[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [Post-canonical works (philosophy, yoga, karma theory, narrative, poetry, history)](https://indike.org/pramana/in.jaina.post) › [Poetry and campū by Jain authors](https://indike.org/pramana/in.jaina.post.kavya) › [Yaśastilaka](https://indike.org/pramana/in.jaina.post.kavya.yasastilaka) › [Yashastilakacandrika](https://indike.org/pramana/in.jaina.post.kavya.yasastilaka!srutasagara) › 4.383 # Yashastilaka 4.383 Yaśastilakacandrikā 4.383 - **Language:** Sanskrit ### [4.383](https://indike.org/pramana/in.jaina.post.kavya.yasastilaka!srutasagara.4.383) eva krokā yāsu tāḥ | punaḥ kathaṃbhūtāḥ | atanujaghanakūlāḥ atanūni mahānti jaghanānyeva kūlāni taṭāni yāsā tāḥ | puna. kathabhūtāḥ | cārulāvaṇyavāraḥ cārūṇi lāvaṇyāni kāntayo vārīṇi jalāni yāsu tāḥ | rūpakālaṃkāraḥ || ūruvyāsavaśenetyādi | he rājan, kheladabalā khelantī ramamāṇā abalā jaṅghādaghnajalā | jaṅghādaghnajalā sā kūlaṃkaṣā vāhinī kathamiti viruddha parihriyate | yataḥ kūlaṃkaṣā syaramandirapīḍāvatī tata eva jaṅghādaghnajalā jānuparyantaprāptaśukā iti mukhyam | kathaṃbhūtā kheladabalā | ūruvyāsavaśena manditarayā ūrvoḥ sakthnoḥ vyāsaḥ parasparasamelanaṃ tasya vaśena paravaśatvena manditarayā mandavegā | punaśca kathaṃbhūtā nitambasthalrai ruddhā nitambā eva sthalāni unnatayā tai ruddhā avaṣṭabdhā | punaḥ kathabhūtā | nābhīkandaradeśavārivalanavyālolaphenāvaliḥ nābhyeva kandaradeśo guhāsthāna tatra vārivalanena prasvedajalavyāptyā vyālolā viśeṣeṇa capalā phenāvaliḥ śukliḍiṇḍīrapiṇḍarājiryasyā sā | punaḥ kathaṃbhūtā | bāhūtpīḍanasaṃgalallaharikā bāhvorbhujayorutpīḍanena gāḍhamāliṅganena saṃgalantyaḥ samukhamāgacchantyo laharikāstvaksaṃkocekṣaṇavīcayo yasyā sā | punaḥ kathaṃbhūtā | pīnastanottambhitā pīnau pūrvoktalakṣaṇau yau stanau tābhyāmuttambhitā avaṣṭabdhā sā tathoktā | rūpakavirodhāṃlaṃkāraḥ || gambhīranābhītyādi | yā strīṇā taṭinī trivalīlakṣaṇā nadī gambhīranābhīvalabhipraveśāt agādhatundikātalādhāravaṃśapañjarasaṃcārād alpodakā abhūt | prasvedajalarahitā babhūvetyarthaḥ | sā taṭinī priyāparādhasravadaśrupūraiḥ priyasya aparādhaḥ priyāparādhaḥ bhartṛdoṣaḥ tasmāt sravanti kṣaranti yāni aśrūṇi teṣāṃ pūraiḥ nikāmaṃ punaḥ paścāt atibhṛtā abhūt | rūpakālaṃkāraḥ || - [Previous: 4.378](https://indike.org/pramana/in.jaina.post.kavya.yasastilaka!srutasagara.4.378) - [Next: 4.386](https://indike.org/pramana/in.jaina.post.kavya.yasastilaka!srutasagara.4.386) - [Up: 4](https://indike.org/pramana/in.jaina.post.kavya.yasastilaka!srutasagara.4) ## Linked texts (1) - [Yaśastilaka](https://indike.org/pramana/in.jaina.post.kavya.yasastilaka.4.382-383) — Somadevasūri, Sanskrit --- Source: [https://indike.org/pramana/in.jaina.post.kavya.yasastilaka!srutasagara.4.383](https://indike.org/pramana/in.jaina.post.kavya.yasastilaka!srutasagara.4.383) · Pramāṇa