[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [Post-canonical works (philosophy, yoga, karma theory, narrative, poetry, history)](https://indike.org/pramana/in.jaina.post) › [Poetry and campū by Jain authors](https://indike.org/pramana/in.jaina.post.kavya) › [Yaśastilaka](https://indike.org/pramana/in.jaina.post.kavya.yasastilaka) › [Yashastilakacandrika](https://indike.org/pramana/in.jaina.post.kavya.yasastilaka!srutasagara) › 4.75 # Yashastilaka 4.75 Yaśastilakacandrikā 4.75 - **Language:** Sanskrit ### [4.75](https://indike.org/pramana/in.jaina.post.kavya.yasastilaka!srutasagara.4.75) adātṛṣviva | yathā kṛpaṇā vayametadānaṃ dāsyāma iti paryālocayanti para na dadati | upamālaṃkāra || svadeśa ityādi | he rājan, bhūbhujāṃ narendrāṇāṃ sva deśo yasya svadeśa paro deśo yasya sa paradeśa vāthavā mantrī bhavatu saciva sajāyatām | prārabdhakāryanirvāhasukhasiddhyā prayojanam prārabdha yatkāryaṃ tasya nirvāhī yatsukhaṃ tasya siddhi prāpti prārabdhakāryanirvāhasukhasiddhi tayā prayojanaṃ artho vartate | arthāntaranyāsālaṃkāra || duḥkhāyetyādi | he rājan, dehajo nijaśarīrotpanno'pi vyādhī rogo duḥkhāya bhavati | vanajauṣadhiraraṇyodbhavauṣadhirmūlādikaṃ sukhāya bhavati duḥkha spheṭayitvā sukhaṃ karoti | puṃsāṃ puruṣāṇāṃ guṇā upakārā kāryakṛta kāryakāriṇo bhavanti kāryamāyānti | svaparakriyā svakīyaparakīyavicāraṇā bhojane bhavanti muktipaṅkau bhavanti | dṛṣṭāntālaṃkāra || mantrayuddhetyādi | he nṛpa, mantrayuddhāśritaśrīṇāṃ puruṣāṇāṃ mantrayuddhena āśritā śriyo yaṣā te mantrayuddhāśritaśriyasteṣāṃ nṛpāṇāṃ śastrayuddhena āyudhayuddhena kiṃ phalam | na. kimapi phalam | nāmeti saṃbhāvanāyām | ka sudhī ko vidvān śailaṃ āroheccaḍhati | kathaṃbhūta | arke mandāravṛkṣe labdhamadhu prāptakṣaudra | api tu na kaścicchailamārohet | ākṣepālaṃkāra, dṛṣṭāntaśca || akṛtvetyādi | yo nṛpo nijadeśasya rakṣāmakṛtvā vijigīṣate apara deśaṃ grahītumicchati sa nṛpa paridhānena antarīyavastreṇa vṛttamauli veṣṭitamastaka pumāniva puruṣasadṛśo bhavati guhyasthānamudghāṭitaṃ karoti mastaka sadṛṇoti tatsadṛśa | upamālaṃkāra || narasyetyādi | upāyamūḍhasya narasya sāmadānabhedadaṇḍalakṣaṇa caturupāyānabhijñasya - [Previous: 4.70](https://indike.org/pramana/in.jaina.post.kavya.yasastilaka!srutasagara.4.70) - [Next: 4.76](https://indike.org/pramana/in.jaina.post.kavya.yasastilaka!srutasagara.4.76) - [Up: 4](https://indike.org/pramana/in.jaina.post.kavya.yasastilaka!srutasagara.4) ## Linked texts (1) - [Yaśastilaka](https://indike.org/pramana/in.jaina.post.kavya.yasastilaka.4.73) — Somadevasūri, Sanskrit --- Source: [https://indike.org/pramana/in.jaina.post.kavya.yasastilaka!srutasagara.4.75](https://indike.org/pramana/in.jaina.post.kavya.yasastilaka!srutasagara.4.75) · Pramāṇa