[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [Post-canonical works (philosophy, yoga, karma theory, narrative, poetry, history)](https://indike.org/pramana/in.jaina.post) › [Poetry and campū by Jain authors](https://indike.org/pramana/in.jaina.post.kavya) › [Yaśastilaka](https://indike.org/pramana/in.jaina.post.kavya.yasastilaka) › [Yashastilakacandrika](https://indike.org/pramana/in.jaina.post.kavya.yasastilaka!srutasagara) › 4.388.7 # Yashastilaka 4.388.7 Yaśastilakacandrikā 4.388.7 - **Language:** Sanskrit ### [4.388.7](https://indike.org/pramana/in.jaina.post.kavya.yasastilaka!srutasagara.4.388.7) nidāghanivāpajalasarāveṣviva nidāgho grīṣmakāla sa tasya nivāpa mṛtasya vāraṭaka tasya sabandhiṣu jalasarāveṣviva udakavardhamāneṣviva | ‘pitṛdāna nivāpa syāt’ iti vacanāt | punaśca kāsu satīṣu | taḍitsu śatahradāsu satīṣu | kathambhūtāsu taḍitsu | jaladharodareṣu sphurantīṣu camatkurvatīṣu satīṣu | puna kathambhūtāsu | samudrasalilasahasevitaurvānalajvālāvabhāsinīṣviva samudrasalilaṃ saratkhanjalai sahasevitā āsvāditā yā aurvānalajvālā vaḍavā naladīptā tadvadābhāsate camatkurvantī yevaśīlāstāstviva | punaśca kasmin sati | vijigīṣuroke śatrūṇāṃ vijetumicchau loke sati | kathambhūte vijigīṣuroke | nivulārādhanadha nyadhanuṣi nivunānā dhanurbhakṣakāṇā ārādhanena dhanyāni kṛtāthāni dhanūṃṣi yasya sa nivulārādhanadhanyadhanustasmin | puna kathambhūte | smarapuraṃdarārpitacāpavyāpārabhāra iva smara kaṃdarpa sa eva puraṃdarastena dhārpito niyogīkṛtaścāpavyāpārabhāro yasya sa tathā tasmin | punaśca keṣu satsu | śākhiśikhodgamadeśeṣu śākhināṃ śikhā agrāṇi teṣāṃ udgamadeśeṣu utpādasthāneṣu | kathambhūteṣu śākhiśikhodgamadeśeṣu | killiñcasaṃcayocitacañcurocamānamaukulikulākuleṣu killiñcānā apeśalānāṃ rambhāvāhānāṃ saṃcayena saṃmaheṇa ucitā yogyā cañcavastuṇḍāgrāṇi tābhī rocamānā śobhamānā ye mauku laya bākārateṣāṃ ku samūhairākulā vyāptā ye śākhiśikhodgamadeśāste tathā teṣu | punaśca keṣu satsu | dharābhāgeṣu bhūmipradeśeṣu satsu | kathambhūteṣu dharābhāgeṣu | - [Previous: 4.388.6](https://indike.org/pramana/in.jaina.post.kavya.yasastilaka!srutasagara.4.388.6) - [Next: 4.388.8](https://indike.org/pramana/in.jaina.post.kavya.yasastilaka!srutasagara.4.388.8) - [Up: 4.388](https://indike.org/pramana/in.jaina.post.kavya.yasastilaka!srutasagara.4.388) ## Linked texts (1) - [Yaśastilaka](https://indike.org/pramana/in.jaina.post.kavya.yasastilaka.4.389) — Somadevasūri, Sanskrit --- Source: [https://indike.org/pramana/in.jaina.post.kavya.yasastilaka!srutasagara.4.388.7](https://indike.org/pramana/in.jaina.post.kavya.yasastilaka!srutasagara.4.388.7) · Pramāṇa