[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [Post-canonical works (philosophy, yoga, karma theory, narrative, poetry, history)](https://indike.org/pramana/in.jaina.post) › [Poetry and campū by Jain authors](https://indike.org/pramana/in.jaina.post.kavya) › [Yaśastilaka](https://indike.org/pramana/in.jaina.post.kavya.yasastilaka) › [Yashastilakacandrika](https://indike.org/pramana/in.jaina.post.kavya.yasastilaka!srutasagara) › 4.371 # Yashastilaka 4.371 Yaśastilakacandrikā 4.371 - **Language:** Sanskrit ### [4.371](https://indike.org/pramana/in.jaina.post.kavya.yasastilaka!srutasagara.4.371) ca' iti halāyudhavacanāt | tatrāyaṃ bhāvaḥ-yuktyā sevitaṃ jalamamṛtaṃ jīvanīyam, viṣaṃ ceti etajjalamayuktitaḥ pītaṃ sat viṣaṃ bhavati | rūpakamidam || kaupamityādi | kaupaṃ paya kūpodakaṃ prāsravaṇaṃ payaḥ nirjharajala vasantasamaye caitravaiśākhe sevyam | grīṣme jyeṣṭhāṣāḍhe tadeva kūpanirjharajala ucita yogyaṃ bhavati | punaḥ punarapi ghanānā kāle varṣākāle anabhivṛṣṭideśa jhampiti(?)rūpasya jalaṃ sevyam | athavā cauṇḍhyaṃ curīsambhūtaṃ truṭitaṃ jalam | udbhitamiti yāvat | nīhāre śītakāle sarasītaḍāgaviṣaya payaḥ mahāsarovarakṣudrasarovarajalaṃ sevyam | śaratsagame āśvinakārtikamāse sarvaṃ payaḥ kūpaprasravaṇasarasītaḍāgādikaṃ sevyam | kathaṃbhūtaṃ payaḥ | sūryasitāṃśuraśmipavanavyādhūtadoṣaṃ sūryaśca raviḥ sitāṃśuścandrastayo. raśmayaḥ kiraṇā. pavanaśca vāyu. tairvyādhutaḥ spheṭito doṣo yasya payasa. tattathoktam | dīpakālaṃkāraḥ || avyaktetyādi | yadambu jalaṃ avyaktarasagandham | raso'pi jñātuṃ na śakyate, gandho'pi jñātuṃ na śakyate | svacchaṃ mūlādijalairamiśritam, vātātapāhataṃ vātagharmatāḍitam, tadambu prakṛtyā svabhāvenaiva pathyamadoṣakaram | anyatraitadguṇarahitaṃ kvathitamutkālitaṃ pibedāsvādayet | jātyalaṃkāraḥ || vārītyādi | vāri jalaṃ sūryendusaṃsiddham | jalabhṛtaṃ ghaṭaṃ prātareva gharme priyate caturaḥ praharāt rātrāvapi abhrāvakāśe tiṣṭhati tadvāri sūryendusaṃsiddhamucyate | anyasmin tajjalaṃ pīyate rātrāvapi pīyate tadanantaraṃ nāsvādyate | tena kāraṇena ca ahorātrātparaṃ na tat pibedityartha. | divāsiddhaṃ divase utkālitaṃ divasa eva pibet, tasya divasasya niśi rātrau na pibedityarthaḥ | niśisiddhaṃ rātrāvutkālitaṃ rātrau eva pibet, na tu divā divase pibet | anyathā doṣa utpadyata ityarthaḥ | jātyalakāraḥ || - [Previous: 4.368](https://indike.org/pramana/in.jaina.post.kavya.yasastilaka!srutasagara.4.368) - [Next: 4.374.1](https://indike.org/pramana/in.jaina.post.kavya.yasastilaka!srutasagara.4.374.1) - [Up: 4](https://indike.org/pramana/in.jaina.post.kavya.yasastilaka!srutasagara.4) ## Linked texts (1) - [Yaśastilaka](https://indike.org/pramana/in.jaina.post.kavya.yasastilaka.4.371) — Somadevasūri, Sanskrit --- Source: [https://indike.org/pramana/in.jaina.post.kavya.yasastilaka!srutasagara.4.371](https://indike.org/pramana/in.jaina.post.kavya.yasastilaka!srutasagara.4.371) · Pramāṇa