[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [Post-canonical works (philosophy, yoga, karma theory, narrative, poetry, history)](https://indike.org/pramana/in.jaina.post) › [Poetry and campū by Jain authors](https://indike.org/pramana/in.jaina.post.kavya) › [Yaśastilaka](https://indike.org/pramana/in.jaina.post.kavya.yasastilaka) › [Yashastilakacandrika](https://indike.org/pramana/in.jaina.post.kavya.yasastilaka!srutasagara) › 4.281.2 # Yashastilaka 4.281.2 Yaśastilakacandrikā 4.281.2 - **Language:** Sanskrit ### [4.281.2](https://indike.org/pramana/in.jaina.post.kavya.yasastilaka!srutasagara.4.281.2) itīti kim | kīdṛśapāṭhaparāyaṇo'ham | samaṃ gātrairityādi | he putra | putreti komalālāpe | he gaja he gajendra, samaṃ sādhu yathā mavatyevaṃ gātraiḥ tiṣṭha | uktaṃ ca—'dvau samaṃ paścāt jaṅghādideśo gātrācārakramāt, tathā ca—'gātramaṅgaśarīrayoḥ' | gajasya agradeśo gātramucyate | he putra, tva karaṃ śuṇḍādaṇḍa pratihara sakocaya ceṣṭaya | kathaṃbhūtaṃ karam | chidrarahitaṃ nirchidram | he putra, śiro mastakaṃ unnamya uddhataṃ kṛtvā khavahitamanāḥ mukhaṃ kharpaya suṣṭhu śobhanaṃ yathā bhavatyevaṃ arpaya śuṇḍādaṇḍa praveśaya | tatastadanantaraṃ śuṇḍādaṇḍasya mukhapraveśādanantaraṃ he kalyāṇāṅga maṅgalasulakṣaṇaśarīra he gaja he gajanātha, śravaṇayugalaṃ karṇadvayaṃ harṣaya uttālaya | īdṛśayā avasthayā tva kiyatkālaṃ tiṣṭha yāvatkālaṃ idaṃ pratyakṣībhūtaṃ mātrāśatamiti śabdaṃ bruve tāvattvaṃ tiṣṭha | kimarthaṃ bruve | varṇavidhaye tava stutividhānāya | jātyalaṃkāraḥ || kasmāttvaṃ tiṣṭha | śubhasthāpanāyāṃ śubhaviśeṣaṇam | kathaṃbhūtāyāṃ śubhasthāpanāyām | evamamunā prakāreṇa he aśeṣakriyāsauṣṭhava aśeṣāsu sakalāsu kriyāsu ceṣṭāsu sauṣṭhava eva samīcīnatvaṃ yasya sa tasya saṃbodhana he tathokta, pratiṣṭhādhiṣṭhānāyā pratiṣṭhāyāḥ sthiteḥ adhiṣṭhānaṃ adhyāsanaṃ yasyāṃ śubhasthāpanāyāṃ sā pratiṣṭhādhiṣṭhānā tasyām | he sthirasthitasamastāṅgasaṃgarbha sthiro niścalaḥ sthitaḥ samastānāṃ aṅgānāṃ avayavānāṃ saṃgarbho madhyo yasya sa tathā tasya saṃbodhana he tathokta | - [Previous: 4.281.1](https://indike.org/pramana/in.jaina.post.kavya.yasastilaka!srutasagara.4.281.1) - [Next: 4.281.3](https://indike.org/pramana/in.jaina.post.kavya.yasastilaka!srutasagara.4.281.3) - [Up: 4.281](https://indike.org/pramana/in.jaina.post.kavya.yasastilaka!srutasagara.4.281) ## Linked texts (1) - [Yaśastilaka](https://indike.org/pramana/in.jaina.post.kavya.yasastilaka.4.281) — Somadevasūri, Sanskrit --- Source: [https://indike.org/pramana/in.jaina.post.kavya.yasastilaka!srutasagara.4.281.2](https://indike.org/pramana/in.jaina.post.kavya.yasastilaka!srutasagara.4.281.2) · Pramāṇa