[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [Post-canonical works (philosophy, yoga, karma theory, narrative, poetry, history)](https://indike.org/pramana/in.jaina.post) › [Poetry and campū by Jain authors](https://indike.org/pramana/in.jaina.post.kavya) › [Yaśastilaka](https://indike.org/pramana/in.jaina.post.kavya.yasastilaka) › [Yashastilakacandrika](https://indike.org/pramana/in.jaina.post.kavya.yasastilaka!srutasagara) › 4.357 # Yashastilaka 4.357 Yaśastilakacandrikā 4.357 - **Language:** Sanskrit ### [4.357](https://indike.org/pramana/in.jaina.post.kavya.yasastilaka!srutasagara.4.357) ghṛtamityādi | śaratkāle āśvinakārtikamāse ghṛtaṃ sevyam, mudgāśca sevyāḥ, śāliḥ sugandhaśālyodanam, samidhavikṛtirgodhūmacūrṇalapanaśrī. sevyā, kṣīravidhayaḥ paramānnaṃ sevyam, paṭolaṃ savyavyañjanam, mṛdvīkā drākṣāḥ sevyā. | iha asmin kāle cakārādgrīṣmāntarāle ca dhātryā. phalaṃ āmalakīphala samucitaṃ yogyam | sitā śarkarā sevyā, śītacchāyāḥ āmravaṭacampakadrākṣāmaṇḍapādiṣu chāyā sevyā, madhurasavaśa miṣṭarasādhīnaṃ kandakupalaṃ piṇḍālūkandamadhurapallava ca sevyaṃ bhavati | rajanivadane pūrvarātre candrakiraṇāḥ sevyā bhavanti | samuccayālaṃkāra. || nyūnādhiketyādi | nyūnādhikavibhāgena ṛtuṣu rasān yojayet | uṣṇakāle uṣṇarasa stokaṃ śītarasa pracuram, śītakāle śītarasa stokaṃ uṣṇarasa pracuram, evaṃ nyūnādhikavibhāgena rasān seveta | viruddhaṃ sarvathā tyājyamityartha. | ṣaḍrasābhyavahārastu ṣaḍrasabhojanaṃ tu nṛṇāṃ sadā sukhāvaha sukharūro bhavati | jātyalaṃkāraḥ || bālaṃ vārttākamityādi | bālaṃ niṣpāvakṣālana parahasitameva(?) na tu śuṣkam | vṛntāka komalaṃ vṛntākavyañjanam, kohalaṃ pakvakarkāruvyañjanam | uktaṃ ca—'vṛntākaṃ komalaṃ pathyaṃ kūṣmāṇḍaṃ komalaṃ viṣam |' kāravelaṃ kaṭillakavyañjanam | sukhavīsānamityarthaḥ | cillī poī patrabhañjikā, jīvantī rājaḍoḍivā, vāstuūlaṃ vāstuūlaśākam | 'vāstūlaṃ śākanāyakam' ityartha. | taṇḍulīyaḥ alpamāriṣaśākam, sadyaḥ saṃbhṛṣṭāḥ parpaṭāstatkālamagnau saṃtāpitāḥ parpaṭā māpaparpaṭā., cirbhaṭāntāḥ puṣpapārśvakarkaṭībhedāḥ svarlokaiḥ svargalokaiḥ kiṃ na kimapi cedyadi ārdrakasya phālayaḥ khaṇḍāni bhavanti | ākṣepasamuccayālaṃkāraḥ || turyeṇetyādi | turyeṇa caturthena aṃśena bhāgena bhojyasya bhojanasya sarvaśākaṃ samācaret bhuñjīta | dadhnā pariplutaṃ dadhimadhye tuḍitaṃ vyañjanaṃ nādyāt na bhuñjīta | payasā viśuṣka nirjalaṃ vyañjanaṃ talikottīrṇaprāyaṃ nādyādityartha. | jātyalaṃkāraḥ || - [Previous: 4.353](https://indike.org/pramana/in.jaina.post.kavya.yasastilaka!srutasagara.4.353) - [Next: 4.360](https://indike.org/pramana/in.jaina.post.kavya.yasastilaka!srutasagara.4.360) - [Up: 4](https://indike.org/pramana/in.jaina.post.kavya.yasastilaka!srutasagara.4) ## Linked texts (1) - [Yaśastilaka](https://indike.org/pramana/in.jaina.post.kavya.yasastilaka.4.355) — Somadevasūri, Sanskrit --- Source: [https://indike.org/pramana/in.jaina.post.kavya.yasastilaka!srutasagara.4.357](https://indike.org/pramana/in.jaina.post.kavya.yasastilaka!srutasagara.4.357) · Pramāṇa