[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [Post-canonical works (philosophy, yoga, karma theory, narrative, poetry, history)](https://indike.org/pramana/in.jaina.post) › [Poetry and campū by Jain authors](https://indike.org/pramana/in.jaina.post.kavya) › [Yaśastilaka](https://indike.org/pramana/in.jaina.post.kavya.yasastilaka) › [Yashastilakacandrika](https://indike.org/pramana/in.jaina.post.kavya.yasastilaka!srutasagara) › 4.423.2 # Yashastilaka 4.423.2 Yaśastilakacandrikā 4.423.2 - **Language:** Sanskrit ### [4.423.2](https://indike.org/pramana/in.jaina.post.kavya.yasastilaka!srutasagara.4.423.2) api cāsti kaścidviśeṣaḥ | svasiddhirityādi | svasiddhiḥ svasya atrāsira- balāderasiddhiḥ, paravṛddhirvā parasya yaśodharādeḥ vṛddhirvā | atha vā yaśodharasya asiddhiḥ, parasya acalasya vṛddhirvā | dūtagalagarjitene bhavati | yataste dūtā avadhavyājarūkarmāṇaḥ avadhyaṃ śastravyāpārarahitaṃ vyājakarma madhyasthakriyā yeṣāṃ te tathoktāḥ yatheṣṭataḥ yatheṣṭaṃ jalpanti bruvanti | na tu yudhyante na tu vigrahaṃ kurvanti yānti || saṃdhivigrahī rāmasya hanūmāniva dūtaḥ brūte-yathājñāpayati senāpatiryathā ādeśaṃ dadāti pratāpavardhanasenāpatiḥ | tathaiva mayā saṃdhivigrahiṇā kriyata ityarthaḥ | avadhārya ca samyagvicārya ca avadhānaṃ kṛtvā | kiṃ avadhārya | yathādiṣṭaṃ senāpatinā yathā āśātam | senāpate pratāpavardhana rājan, likhito'yaṃ lekhaḥ | tvayā śrūyatām | svasti | kalyāṇamaṅgalaśabdo'yam | śrīyaśodharamahārājaḥ acaḷamahīpatiṃ ādiśati | kathaṃbhūtaḥ śrīyaśodharamahārājaḥ | samastamahāsāmantaśikhaṇḍamaṇḍanībhavaccaraṇakamalaḥ samastānāṃ mahāsāmantānāṃ deśādhipatīnāṃ śikhaṇḍānāṃ mastakānāṃ maṇḍanībhavat bhūṣaṇībhavat caraṇakamalaṃ yasya sa tathoktaḥ | punaḥ kathaṃbhūtaḥ | kamalākarasarojasevyamānapādapallavaḥ kamalāyā lakṣmthāḥ karasya pāṇeḥ saṃbandhi yat sarojaṃ tena sevyamānaṃ pādapallavaṃ yasya sa tathoktaḥ | punaḥ kathaṃbhūtaḥ | - [Previous: 4.423.1](https://indike.org/pramana/in.jaina.post.kavya.yasastilaka!srutasagara.4.423.1) - [Next: 4.423.3](https://indike.org/pramana/in.jaina.post.kavya.yasastilaka!srutasagara.4.423.3) - [Up: 4.423](https://indike.org/pramana/in.jaina.post.kavya.yasastilaka!srutasagara.4.423) ## Linked texts (1) - [Yaśastilaka](https://indike.org/pramana/in.jaina.post.kavya.yasastilaka.4.424) — Somadevasūri, Sanskrit --- Source: [https://indike.org/pramana/in.jaina.post.kavya.yasastilaka!srutasagara.4.423.2](https://indike.org/pramana/in.jaina.post.kavya.yasastilaka!srutasagara.4.423.2) · Pramāṇa