[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [Post-canonical works (philosophy, yoga, karma theory, narrative, poetry, history)](https://indike.org/pramana/in.jaina.post) › [Poetry and campū by Jain authors](https://indike.org/pramana/in.jaina.post.kavya) › [Yaśastilaka](https://indike.org/pramana/in.jaina.post.kavya.yasastilaka) › [Yashastilakacandrika](https://indike.org/pramana/in.jaina.post.kavya.yasastilaka!srutasagara) › 4.374.8 # Yashastilaka 4.374.8 Yaśastilakacandrikā 4.374.8 - **Language:** Sanskrit ### [4.374.8](https://indike.org/pramana/in.jaina.post.kavya.yasastilaka!srutasagara.4.374.8) kaiḥ kaiḥ kṛtvā udyānamanubhūya madhyāhnasamayānativāhayāmāsa | caraṇakisalayaprahārakrīḍābhiḥ caraṇānyeva kisalayāni teṣāṃ prahārakrīḍābhiḥ| punaśca kābhiḥ | ūrurambhāstambhaparirambhakelibhiḥ....................... stambhau tayoḥ parirambhakelibhirāliṅganakrīḍābhiḥ| punaśca kaiḥ kṛtvā | mekhalādeśadalajaśayyārohaṇavinodaiḥ mekhalādeśaḥ smaramandirapradeśaḥ sa eva dalajaśayyā pallavaśayaṃnīyaṃ tasyā ārohaṇavinodaiḥ | punaḥ kābhiḥ kṛtvā | tanūruharājitāpicchamañjarībhiḥ tanūruharājyasta eva tāpicchamañjaryaḥ kṛṣṇakāhalīkataruvallaryastābhiḥ | punaḥ kaiḥ kṛtvā | nābhimaṇḍalālavālaparisarpaṇaiḥ nābhimaṇḍalameva ālavālaṃ tasya parisarpaṇaiḥ ā samūllasanaiḥ| punaśca kābhiḥ | balivallīvalayaratibhiḥ valaya udararekhāstā eva vallayaḥ pratāninyastāsāṃ valayaratibhiḥ maṇḍalakīḍābhiḥ | punaśca kaiḥ kṛtvā | kucakusumastabakavikalpaiḥ kucā eva kusumastabakāḥ puṣpasaṃghātāḥ teṣā vikalpairbhedaiḥ | punaḥ kaiḥ kṛtvā | bhujalatāliṅganavidhibhiḥ bhujā eva latāstāsāmāliṅganavidhibhiḥ | punaḥ kaiḥ kṛtvā | bāhutarumūladarśanakutūhalaiḥ bāhava eva taravaḥ teṣā mūladarśanakutūhalaiḥ | punaśca kābhiḥ kṛtvā | bimbādharaphalāsvādanaprītibhiḥ bimbādharā eva phalāni teṣāmāsvādanaprītibhiḥ | punaśca kaiḥ kṛtvā | apāṅgaprasavakhelitaiḥ apāṅgā eva prasavāḥ puṣpāṇi teṣāṃ khelitaiḥ | punaśca kābhiḥ | bhrūbhaṅgapallavaprasādhanalīlābhiḥ bhrūbhaṅgā bhukuṭayasta eva pallavāsteṣāṃ prasādhanalīlābhiḥ parikarmakrīḍābhiḥ | punaśca kaiḥ kṛtvā | - [Previous: 4.374.7](https://indike.org/pramana/in.jaina.post.kavya.yasastilaka!srutasagara.4.374.7) - [Next: 4.374.9](https://indike.org/pramana/in.jaina.post.kavya.yasastilaka!srutasagara.4.374.9) - [Up: 4.374](https://indike.org/pramana/in.jaina.post.kavya.yasastilaka!srutasagara.4.374) ## Linked texts (1) - [Yaśastilaka](https://indike.org/pramana/in.jaina.post.kavya.yasastilaka.4.375.3) — Somadevasūri, Sanskrit --- Source: [https://indike.org/pramana/in.jaina.post.kavya.yasastilaka!srutasagara.4.374.8](https://indike.org/pramana/in.jaina.post.kavya.yasastilaka!srutasagara.4.374.8) · Pramāṇa