indike.org/pramana/in.jaina.post.kavya.yasastilaka.4.1) — Somadevasūri, Sanskrit --- Source: [https://indike.org/pramana/in.jaina.post.kavya.yasastilaka!srutasagara.3.246](https://indike.org/pramana/in.jaina.post.kavya.yasastilaka!srutasagara.3.246) · Pramāṇa