[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [Post-canonical works (philosophy, yoga, karma theory, narrative, poetry, history)](https://indike.org/pramana/in.jaina.post) › [Poetry and campū by Jain authors](https://indike.org/pramana/in.jaina.post.kavya) › [Yaśastilaka](https://indike.org/pramana/in.jaina.post.kavya.yasastilaka) › [Yashastilakacandrika](https://indike.org/pramana/in.jaina.post.kavya.yasastilaka!srutasagara) › 4.388.8 # Yashastilaka 4.388.8 Yaśastilakacandrikā 4.388.8 - **Language:** Sanskrit ### [4.388.8](https://indike.org/pramana/in.jaina.post.kavya.yasastilaka!srutasagara.4.388.8) nīrandhraśilindhrabandhureṣu nīrandhrāṇi avicchinnāni śilīndhrāṇi gomayacchatrākārāṇi tai bandhurā ye dharābhāgāste tathā teṣu | punaśca kasmin sati | kakupcakravāle sati diṅmaṇḍale sati | kathambhūte kakupcakravāle | lāṅgalīprasavapāṭalimadhāmani lāṅgalīnāṃ jalapippalīnāṃ phalikānāṃ prasavāḥ puṣpāṇi teṣāṃ pāṭalimnaḥ śvetaraktasya dhāma sthānaṃ yat kakupcakravālaṃ tathā tasmin | punaśca keṣu satsu | śiloccayaśilāntarālaparisareṣu śiloccayānāṃ śilānāṃ antarālānāṃ madhyānāṃ parisarāḥ paryantapradeśāḥ prāṅgāni teṣu satsu | kathaṃbhūteṣu śiloccayaśilāntarālaparisareṣu | yūthikāprasūnaparimalavilāsiṣu yūthikānāmaspaṣṭānāṃ prasūnānāṃ parimalānāṃ vilāso vidyate yeṣāṃ te tathā teṣu | punaśca kasmin sati | vaidūryaratnotpattihetuviddūrabhūdhare sati | kathaṃbhūte viddūrabhūdhare | ratnāṅkuraromāñcakañcukini ratnānāmaṅkurāsteṣāṃ romāñcakañcuko vidyate yasya sa tathā tasmin | punaśca keṣu satsu | gaṇḍaśaileṣu kṣudraparvateṣu satsu | kathaṃbhūteṣu gaṇḍaśaileṣu | girimallikāmukulamaṇḍitaśikhaṇḍeṣu girimallikāmukulaiḥ kuṭajakuḍmalairmaṇḍitāḥ śikhaṇḍāḥ śikharāṇi yeṣāṃ gaṇḍaśailānāṃ te tathā teṣu | punaśca kasmin sati | vasuṃdharāvasingleleye sati | kathaṃbhūte vasuṃdharāvasingleleye | suragopapracāraśoṇaśociṣi suragopānāṃ indravadhūṭikānāṃ kīṭaviśeṣāṇāṃ pracāreṇa prasareṇa śoṇāḥ kokanadaprabhāḥ śocī rocīryasya sa tathā tasmin | punaśca keṣu satsu | kutkīlakuñjeṣu kutkīlānāṃ parvatānāṃ kuñjāni latādipihitodarāṇi kutkīlakuñjāsteṣu satsu | kathaṃbhūteṣu kutkīlakuñjeṣu | - [Previous: 4.388.7](https://indike.org/pramana/in.jaina.post.kavya.yasastilaka!srutasagara.4.388.7) - [Next: 4.388.9](https://indike.org/pramana/in.jaina.post.kavya.yasastilaka!srutasagara.4.388.9) - [Up: 4.388](https://indike.org/pramana/in.jaina.post.kavya.yasastilaka!srutasagara.4.388) ## Linked texts (1) - [Yaśastilaka](https://indike.org/pramana/in.jaina.post.kavya.yasastilaka.4.389) — Somadevasūri, Sanskrit --- Source: [https://indike.org/pramana/in.jaina.post.kavya.yasastilaka!srutasagara.4.388.8](https://indike.org/pramana/in.jaina.post.kavya.yasastilaka!srutasagara.4.388.8) · Pramāṇa