[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [Post-canonical works (philosophy, yoga, karma theory, narrative, poetry, history)](https://indike.org/pramana/in.jaina.post) › [Poetry and campū by Jain authors](https://indike.org/pramana/in.jaina.post.kavya) › [Yaśastilaka](https://indike.org/pramana/in.jaina.post.kavya.yasastilaka) › [Yashastilakacandrika](https://indike.org/pramana/in.jaina.post.kavya.yasastilaka!srutasagara) › 4.360 # Yashastilaka 4.360 Yaśastilakacandrikā 4.360 - **Language:** Sanskrit ### [4.360](https://indike.org/pramana/in.jaina.post.kavya.yasastilaka!srutasagara.4.360) akathitamityādi | akathitamanutkālitaṃ dugdhaṃ daśa ghaṭikā yāvat tāvat pathyaṃ adhikakāle apathyam | kathitamutkālitaṃ yaddugdhaṃ tā ghaṭikā dviguṇāśca viṃśatighaṭikāparyantaṃ pathyaṃ paścādapathyamityarthaḥ | rūpāmodarasāḍhyaṃ yāvat ujjvalaṃ sugandhalaṃ anamlaguṇasahitaṃ yāvattāvatkālaṃ dadhi prāśyamāsvādanīyam | jātyalaṃkāraḥ || tāvadityādi | atra asmin saṃsāre bhakṣyāṇāṃ pakvānnāṃ vargaḥ samūhastāvatkālaṃ khadate ślādhyate'pi ca praśasyate ca | tāvatkiyat | yāvatkālaṃ aṅgārapācitāḥ sthūlābhyūrṇāḥ uṣṇoṣṇā aśītalāḥ sarpiṣi snātā ghṛtaplutā yāvannāyānti yāvanna bhakṣyante ityarthaḥ | atiśayālaṃkāraḥ || yadityādi | he rājan, taddhṛtaṃ te tava mude harṣāya syādbhavatu | yatkim | yaddhṛtaṃ vedāgamavedibhiḥ vedaśāstrajñāpakaiḥ iha asmin saṃsāre sākṣāt pratyakṣeṇa nṛṇāṃ manuṣyāṇā āyuḥ jīvitaṃ nigaditaṃ pratipāditam | 'āyurvai ghṛtam' iti vacanāt | yaddhṛtaṃ vaidyeṣu āyurvedavijñāpakeṣu āyurvedapratipādakeṣu śāstreṣu vā rasāyanārya paṭhitaṃ mṛgāṅgādirasāyananimittaṃ kathitam | kasmāt | sadyastatkālaṃ jarānāśanāt ghṛtapānāt | 'vṛddho'pi taruṇāyate' iti vacanāt | yaddhṛtaṃ sārasvatakalpakāntamatibhiḥ sārasvato nāma sarasvatīmantrastanmahimaprakāśakaṃ śāstraṃ sārasvatakalpa ucyate tena kāntā atimanoharā matiryeṣāṃ mantravādināṃ tai tathā taiḥ dhiyo buddhyāḥ siddhaye prāptyarthaṃ proktaṃ pratipāditam | kathaṃbhūtaṃ ghṛtam | kāñcanaketakadrutirasacchāyaṃ kāñcanaṃ ca ketakaṃ ca suvarṇaketakīpuṣpaṃ tayordrutiraso dravastasya chāyā varṇo yasya ghṛtasya tattathoktam | upamālaṃkāraḥ || sthaulyamityādi | taddadhi sevyaṃ āsvādanīyam | tatkim | yat dadhi | kiṃ karoti | sthaulyaṃ pīvaratvaṃ karoti | anilaṃ vātaṃ harate | etadekameva anyāni auṣadhānāṃ sahasrā- - [Previous: 4.357](https://indike.org/pramana/in.jaina.post.kavya.yasastilaka!srutasagara.4.357) - [Next: 4.368](https://indike.org/pramana/in.jaina.post.kavya.yasastilaka!srutasagara.4.368) - [Up: 4](https://indike.org/pramana/in.jaina.post.kavya.yasastilaka!srutasagara.4) ## Linked texts (1) - [Yaśastilaka](https://indike.org/pramana/in.jaina.post.kavya.yasastilaka.4.360) — Somadevasūri, Sanskrit --- Source: [https://indike.org/pramana/in.jaina.post.kavya.yasastilaka!srutasagara.4.360](https://indike.org/pramana/in.jaina.post.kavya.yasastilaka!srutasagara.4.360) · Pramāṇa