[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [Post-canonical works (philosophy, yoga, karma theory, narrative, poetry, history)](https://indike.org/pramana/in.jaina.post) › [Poetry and campū by Jain authors](https://indike.org/pramana/in.jaina.post.kavya) › [Yaśastilaka](https://indike.org/pramana/in.jaina.post.kavya.yasastilaka) › [Yashastilakacandrika](https://indike.org/pramana/in.jaina.post.kavya.yasastilaka!srutasagara) › 4.376 # Yashastilaka 4.376 Yaśastilakacandrikā 4.376 - **Language:** Sanskrit ### [4.376](https://indike.org/pramana/in.jaina.post.kavya.yasastilaka!srutasagara.4.376) kṣepayantraṃ tena udastutkṣiptaṃ yajjalaṃ tena jaḍāni ārdāṇi yānyaṃśukāni teṣu vyaktāḥ sphuṭībhūtā nimnonnatapradeśā jaghanastanādisthānāni yāsāṃ tāstathoktāstābhiḥ | punaḥ kathaṃbhūtābhiḥ | amaryādālāpavilāsahāsollāsābhirāmābhiḥ amaryādāḥ pracurā ye ālāpāḥ parasparabhāṣaṇāni tathā amaryādā ye vilāsā locanotkṣepāstathā amaryādā ye hāsā cakāravacanāni mukhavikāsā vā teṣāmullāsaiḥ prādurbhāvairabhirāmā atimanoharā yāḥ priyatamāstābhiḥ || kathaṃbhūtaḥ sannahaṃ gharmadineṣu madhyāhnasamayānativāhayāmāsa | ityamunā prakāreṇa vaitālikālāpollāsyamānamānasaḥ vaitālikānāṃ bodhakarāṇāṃ ālāpaiḥ ullāsyamānaṃ āhlādyamānaṃ mānasaṃ yasya sa tathoktaḥ | itīti kim-vivaśa bisinītyādi | nidāghasamāgamo grīṣmakālāgamo vilāsināṃ kāmināṃ kāmaṃ yatheṣṭaṃ samadhikaratirjātaḥ samyakprakāreṇa adhikaratidāyako babhūva | kaiḥ kṛtvā nidāghasamāgamaḥ samadhikaratirjātaḥ | vivaśabisinīkandacchedaiḥ vivaśā avaśātmāno ye bisinīnāṃ kandacchedā mūlakhaṇḍāni taiḥ | uktaṃ ca-'vivaśaḥ syādavaśyātmāniṣṭapuṣṭaviniścayaḥ |' punaḥ kaiḥ kṛtvā | mṛṇālavibhūṣaṇaiḥ mṛṇālānāmutpalānāṃ vibhūṣaṇaiḥ | punaśca kaiḥ kṛtvā | aśokadaloccayaiḥ aśokapallavaśayyābhiḥ | kathaṃbhūtairaśokadaloccayaiḥ | malayajarasasyandārdraiḥ malayajarasasyandānmandamasya syandaḥ sravastadupalakṣitā yā ārdrā jalakliptavastraṃ tayā ārdāḥ klinnā ye aśokadaloccayāstaiḥ | punaśca kaiḥ kṛtvā | yuvatihṛdayaiḥ vanitānāṃ hṛdayāliṅganaiḥ | kathaṃbhūtaiḥ yuvatihṛdayaiḥ | hārottārastanaiḥ hāraiḥ uttārāḥ utkṛṣṭojjvalāḥ stanā yeṣu tāni tathā taiḥ | samuccayadīpakālaṃkāraḥ || bhāsvadityādi | asmin grīṣme etasmin gharmakāle deśāntaraṃ gacchan pumān mṛtiṃ pathatvaṃ gacchati | kathaṃbhūte grīṣme | bhāsvadbhāsvati tejakhī bhākhān śrīsūryo yasmin grīṣme sa bhāsvadbhākhān tasmin | punaḥ kathaṃbhūte | dāhavāhimaruti dāhavāhī - [Previous: 4.375](https://indike.org/pramana/in.jaina.post.kavya.yasastilaka!srutasagara.4.375) - [Next: 4.378](https://indike.org/pramana/in.jaina.post.kavya.yasastilaka!srutasagara.4.378) - [Up: 4](https://indike.org/pramana/in.jaina.post.kavya.yasastilaka!srutasagara.4) ## Linked texts (1) - [Yaśastilaka](https://indike.org/pramana/in.jaina.post.kavya.yasastilaka.4.377) — Somadevasūri, Sanskrit --- Source: [https://indike.org/pramana/in.jaina.post.kavya.yasastilaka!srutasagara.4.376](https://indike.org/pramana/in.jaina.post.kavya.yasastilaka!srutasagara.4.376) · Pramāṇa