[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [Post-canonical works (philosophy, yoga, karma theory, narrative, poetry, history)](https://indike.org/pramana/in.jaina.post) › [Poetry and campū by Jain authors](https://indike.org/pramana/in.jaina.post.kavya) › [Yaśastilaka](https://indike.org/pramana/in.jaina.post.kavya.yasastilaka) › [Yashastilakacandrika](https://indike.org/pramana/in.jaina.post.kavya.yasastilaka!srutasagara) › 4.388.4 # Yashastilaka 4.388.4 Yaśastilakacandrikā 4.388.4 - **Language:** Sanskrit ### [4.388.4](https://indike.org/pramana/in.jaina.post.kavya.yasastilaka!srutasagara.4.388.4) vyomagajagaṇḍamaṇḍanamadamanohāribhiḥ vyomākāśaṃ tadeva gajo hastī tasya gaṇḍau kaṭau tayormaṇḍanaṃ bhūṣaṇaṃ yo madastadvat mano harantītyevaṃśīlā ye te tathā taiḥ | punaḥ kathaṃbhūtaiḥ | viḍambitagāruḍopalaśailaśikharaśobhaiḥ viḍambitā tiraskṛtā gāruḍopalaśailasya nīlaparvatasya śikharasya śobhā yaiste tathā taiḥ | \[punaḥ kathaṃbhūtaiḥ | upahasitaśitikaṇṭhakaṇṭhadyutibhi.\] ......... ..........................................punaḥ kathaṃbhūtaiḥ| saṅkarṣaṇavasanavānātānasundaraiḥ saṃkarṣaṇasya balabhadrasya yadvasanaṃ tasya vānātānavat vananatananavat sundaraiḥ | punaḥ kathaṃbhūtaiḥ | dyusadanadīrghikāvikasitakuvalayavanavilasadbhiḥ dyusadanadīrghikāyāṃ vikasitaṃ yat kuvalayaṃ nīlotpalaṃ tadvat vilasantyullasantītyevaṃśīlāstaiḥ | punaḥ kathaṃbhūtaiḥ | anaṅganāraṇyaprarūḍhatāpicchagucchagahanāvagāhirāmaiḥ anaṅganamākāśa tadevāraṇyaṃ tatra prarūḍhāstāpicchāḥ kāhalikavṛkṣāsteṣāṃ gucchāḥ puṣpalmbayaḥ teṣāṃ gahanāni vanāni tadvat avagāhirāmaiḥ vyāpakamanoharaiḥ | punaḥ kathaṃbhūtaiḥ | avahelitaharidehadīptisaṃpattibhiḥ avahelitā tiraskṛtā harernārāyaṇasya dehasya dīptisaṃpattiḥ kṛṣṇakāntisaṃpat yaiste tathā taiḥ | punaḥ kathaṃbhūtaiḥ | śikhaṇḍitāṇḍavaprārambhapūrvaraṅgaiḥ śikhaṇḍināṃ mayūrāṇāṃ tāṇḍavaprārambhe nṛtyapūrvakāle pūrvaraṅgaiḥ prathamagaṅgasadṛśaiḥ | punaḥ kathaṃbhūtaiḥ | anaṅganagapallavollāsavyasanibhiḥ anaṅgaḥ kaṃdarpaḥ sa eva nago vṛkṣaḥ tasya pallavānāmullāse vyasanaṃ nirbandho vidyate yeṣāṃ taiḥ | punaḥ kathaṃbhūtaiḥ | - [Previous: 4.388.3](https://indike.org/pramana/in.jaina.post.kavya.yasastilaka!srutasagara.4.388.3) - [Next: 4.388.5](https://indike.org/pramana/in.jaina.post.kavya.yasastilaka!srutasagara.4.388.5) - [Up: 4.388](https://indike.org/pramana/in.jaina.post.kavya.yasastilaka!srutasagara.4.388) ## Linked texts (1) - [Yaśastilaka](https://indike.org/pramana/in.jaina.post.kavya.yasastilaka.4.389) — Somadevasūri, Sanskrit --- Source: [https://indike.org/pramana/in.jaina.post.kavya.yasastilaka!srutasagara.4.388.4](https://indike.org/pramana/in.jaina.post.kavya.yasastilaka!srutasagara.4.388.4) · Pramāṇa