[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [Post-canonical works (philosophy, yoga, karma theory, narrative, poetry, history)](https://indike.org/pramana/in.jaina.post) › [Poetry and campū by Jain authors](https://indike.org/pramana/in.jaina.post.kavya) › [Yaśastilaka](https://indike.org/pramana/in.jaina.post.kavya.yasastilaka) › [Yashastilakacandrika](https://indike.org/pramana/in.jaina.post.kavya.yasastilaka!srutasagara) › 4.274 # Yashastilaka 4.274 Yaśastilakacandrikā 4.274 - **Language:** Sanskrit ### [4.274](https://indike.org/pramana/in.jaina.post.kavya.yasastilaka!srutasagara.4.274) haragirayantītyādi | he rājan, tava yaśasi visarati prasarati mahīdhrāḥ parvatāḥ haragirayanti kṛṣṇā api parvatā kailāsagirivadācaranti ujjvalā bhavanti | sarve'pi vārdhayaḥ lavaṇodakādayaḥ samudrāḥ kṣīrodadhayanti kṣīrodadhiriva ācaranti | kṛṣṇā api śuklā jāyanta ityarthaḥ | trīṇi jaganti ca trīṇi bhuvanāni ca saudhanti sudhāvaliptānivācaranti | kriyopamālaṃkāraḥ || giriṣvityādi | he nṛpa he rājan, bhuvane jagati sāṃpratamidānīṃ balena tvayā samaḥ ko nāma vartate | api tu na ko'pi | yena tvayā bhūmibhṛtaḥ parvatāḥ pakṣe rājānaḥ giriṣu parvateṣu dhṛtā āropitāḥ, pṛthvībhāraśca bhūmibhāro nijabhuje svakīyadakṣiṇakare nihita āropitaḥ śleṣākṣepālaṃkāraḥ || paṇḍitavaitaṇḍikasya kiṃ kurvataḥ | iti īdṛśaṃ kathaṃcinmahatā kaṣṭena kaṭudaṃ kaṭuvacanaṃ vadato vyaktaṃ jalpataḥ | itīti kim | sakaletyādi | he rājan, iha asyāṃ sabhāyāṃ saṃpratīdānīṃ samāgataḥ saṃprāptaḥ bhavatā tvayā ahaṃ kathaṃ kena prakāreṇa nāvabuddhye kathaṃ na jānīyāṃ | kathaṃbhūto'ham | asmin bhuvane pṛthvīmaṇḍale khyāta eva | punaḥ kathaṃbhūto'ham | sakalakavalokacakramardanaḥ sakalāśca te kavilokāḥ kavisamūhāsteṣāṃ cakraṃ samūhastatpramardayāmi cūrṇīkaromi iti sakalakavilo kacakapramardanaḥ | upamārūpakamidam || cena kṛtvā akharvagarvaparvatabhāramavāruhaddag akharvagarvaparvatabhāramavāritavān | iti īdṛśasya asya pratyakṣībhūtasya lokasya arthakathanānunāthanāśayaśayena arthasya vācyasya kathanaṃ vyāvṛttirvyākhyānaṃ tasya lānunāthanaṃ yācanam | praśna ityarthaḥ | tasyāśayo'bhiprāyaḥ sa eva śayo hastaḥ arthakathanānunāthanāśayaśayastena | itīti kim | trimūlakamityādi | yaḥ pumān agaṃ vṛkṣaṃ vetti jānāti sa pumān - [Previous: 4.270](https://indike.org/pramana/in.jaina.post.kavya.yasastilaka!srutasagara.4.270) - [Next: 4.275](https://indike.org/pramana/in.jaina.post.kavya.yasastilaka!srutasagara.4.275) - [Up: 4](https://indike.org/pramana/in.jaina.post.kavya.yasastilaka!srutasagara.4) ## Linked texts (1) - [Yaśastilaka](https://indike.org/pramana/in.jaina.post.kavya.yasastilaka.4.271) — Somadevasūri, Sanskrit --- Source: [https://indike.org/pramana/in.jaina.post.kavya.yasastilaka!srutasagara.4.274](https://indike.org/pramana/in.jaina.post.kavya.yasastilaka!srutasagara.4.274) · Pramāṇa