[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [Post-canonical works (philosophy, yoga, karma theory, narrative, poetry, history)](https://indike.org/pramana/in.jaina.post) › [Poetry and campū by Jain authors](https://indike.org/pramana/in.jaina.post.kavya) › [Yaśastilaka](https://indike.org/pramana/in.jaina.post.kavya.yasastilaka) › [Yashastilakacandrika](https://indike.org/pramana/in.jaina.post.kavya.yasastilaka!srutasagara) › 4.313 # Yashastilaka 4.313 Yaśastilakacandrikā 4.313 - **Language:** Sanskrit ### [4.313](https://indike.org/pramana/in.jaina.post.kavya.yasastilaka!srutasagara.4.313) śaktisaṃpadaḥ | vijñāyata iti śeṣaḥ | kathaṃbhūtasya | tuṅgasya unnatasya śūrasya subhaṭasya ca na kathamapi vijñāyata ityarthaḥ | vyatirekākṣepālaṃkāraḥ || asminnityādi | he mahīpāla, asmin pratyakṣībhūte gaje tava hastini sadāne madavati sati jagati saṃsāre kasya puruṣasya dānabhāvaḥ dānatvaṃ nābhūt | api tu sarvasyāpi dānabhāvo babhūva | kutra dānabhāvo babhūva | kṣitiḥ sadānā abhūt saśaraṇā babhūva | 'deṅ trāṅ pālane' iti dhātoḥ prayogāt | arthijano yācakalokaḥ sadānaḥ sadhano babhūva | yataḥ tava bhavato arivargaḥ sadānaḥ sakhaṇḍano abhūdbabhūva | samuccayaśleṣālaṃkāraḥ || śatamakhetyādi | he rājan, vāraṇastava gajo viyati ākāśe hastaṃ śuṇḍādaṇḍaṃ udañcati utkṣipati | kathaṃbhūto vāraṇaḥ | itthamunā prakāreṇa upadeṣṭukāma iva upadeśayitumanā iva | itīti kim | he śatamakha he indra, he dahana he agne, he kāla he yama, he guha he kārtikeya, he varuṇa he pāśin, he samīraṇa he vāyo, he dhanada he manuṣyadharman, he candramaḥ he rohiṇīpate, yūyaṃ sarve'pi prathitaikaikakumbhivibhavāḥ prathito vikhyāta ekaikaḥ eka eka eva kumbhibhiḥ gajaiḥ vibhavo dhanaṃ yeṣāṃ te prathitaikaikakumbhibhivabhavā yūyaṃ vartante | tattasmāt kāraṇāt imān nijanijagajān prayatnataḥ sāvadhānatayā avata rakṣata | yūyaṃ no cet yadi na rakṣayiṣyatho yūyaṃ tarhi bhavatāṃ yuṣmākaṃ patākinī senā ibhavihīnaracanā gajarahitaprayatnā bhavitā bhaviṣyati | utprekṣālaṃkāraḥ || dūrādityādi | he subhaga śravaṇadarśanādvā sarveṣāṃ sukhotpādaka, gajapatau tava gajendre asyāḥ sarasyāḥ mahāsarovarasya dūrāt viprakarṣāt dṛṣṭipathaṃ locanamārgaṃ gate prāpte sati haṃsāvalīkāñcikā haṃsaśreṇīrasanā vigalitā adhaḥ patitā | sparśāt śuṇḍādaṇḍena chupikriyāyā paṅkajinīdalāṃśukaṃ padminīpatravastra agāt galitam | punaḥ paścāt gajapatau - [Previous: 4.311](https://indike.org/pramana/in.jaina.post.kavya.yasastilaka!srutasagara.4.311) - [Next: 4.316](https://indike.org/pramana/in.jaina.post.kavya.yasastilaka!srutasagara.4.316) - [Up: 4](https://indike.org/pramana/in.jaina.post.kavya.yasastilaka!srutasagara.4) ## Linked texts (1) - [Yaśastilaka](https://indike.org/pramana/in.jaina.post.kavya.yasastilaka.4.310) — Somadevasūri, Sanskrit --- Source: [https://indike.org/pramana/in.jaina.post.kavya.yasastilaka!srutasagara.4.313](https://indike.org/pramana/in.jaina.post.kavya.yasastilaka!srutasagara.4.313) · Pramāṇa