[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [Post-canonical works (philosophy, yoga, karma theory, narrative, poetry, history)](https://indike.org/pramana/in.jaina.post) › [Poetry and campū by Jain authors](https://indike.org/pramana/in.jaina.post.kavya) › [Yashastilaka](https://indike.org/pramana/in.jaina.post.kavya.yasastilaka) › 3.9-142 # Yashastilaka 3.9-142 Yaśastilaka 3.9-142 - **Language:** Sanskrit ### [3.112](https://indike.org/pramana/in.jaina.post.kavya.yasastilaka.3.112) dattodaye'rthanicaye hṛdaye svakārye sarvaḥ samāhitamatiḥ purataḥ samāste jāte tvapāyasamaye'mbupatau patatreḥ potādiva drutavataḥ śaraṇaṃ na te'sti ### [3.115](https://indike.org/pramana/in.jaina.post.kavya.yasastilaka.3.115) śailūṣayoṣidiva saṃsṛtiretameṣā nānā viḍambayati citrakaraiḥ prapañcaiḥ ### [3.116](https://indike.org/pramana/in.jaina.post.kavya.yasastilaka.3.116) daivāddhaneṣvadhigateṣu paṭurna kāyaḥ kāye paṭau na punarāyukhyāptavittam itthaṃ parasparahatātmabhirātmadharmairlokaṃ suduḥkhayati janmakaraḥ prabandhaḥ ### [3.117](https://indike.org/pramana/in.jaina.post.kavya.yasastilaka.3.117) āstāṃ bhavāntaravidhau suviparyayo'yamatraiva janmani nṛṇāmadharoccabhāvaḥ alpaḥ pṛthuḥ pṛthurapi kṣaṇato'lpa eva svāmī bhavatyanucaraḥ sa ca tatpadārhaḥ ### [3.118](https://indike.org/pramana/in.jaina.post.kavya.yasastilaka.3.118) vaicitryamityamanubhūya bhavāmburāśerātaṅgavāḍavaviḍambitajantuvāreḥ ko nāma janmaviṣapādapapuṣpakalpaiḥ svaṃ mohayenmṛgadṛśāṃ kṛtadhīḥ kaṭākṣaiḥ ### [3.119](https://indike.org/pramana/in.jaina.post.kavya.yasastilaka.3.119) ekastvamāviśasi janmani saṃkṣaye ca bhoktuṃ svayaṃ svakṛtakarmaphalānubandham anyo na jātu sukhaduḥkhavidhau sahāyaḥ svājīvanāya militaṃ viṭapeṭakaṃ te ### [3.120](https://indike.org/pramana/in.jaina.post.kavya.yasastilaka.3.120) bāhyaḥ parigrahavidhistava dūramāstāṃ deho'yameti na samaṃ sahasaṃbhavo'pi kiṃ tāmyasi tvamaniśaṃ kṣaṇadṛṣṭanaṣṭairdārātmajadraviṇamandiramohapāśaiḥ ### [3.121](https://indike.org/pramana/in.jaina.post.kavya.yasastilaka.3.121) saṃśocya śokavivaśo divasa tamakemanyedyurādaraparaḥ svajanastavārthe kāyo'pi bhasma bhavati pracayāccitāgneḥ saṃsārayantraghaṭikāghaṭane tvamekaḥ ### [3.122](https://indike.org/pramana/in.jaina.post.kavya.yasastilaka.3.122) eṣa svayaṃ tamacalairnanu karmajālairlṛteva veṣṭayati naṣṭamatiḥ svamekaḥ puṇyātpunaḥ praśamatantukṛtāvasambastaddhāma dhāvati vidhūtasamastabādham ### [3.127](https://indike.org/pramana/in.jaina.post.kavya.yasastilaka.3.127) ādhīyate yadiha vastu guṇāya kāntaṃ kāye tadeva muhuretya pavitrabhāvam chāyāpratāritamatirmalarandhrabandhaṃ kiṃ jīva lālayasi bhaṅgurametadaṅgam ### [3.128](https://indike.org/pramana/in.jaina.post.kavya.yasastilaka.3.128) yoṣidbhiirāhṛtakaraṃ kṛtamaṇḍanaśrīryaḥ kāmacāmararucistava keśapāśaḥ so'yaṃ tvayi śravaṇagocaratāṃ prayāte pretāvanīṣu vanavāyasavāsago'bhūt ### [3.129](https://indike.org/pramana/in.jaina.post.kavya.yasastilaka.3.129) antarbahiryadi bhavedvapuṣaḥ śarīraṃ daivāttadānubhavane nanu dūramāstām kautūhalādapi yadiekṣitumutsaheta kuryāttadābhiratimatra bhavāñśarīre ### [3.130](https://indike.org/pramana/in.jaina.post.kavya.yasastilaka.3.130) tasmānnisargamalinādapi labdhatattvāḥ kīnāśakelimanavāptadhiyo'cirāya kāyādataḥ kimapi tatphalamarjayantu yasmādanantasukhasasyavibhūtireṣā ### [3.131](https://indike.org/pramana/in.jaina.post.kavya.yasastilaka.3.131) antaḥkaṣāyakaluṣo'śubhayogasaṅgātkarmāpyupārjayasi bandhanivandhanāni rajjūḥ kareṇuvaśagaḥ karaṭī