[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [Post-canonical works (philosophy, yoga, karma theory, narrative, poetry, history)](https://indike.org/pramana/in.jaina.post) › [Poetry and campū by Jain authors](https://indike.org/pramana/in.jaina.post.kavya) › [Yaśastilaka](https://indike.org/pramana/in.jaina.post.kavya.yasastilaka) › [Yashastilakacandrika](https://indike.org/pramana/in.jaina.post.kavya.yasastilaka!srutasagara) › 4.388.3 # Yashastilaka 4.388.3 Yaśastilakacandrikā 4.388.3 - **Language:** Sanskrit ### [4.388.3](https://indike.org/pramana/in.jaina.post.kavya.yasastilaka!srutasagara.4.388.3) khardevatābhiṣekamarakatamayakalaśamaṇḍalāvalokaiḥ khardevatā svargadevatā tasyā abhiṣekāya ye marakatamayakalaśā harinmaṇinayaghaṭāsteṣā maṇḍalaḥ samūhastadvadavalokaḥ śobhā yeṣā te tathā taiḥ | punaḥ kathaṃbhūtaiḥ | vidyādharapurābhisārikāvijṛmbhaṇatimiravṛttibhiḥ vidyādharapurāṇā saṃbandhinyo yā abhisārikāḥ kāmukastriyaḥ | 'kāntārthinī tu yā yāti saketaṃ sābhisārikā' iti vacanāt | tāsā vijṛmbhaṇaṃ prasaraṇaṃ tannimittaṃ timirasyeva andhakārasyeva vṛttiryeṣā te tathā taiḥ | punaḥ kathaṃbhūtaiḥ | saiṃhikeyasainyasamasāhasavyavasāyaiḥ saiṃhikeyo vidhuṃtudastasya sainyasamaḥ sāhasavyavasāya udyamapravṛttiryeṣāṃ te tathā taiḥ | punaḥ kathaṃbhūtaiḥ | khecarīcaraṇacārācaritamecakamaṇikuṭṭimābhogabhaṅgibhiḥ khecarīcaraṇānāṃ cāraḥ sacaraṇaṃ tasmai ācaritā mecakamaṇīnāṃ kṛṣṇaratnānā kuṭṭimābhogavat baddhabhūmivistāravat bhaṅgī racanā yeṣā te tathā taiḥ | punaḥ kathaṃbhūtaiḥ | gaganacaramithunaratikelitamālakānanakamanīyaiḥ gaganacaramithunānā devavidyādharastrīpuruṣayugalānā ratikelaye saṃbhogakrīḍāniimattaṃ tamāla- kvānanavat kamanīyā ye te tathā taiḥ | punaḥ kathaṃbhūtaiḥ | amaravimānamahānīlādhiṣṭhānaliṃmpibhiḥ amaravimānānāṃ saṃbandhi yat mahānīlādhiṣṭhānaṃ kṛṣṇaratnapaṭalaṃ limpanti tiraskurvantītyevaṃśīlāste tathā taiḥ | punaḥ kathaṃbhūtaiḥ | ambarasaraḥprasaratapaṅkapeśalaprakāśaiḥ ambarasarasa ākāśasarovarasya prasarat vyāpnuvat yatpaṅkaṃ kardamastadvat peśalaḥ prakāśo dīptiryeṣāṃ te tathātaiḥ | punaḥ kathaṃbhūtaiḥ | - [Previous: 4.388.2](https://indike.org/pramana/in.jaina.post.kavya.yasastilaka!srutasagara.4.388.2) - [Next: 4.388.4](https://indike.org/pramana/in.jaina.post.kavya.yasastilaka!srutasagara.4.388.4) - [Up: 4.388](https://indike.org/pramana/in.jaina.post.kavya.yasastilaka!srutasagara.4.388) ## Linked texts (1) - [Yaśastilaka](https://indike.org/pramana/in.jaina.post.kavya.yasastilaka.4.389) — Somadevasūri, Sanskrit --- Source: [https://indike.org/pramana/in.jaina.post.kavya.yasastilaka!srutasagara.4.388.3](https://indike.org/pramana/in.jaina.post.kavya.yasastilaka!srutasagara.4.388.3) · Pramāṇa