[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [Post-canonical works (philosophy, yoga, karma theory, narrative, poetry, history)](https://indike.org/pramana/in.jaina.post) › [Poetry and campū by Jain authors](https://indike.org/pramana/in.jaina.post.kavya) › [Yaśastilaka](https://indike.org/pramana/in.jaina.post.kavya.yasastilaka) › [Yashastilakacandrika](https://indike.org/pramana/in.jaina.post.kavya.yasastilaka!srutasagara) › 4.113.2 # Yashastilaka 4.113.2 Yaśastilakacandrikā 4.113.2 - **Language:** Sanskrit ### [4.113.2](https://indike.org/pramana/in.jaina.post.kavya.yasastilaka!srutasagara.4.113.2) śauṇḍīryaśālinītyādi | yo bhūpaḥ deve yaśodharamahārāje praṇatibhāvaṃ namratvaṃ na upaiti na gacchati tasya bhūpasya āhaveṣu saṃgrāmeṣu śirasi mastakopari vayasāṃ kākagṛdhrādīnāṃ pakṣiṇāṃ prabandho melāpako bhavati | tasya mastakaṃ bhidyata ityarthaḥ | yadvā athavā āśrameṣu gaṅgādinadītaṭeṣu paralokadhiyā svargādibuddhyā (jaṭānāṃ lamrucānā) prabandho bhavati | kathaṃbhūte deve | śauṇḍīryaśālini tyāgavikramābhyāṃ viśrutaḥ śauṇḍīrastasya bhāvaḥ karma vā śauṇḍīryaṃ tena śālate śobhate ityevaṃśīlo śauṇḍīryaśālī tasmin śauṇḍīryaśālini | 'śāla śobhāyām' iti dhātoḥ prayogāt | punaḥ kathaṃbhūte deve | rpitakarṇakuṇḍalaḥ tūlinī śālmalivṛkṣastasya kusumakuḍmale puṣpakorake tayorākṛtiḥ ākāro yayoste tūlinīkusumakuḍmalākṛtīnī te ca te jātuṣe lākṣāmaye īdṛśe utkarpite niveśite karṇayoḥ śravaṇayoḥ kuṇḍale karṇaveṣṭane yena sa tathoktaḥ | punaḥ kathaṃbhūtaḥ śaṅkhanakaḥ | kārmaṇānekajaṭājātijaṭitakaṇṭhikāvaguṇṭhanajaṭharakaṇṭhanālaḥ kārmaṇā vaśīkaraṇādiprayogā anekā(ke) bahurūpā jaṭā mūlāni tāsā jātayaḥ prakārāstābhirjaṭitā yā kaṇṭhikā kaṇṭhābharaṇaṃ tasyā avaguṇṭhanena samantādvandhanena rakṣaṇena jaṭharaṃ kaṭhinaṃ kaṇṭhanālaṃ kaṇṭhakandalī yasya sa tathoktaḥ | punaḥ kathaṃbhūtaḥ śaṅkhanakaḥ | ciracelacīrīcarcitavicitrāprapadīnaprāsambajālaḥ ciracelāni purāṇavastrāṇi teṣāṃ cīrībhirbharvitaṃ racitaṃ vicitraṃ anekavarṇaṃ āprapadīna gupti(lpha)paryantaṃ prāptaṃ lambajālaṃ dīrghahāro yasya sa tathoktaḥ | punaḥ kathaṃbhūtaḥ śaṅkhanakaḥ | - [Previous: 4.113.1](https://indike.org/pramana/in.jaina.post.kavya.yasastilaka!srutasagara.4.113.1) - [Next: 4.113.3](https://indike.org/pramana/in.jaina.post.kavya.yasastilaka!srutasagara.4.113.3) - [Up: 4.113](https://indike.org/pramana/in.jaina.post.kavya.yasastilaka!srutasagara.4.113) ## Linked texts (1) - [Yaśastilaka](https://indike.org/pramana/in.jaina.post.kavya.yasastilaka.4.113) — Somadevasūri, Sanskrit --- Source: [https://indike.org/pramana/in.jaina.post.kavya.yasastilaka!srutasagara.4.113.2](https://indike.org/pramana/in.jaina.post.kavya.yasastilaka!srutasagara.4.113.2) · Pramāṇa