yathaitāstvaṃ jīva muñca tadimāni durīhitāni ### [3.132](https://indike.org/pramana/in.jaina.post.kavya.yasastilaka.3.132) saṃkalpakalpatarusaṃśrayaṇāttvadīyaṃ ceto nimajjati manorathasāgare'smin tatrārthatastava cakāsti na kiṃcanāpi pakṣe paraṃ bhavasi kalmaṣasaṃśrayasya ### [3.133](https://indike.org/pramana/in.jaina.post.kavya.yasastilaka.3.133) serṣyaṃ vibhūtiṣu manīṣitasaṃśrayāṇāṃ cakṣurbhavettava nijārtiṣu moghavāñcham pāpāgamāya parameva bhavedvimūḍha kāmātkutaḥ sukṛtadūravatāṃ hitāni ### [3.134](https://indike.org/pramana/in.jaina.post.kavya.yasastilaka.3.134) daurvidhyadagdhamanaso'ntarupāttabhukteścittaṃ yathollasati te sphuritottaraṅgam dhāmni sphuredyadi tathā paramātmasañjñe kautaskutī tava bhavenniphalā prasūti ### [3.135](https://indike.org/pramana/in.jaina.post.kavya.yasastilaka.3.135) āgacchato'bhinavakārmmaṇareṇurāśerjīva karoti yadavaskhalana vitandraḥ saitattvacāmaradharaiḥ praṇidhānahastai santo vidustamiha savaramātmanīnam ### [3.136](https://indike.org/pramana/in.jaina.post.kavya.yasastilaka.3.136) yastvā vicintayati sacarate vicāraiścārvīṃ cinoti parimuñcati caṇḍabhāvam ceto nikuñcati samañcati vṛttamuccai sa kṣetranātha niruṇaddhi kṛtī rajāsi ### [3.137](https://indike.org/pramana/in.jaina.post.kavya.yasastilaka.3.137) nīrandhrasaṃdhiravadhīritanīrapūraḥ potaḥ saritpatimupaiti yathānapāyaḥ jīvastathā kṣapitapūrvatapaḥpratānaḥ kṣīṇāśravaśca paramaṃ padamāśrayeta ### [3.138](https://indike.org/pramana/in.jaina.post.kavya.yasastilaka.3.138) madhyādharordhvaracanaḥ pavanatrayāntastulyaḥ sthitena jaghanasthakareṇa puṃsā ekasthitistava niketanameṣa lokasrasyatprakīrṇajaṭharo'graniṣaṇṇamokṣaḥ ### [3.139](https://indike.org/pramana/in.jaina.post.kavya.yasastilaka.3.139) kartā na tāvadiha ko'pi dhiyecchayā vā dṛṣṭo'nyathā kaṭakṛtāvapi sa prasaṅgaḥ kāryaṃ kimatra sadanādiṣu takṣakādyairāhṛtya cettribhuvanaṃ puruṣaḥ karoti ### [3.140](https://indike.org/pramana/in.jaina.post.kavya.yasastilaka.3.140) tvaṃ kalmaṣāvṛtamatirniraye tiraści puṇyocito divi nṛṣu dvayakarmayogāt itthaṃ niṣīdasi jagattrayamandire'sminsvairaṃ pracāravidhaye tava loka eṣaḥ ### [3.141](https://indike.org/pramana/in.jaina.post.kavya.yasastilaka.3.141) atrāsti jīva na ca kiṃcidabhuktamuktaṃ sthānaṃ tvayā nikhilataḥ pariśīlanena tatkevala vigalitākhilakarmajālaṃ spṛṣṭa kutūhaladhiyāpi na jātu dhāma ### [3.9](https://indike.org/pramana/in.jaina.post.kavya.yasastilaka.3.9) iti lokānuprekṣā ### [3.142](https://indike.org/pramana/in.jaina.post.kavya.yasastilaka.3.142) āpātaramyaracanairvirasāvasānairjanmodbhavai sukhalavai skhalitāntaraṅga du khānuṣaṅkakaramarjitavānyadenastattva sahasva hatajīva navaprayātam ### [3.10](https://indike.org/pramana/in.jaina.post.kavya.yasastilaka.3.10) iti nirjarānuprekṣā ### [3.11](https://indike.org/pramana/in.jaina.post.kavya.yasastilaka.3.11) iti dharmānuprekṣā ### [3.12](https://indike.org/pramana/in.jaina.post.kavya.yasastilaka.3.12) iti bodhyanuprekṣā ## Commentaries (2) - [Śrutasāragani](https://indike.org/pramana/in.jaina.post.kavya.yasastilaka!srutasaragani.6.138) — Sanskrit - [Yaśastilakacandrikā](https://indike.org/pramana/in.jaina.post.kavya.yasastilaka!srutasagara) — Śrutasāgara, Sanskrit ## Linked texts (1) - [Padyaracanā](https://indike.org/pramana/in.lit.subhasita.subhasita.padyaracana.14.46) — Lakṣmaṇasūri, Sanskrit --- Source: [https://indike.org/pramana/in.jaina.post.kavya.yasastilaka.3.9-142](https://indike.org/pramana/in.jaina.post.kavya.yasastilaka.3.9-142) · Pramāṇa