[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [Post-canonical works (philosophy, yoga, karma theory, narrative, poetry, history)](https://indike.org/pramana/in.jaina.post) › [Poetry and campū by Jain authors](https://indike.org/pramana/in.jaina.post.kavya) › [Yaśastilaka](https://indike.org/pramana/in.jaina.post.kavya.yasastilaka) › [Yashastilakacandrika](https://indike.org/pramana/in.jaina.post.kavya.yasastilaka!srutasagara) › 4.388.2 # Yashastilaka 4.388.2 Yaśastilakacandrikā 4.388.2 - **Language:** Sanskrit ### [4.388.2](https://indike.org/pramana/in.jaina.post.kavya.yasastilaka!srutasagara.4.388.2) anyārthe bhāravoḍheva yathā bhāravoḍhā pumān anyārthe apareṣāṃ nimittaṃ bhāraṃ vahati svayaṃ tu kleśaṃ sahate tatsamāno jñātavyaḥ | upamālaṃkāraḥ || kadācit kasmiṃścidvasare ambhogharairmedhaiḥ kṛtvā prasavonmukhakāminīkucacūcukābhāsi nabhasi sati prasave prasūto unmukhā avasarantī yā kāminī strī tasyāḥ kucacūcukavat kṛṣṇavarṇatayā ābhā śobhā yasya nabhasastathoktaṃ tasmin | īdṛgvidhe nabhasi sati varṣartuśriyaṃ varṣākālalakṣmīṃ anubhavan bhuñjāno yāvat yāvatkālaṃ ahaṃ yaśodharaḥ sapramodaṃ saharṣe āsthānake tiṣṭhāmi sma tāvatkālaṃ sadhivigrahī yaśodharasya mahān dūtaḥ iti vijñāpya iti vijñāpanaṃ kṛtvā dūtaṃ śāsanahara prāveśayat praveśitavān | iti kriyākārakasabandhaḥ | kathaṃbhūtairambhogharaiḥ | viyalakṣmīkuntalakalāpakāntibhi viyalakṣmyāḥ kuntalakalāpaḥ keśasamūhastadvat kāntiḥ kṛṣṇatvaṃ yeṣāṃ te tathā taiḥ | punaḥ kathabhūtaiḥ | surasarinnīlikāvilāsahāsaiḥ surasaridākāśagaṅgā tasyā nīlikā śaivalaṃ tasyā vilāsairhasitāsaprasaraiḥ | punaḥ kathaṃbhūtaiḥ | tridivastrīnetrāñjanavirācibhi. tridivastrīṇā netrāṇā añjanavat virājibhiḥ virājanaśīlaiḥ | punaḥ kathaṃbhūtai. | amṛtakarakuraṅgalocanacchāyaiḥ amṛtakarakuraṅgasya locanayoriva āsamantāt chāyā kāntiryeṣā te tathā taiḥ | punaḥ kathaṃbhūtaiḥ | tapanaturagadūrvāṅkurasthalasṛṣṭibhi. tapanasya śrīsūryasya turagāsteṣā dūrvāṅkurā haritāṅkurāsteṣā sthalasṛṣṭayo yeṣu te tathā taiḥ | punaḥ kathaṃbhūtai. | - [Previous: 4.388.1](https://indike.org/pramana/in.jaina.post.kavya.yasastilaka!srutasagara.4.388.1) - [Next: 4.388.3](https://indike.org/pramana/in.jaina.post.kavya.yasastilaka!srutasagara.4.388.3) - [Up: 4.388](https://indike.org/pramana/in.jaina.post.kavya.yasastilaka!srutasagara.4.388) ## Linked texts (1) - [Yaśastilaka](https://indike.org/pramana/in.jaina.post.kavya.yasastilaka.4.389) — Somadevasūri, Sanskrit --- Source: [https://indike.org/pramana/in.jaina.post.kavya.yasastilaka!srutasagara.4.388.2](https://indike.org/pramana/in.jaina.post.kavya.yasastilaka!srutasagara.4.388.2) · Pramāṇa