[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [Post-canonical works (philosophy, yoga, karma theory, narrative, poetry, history)](https://indike.org/pramana/in.jaina.post) › [Poetry and campū by Jain authors](https://indike.org/pramana/in.jaina.post.kavya) › [Yaśastilaka](https://indike.org/pramana/in.jaina.post.kavya.yasastilaka) › [Yashastilakacandrika](https://indike.org/pramana/in.jaina.post.kavya.yasastilaka!srutasagara) › 4.438 # Yashastilaka 4.438 Yaśastilakacandrikā 4.438 - **Language:** Sanskrit ### [4.438](https://indike.org/pramana/in.jaina.post.kavya.yasastilaka!srutasagara.4.438) krodhāveśetyādi | he rājan, pāṃsururdhvaṃ gagane vyadhāvīt ucchalitaḥ | kathaṃbhūtaḥ pāṃsuḥ | krodhāveśapradhāvodbhaṭasubhaṭaghaṭāvirbhavanmūlabandhaḥ krodhāveśena kopasaṃkramaṇena pradhāvodbhaṭāḥ śīghragatimahāḍambarā ye subhaṭāsteṣāṃ ghaṭābhyo ghaṭanābhya āvirbhavan prakaṭībhavan mūlabandhaḥ prathamotthānaṃ yasya pāṃsoḥ sa tathoktaḥ | punaḥ kathaṃbhūtaḥ | tūrṇatvaṅgatturānānanapavanavaśāveśavistārasāraḥ tūrṇaṃ śīghraṃ tvaṅgantaścalanto ye turaṅgāsteṣāmānanānāṃ pavanavaśāveśena ucchvāsavātena vistārasāraḥ | aparaṃ kathaṃbhūtaḥ | āsīdatsyandanāmradhvajanibhṛtabharaḥ āsīdanta āgacchanto ye syandanāmradhvajā rathoparivaddhapatākāstairnibhṛto niścalaḥ preritumaśakyo bharaḥ samūho yasya pāṃsoḥ sa tathoktaḥ | puna. kathaṃbhūtaḥ | paryaṭatkuñjarendrasphāravyāpārakarṇāhativitataśikhaḥ paryaṭanto gacchanto ye kuñjarendrā gajanāyāsteṣāṃ sphāravyāpārā pracurapravṛttiryā karṇāhatiḥ śravaṇatāḍanaṃ tayā vitatā vistīrṇā śikhā agrāṇi yasya pāṃso. sa tathokta. | arthavyaktirayaṃ guṇaḥ || tiraskṛtyaivaitadityādi | he rājan, tadanu tadanantaraṃ sa pāṃsu rudhiraiḥ kṛtvā mūlocchinno'bhūt mūlādapi chedito babhūva | kathaṃbhūtai rudhiraiḥ | rāgirucibhiḥ | punaḥ kathaṃbhūtaiḥ | ityetasmāt kāraṇāt prāptāmarṣaiḥ prāptakrodhai. | kathaṃbhūtaiḥ | subhaṭahṛdayāvāsajananaḥ subhaṭānāṃ hṛdayebhyo'vāsaṃ prāptaṃ jananaṃ janma yaistāni taiḥ | itīti kim | pāṃsuḥ svargastrīṇāṃ kathaṃ malinitamukho'bhavadvabhūva | kiṃ kṛtvā | pūrvaṃ etadakhilaṃ bhuvanaṃ mṛtyulokaṃ tiraskṛtyaiva | adhaḥkṛtyaiva | 'eve cāniyoge' iti vacanāt na pūrvalopaḥ | kathaṃbhūtaḥ pāṃsuḥ | jātarabhasaḥ | sajātavegaḥ | heturayamalaṃkāraḥ || yatra ca yasmin saṃgrāme | ākṛṣṭetyādi | ayaṃ pratyakṣībhūtaḥ pātaḥ syandanaḥ khe ā- - [Previous: 4.435.5](https://indike.org/pramana/in.jaina.post.kavya.yasastilaka!srutasagara.4.435.5) - [Next: 4.440](https://indike.org/pramana/in.jaina.post.kavya.yasastilaka!srutasagara.4.440) - [Up: 4](https://indike.org/pramana/in.jaina.post.kavya.yasastilaka!srutasagara.4) ## Linked texts (1) - [Yaśastilaka](https://indike.org/pramana/in.jaina.post.kavya.yasastilaka.4.438) — Somadevasūri, Sanskrit --- Source: [https://indike.org/pramana/in.jaina.post.kavya.yasastilaka!srutasagara.4.438](https://indike.org/pramana/in.jaina.post.kavya.yasastilaka!srutasagara.4.438) · Pramāṇa