[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [Post-canonical works (philosophy, yoga, karma theory, narrative, poetry, history)](https://indike.org/pramana/in.jaina.post) › [Poetry and campū by Jain authors](https://indike.org/pramana/in.jaina.post.kavya) › [Yaśastilaka](https://indike.org/pramana/in.jaina.post.kavya.yasastilaka) › [Yashastilakacandrika](https://indike.org/pramana/in.jaina.post.kavya.yasastilaka!srutasagara) › 4.368 # Yashastilaka 4.368 Yaśastilakacandrikā 4.368 - **Language:** Sanskrit ### [4.368](https://indike.org/pramana/in.jaina.post.kavya.yasastilaka!srutasagara.4.368) dṛṣṭimāndyaṃ cakṣustejohīnaṃ bhavati | kuḍavamadhye ṭaṅkadvayaṃ lavaṇaṃ yuktamadhikaṃ na yuktamiti bhāvaḥ | eṣā pratyakṣībhūtā atyamlatīkṣṇopayuktiḥ atikṣāmaricādeḥ upayogaḥ vapuḥ jarayati śarīraṃ jīrṇaṃ karoti | tadbhuktamātraṃ asātmyamapathyaṃ balavilayaṃ nāśaṃ karoti | uṣṇo dehadāhāya uṣṇaḥ śuṇṭhīmaricapippaliprabhṛtirasaḥ śarīraparitāpāya bhavati | kaṣāyo harītakyāmalakavibhītakapūgaphalādiko rasaḥ anilakopano vātakaro bhavati | ko'sau | sātatyāt nirantarāsvādanāt atimātratayā niṣevyamāṇaḥ san | jātyalaṃkāraḥ || yavasamityetyādi | yavasamiyavidāhiṣu yavānāṃ śitaśūkānā samityaścūrṇaṃ tasya vidāhiṣu ajīrṇeṣu śītaṃ ambu niṣevyaṃ ajīrṇe yāti | anne bhojane piṣṭe godhūmasamithaidurjare sati idaṃ ambu kvathitamutkālitaṃ jalaṃ upāsyaṃ pānīye peyam | vidalakāle dāsyajīrṇakāle avantisomasya kāñjikasya pānamāsvādanaṃ bhavati | ghṛtavikṛtiṣu sarpirajīrṇeṣu kālaśeyaṃ takraṃ peyam | takraṃ tu sadaiva hitamiti bhāvaḥ | 'na takradagdhāḥ prabhavanti rogāḥ' ityabhidhānāt | samuccayālaṃkāraḥ || ādāvityādi | ādau bhojanasya pūrvameva pītaṃ jalaṃ vahnivināśakārśya kuryāt | tadante kaphabṛṃhaṇaṃ ca śleṣmavṛddhiṃ kuryāt | madhye tu pītaṃ jalaṃ samatāṃ sukhaṃ ca kuryāt | asya jalasya sakṛt ekavārameva atiyogaḥ atipānaṃ nābhigato nāmīṣṭaḥ | 'punaḥ punarvāri pibedbūri' iti vacanāt | samuccayālaṃkāraḥ || amṛtamityādi | etat salilaṃ amṛtaṃ viṣamivi ca dve nāmanī viditatattvārthāḥ vijñātāyurvedaśāstrā nigadanti pratipādayanti | 'proktaṃ prādurbhūtanamamṛtaṃ jīvanīyaṃ viśe - [Previous: 4.360](https://indike.org/pramana/in.jaina.post.kavya.yasastilaka!srutasagara.4.360) - [Next: 4.371](https://indike.org/pramana/in.jaina.post.kavya.yasastilaka!srutasagara.4.371) - [Up: 4](https://indike.org/pramana/in.jaina.post.kavya.yasastilaka!srutasagara.4) ## Linked texts (1) - [Yaśastilaka](https://indike.org/pramana/in.jaina.post.kavya.yasastilaka.4.367) — Somadevasūri, Sanskrit --- Source: [https://indike.org/pramana/in.jaina.post.kavya.yasastilaka!srutasagara.4.368](https://indike.org/pramana/in.jaina.post.kavya.yasastilaka!srutasagara.4.368) · Pramāṇa