[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [Post-canonical works (philosophy, yoga, karma theory, narrative, poetry, history)](https://indike.org/pramana/in.jaina.post) › [Poetry and campū by Jain authors](https://indike.org/pramana/in.jaina.post.kavya) › [Yaśastilaka](https://indike.org/pramana/in.jaina.post.kavya.yasastilaka) › [Yashastilakacandrika](https://indike.org/pramana/in.jaina.post.kavya.yasastilaka!srutasagara) › 4.329 # Yashastilaka 4.329 Yaśastilakacandrikā 4.329 - **Language:** Sanskrit ### [4.329](https://indike.org/pramana/in.jaina.post.kavya.yasastilaka!srutasagara.4.329) dṛṣṭyāndhyabhāgityādi | ātapito gharmapīḍita āgatastathā sati yadyambu sevate jalaṃ pibati tarhi dṛṣṭyāndhyabhāk mandadṛṣṭirbhavati | śrāntaḥ mārgaśrāntaḥ āgataḥ san kṛtāśo yadi bhojanaṃ karoti tadā vamanajvarārhaḥ tasya bhojanānantaraṃ vamanaṃ bhavati jvaraścotpadyate | syandavibandhakāle prastrāvavāghāsahito yadi bhojanaṃ karoti tadā bhagandarī bhagandararogastasya bhavati | yaḥ pumān jihatsuḥ hadanabādhāsahitaḥ san vihitāśano bhojanaṃ karoti sa gulmī tasya gulmāni utpadyante | jātyalaṃkāraḥ || snānamityādi | snānaṃ vidhāya vidhivat śāstroktaprakāreṇa kṛtadevakāryaḥ snāpanārcādividhiṃ kṛtvā saṃtarpitātithijanaḥ saṃprītitayānnalokaḥ, sumanāḥ akaluṣatacittaḥ, suveṣaḥ rucirākalpasaṃyuktaḥ, āptairvṛtaḥ hitajanairgurvādibhiḥ saṃveṣṭito rahasi ekānte bhojanakṛt pumān bhojanaṃ karoti sa pumān tathā syāt tādṛśo bhavati | tādṛśaḥ kīdṛśo bhavati | sāyaṃ saṃdhyāyāṃ sūryāstamanavelāyāṃ bhuktikaro'bhilāṣo bhojanecchā yathā bhavati | jātyalaṃkāraḥ || cārāyaṇa ityādi | he nṛpate, cārāyaṇo nāma vaidyaḥ niśi rātrau bhuktiṃ bhojanaṃ jagāda uktavān | timirnāma vaidyaḥ punaḥ astakāle saṃdhyāsamaye bhuktiṃ jagāda | dhiṣaṇo bṛhaspatirnāma vaidyaḥ dinasya madhye madhyāhne bhuktiṃ jagāda | carako nāma vaidyaḥ prabhāte bhuktiṃ jagāda | mama eṣa sargo vartate | eṣa kaḥ | tasyā bhukteḥ sa eva samayaḥ sa evāvasaraḥ | sa kaḥ | yadaiva yasminneva kāle kṣudhito bhavati tadaiva bhojanaṃ kuryādityarthaḥ | dīpakālaṃkāraḥ || yo'kṣudhyannityādi | yaḥ pumān akṣudhyan kṣudhāsahitaḥ san lobhabhāvena bho- - [Previous: 4.325](https://indike.org/pramana/in.jaina.post.kavya.yasastilaka!srutasagara.4.325) - [Next: 4.333](https://indike.org/pramana/in.jaina.post.kavya.yasastilaka!srutasagara.4.333) - [Up: 4](https://indike.org/pramana/in.jaina.post.kavya.yasastilaka!srutasagara.4) ## Linked texts (1) - [Yaśastilaka](https://indike.org/pramana/in.jaina.post.kavya.yasastilaka.4.327) — Somadevasūri, Sanskrit --- Source: [https://indike.org/pramana/in.jaina.post.kavya.yasastilaka!srutasagara.4.329](https://indike.org/pramana/in.jaina.post.kavya.yasastilaka!srutasagara.4.329) · Pramāṇa