[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [Post-canonical works (philosophy, yoga, karma theory, narrative, poetry, history)](https://indike.org/pramana/in.jaina.post) › [Poetry and campū by Jain authors](https://indike.org/pramana/in.jaina.post.kavya) › [Yaśastilaka](https://indike.org/pramana/in.jaina.post.kavya.yasastilaka) › [Yashastilakacandrika](https://indike.org/pramana/in.jaina.post.kavya.yasastilaka!srutasagara) › 4.349 # Yashastilaka 4.349 Yaśastilakacandrikā 4.349 - **Language:** Sanskrit ### [4.349](https://indike.org/pramana/in.jaina.post.kavya.yasastilaka!srutasagara.4.349) 'nala || viṣamo vātajānrogāṃstīkṣṇa pittasamudbhavān | karotyabhikhayā mando vikārānkaphasaṃbhavān ||' tatra caturvidheṣvāpa vahniṣu addanamāha-laghu mande laghubhojanaṃ mande'gnau adyāt bhakṣayet bhuñjīta | tīkṣṇāgnau gurvannamadyāt | viṣame'gnau snigdhānnamadyāt | same'gnau samamannamadyāt | dīpakālaṃkāraḥ || śiśirasurabhidharmeṣvityādi | he kṣitipa he rājan, kaphapavanahutāśāḥ śleṣmavāyupittāni saṃcayaṃ prakopaṃ ca praśamaṃ upaśamanaṃ iha asmin saṃsāre janmabhājāṃ prāṇināṃ krameṇa yathāsaṃkhyena bhajante | keṣu | śiśirasurabhidharmeṣu | asyāyamarthaḥ-śiśire māghaphālgunadvaye kaphaḥ śleṣmā sacayaṃ bhajate, surabhau vasante caitravaiśākhe kaphaḥ prakopaṃ bhajate, dharme jyeṣṭhāṣāḍhe grīṣmakāle kaphaḥ praśama bhajate, ātape grīṣmakāle pavano vāyuḥ sacayaṃ bhajate, ambhasi śrāvaṇabhādrapadamāsadvaye pavana prakopaṃ bhajate, śaradi āśvinakārtikamāsadvaye pavanaḥ praśamaṃ bhajate, śaradi pittaḥ sacayaṃ bhajate, mārgaśīrṣapauṣamāsadvaye pittaḥ prakopaṃ bhajate, māghaphālgunamāsadvaye pittaḥ praśamaṃ ca bhajate iti tātparyārthaḥ | yathāsaṃkhyālaṃkāraḥ | tadihetyādi | he nṛpavara rājādhirāja, tattasmāt kāraṇāt iha asyāṃ śaradi svādvanaṃ miṣṭānnaṃ sevyam, tiktaṃ kaṣāyaṃ ca sevyam, nīranīhārakāle madhura lavaṇaṃ amla ca sevyam, madhumāse ca vasantasamaye tīkṣṇatikte kaṣāyaṃ ca sevyam, athānantaraṃ grīṣmakālāgame ca praśamarasaṃ annaṃ snigdhāmnaṃ sevyam | samuccayālaṃkāraḥ || navamaśanamityādi | iha asmin śiśirakāle navamaśanaṃ adyāt bhuñjīta | punaśca kiṃ adyāt | kṣīramāpekṣubhakṣyān kṣīraṃ ca māṣāśca ghṛṣṭyāḥ ikṣuśca ikṣvādikāḥ pauṇḍrake bhakṣyāśca modakādayaḥ kṣīramāpekṣubhakṣyāstān | ca anyat śiśirakāle dadhi adyāt yathā - [Previous: 4.347](https://indike.org/pramana/in.jaina.post.kavya.yasastilaka!srutasagara.4.347) - [Next: 4.353](https://indike.org/pramana/in.jaina.post.kavya.yasastilaka!srutasagara.4.353) - [Up: 4](https://indike.org/pramana/in.jaina.post.kavya.yasastilaka!srutasagara.4) ## Linked texts (1) - [Yaśastilaka](https://indike.org/pramana/in.jaina.post.kavya.yasastilaka.4.348) — Somadevasūri, Sanskrit --- Source: [https://indike.org/pramana/in.jaina.post.kavya.yasastilaka!srutasagara.4.349](https://indike.org/pramana/in.jaina.post.kavya.yasastilaka!srutasagara.4.349) · Pramāṇa