[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [Post-canonical works (philosophy, yoga, karma theory, narrative, poetry, history)](https://indike.org/pramana/in.jaina.post) › [Poetry and campū by Jain authors](https://indike.org/pramana/in.jaina.post.kavya) › [Yashastilaka](https://indike.org/pramana/in.jaina.post.kavya.yasastilaka) › 4.245 # Yashastilaka 4.245 Yaśastilaka 4.245 - **Language:** Sanskrit ### [4.245](https://indike.org/pramana/in.jaina.post.kavya.yasastilaka.4.245) itaśca paryantakharvitakuntalatayārdhamuṣṭimitamastakamadhyakeśam, atipralambaśravaṇadeśadolāyamānasphārasuvarṇakarṇikākiraṇakoṭikamanīyamukhamaṇḍalatayā kapolasthalīparikalpitapraphullakarṇikārakānanamiva, samutkarpitasrukacivukajaṅghāgrabhāgaromalomaśam, aharahaḥpramārjitadaśanaprakāśapeśalavadanatayā pradrśitasvakīyayaśaḥprasūtikṣetramiva, anaṅgamrahapariveṣavartuladantakṣatakṣapitabhujaśikharam, anavaratakṣaratkṣapārasarāgaraktaśitiśarīratayā kañjakiñjalkakaluṣakālindīkallolakulamiva, māyūrabarhātapatraprabhāśyāmikāsaṃpāditagaganagāruḍopalakuṭṭimacchāyam, daradadravāpāṭalaphalakāntikuṭilakaṭitaṭollāsalālasakaram, saṃdhyābhragarbhaviśrāntābhriyasaṃdarbhanirbharaṃ nabha iva, deva, idamanekadòlikāvilaṃ drāmilaṃ balam itaścottaptakāñcanakāntakāyaparikaram, karojjṛmbhitakartarīkaṇayakṛpāṇaprāsapaṭṭiśabāṇāsanam, āsanaviśeṣavaśātividrutamitadravakhurakṣobhitakumbhinībhāgam, bhāgabhāgārpitānekavarṇavasanaveṣṭitoṣṇīṣam, anavadhiprakāraprasavastabakacumbitaśikham, vijayaśrīnivāsavanamivedaṃ deva, turagavegavarṇanodīrṇaṃ yathāyathakathamottarapathaṃ balam itaśca jayalakṣmīvakṣojamukhamaṇḍalaśyāmaśarīraprabhāpaṭalakuvalayitanabhaḥsarobhirdravaddānāāsavāsārasaurabhāgamagaṇḍūṣitāśeṣadigvilāsinīvadanaiḥ kadalānavisāridhārākaranikarataraṅgitagaganabhāgam, āhavaikānurāgaṃ deva, ida jalayuddhabaddhakriyāviśepāsaktaṃ tairabhuktaṃ balam itaścājānulambamānanivasanam, māhiṣaviṣāṇaghaṭitamuṣṭikaṭārakotkaṭakaṭībhāgam, nirantaraghanadīrghadehalomakalāpakalpitasarvāṅgīṇakaṅkaṭam, adhastiryakprabandhapravṛddhakūrcakeśatayā kriyānumeyanābhimāsānayanaśravaṇadeśam, ubhayāṃsottambhitabhūrimallatayā triśironiśācarānīkamiva, laghudṛḍhaduṣkaradūralakṣyādipātādipāṭavāpahasitakṛpakṛpadharmakarṇārjunadroṇadrupadabhārgavam, dhṛtādhijyājakāca deva, idaṃ gaurjaraṃ balam evametānyaparāṇyapi himālayamalayamagadhamadhyadeśamāhiṣmatīpatiprabhṛtīnāmavanīpatīnāṃ balāni devasya vijayayātrodyogamākarṇyāgatāni paśyeti balādhikṛtīnāṃ vijñaptīraśṛṇavam śūro'rthaśāstranipuṇaḥ kṛtaśastrakarmā saṃgrāmakelicaturaścaturaṅgayuktaḥ bharturnideśavaśago'bhimataḥ svatantre senāpatirnarapatervijayāgamāya - [Previous: 4.244](https://indike.org/pramana/in.jaina.post.kavya.yasastilaka.4.244) - [Next: 4.246](https://indike.org/pramana/in.jaina.post.kavya.yasastilaka.4.246) - [Up: 4](https://indike.org/pramana/in.jaina.post.kavya.yasastilaka.4) ## Commentaries (2) - [Śrutasāragani](https://indike.org/pramana/in.jaina.post.kavya.yasastilaka!srutasaragani.7.244.2) — Sanskrit - [Yaśastilakacandrikā](https://indike.org/pramana/in.jaina.post.kavya.yasastilaka!srutasagara) — Śrutasāgara, Sanskrit ## Linked texts (2) - [Subhāṣitaratnabhāṇḍāgāra](https://indike.org/pramana/in.lit.subhasita.subhasita.adhunika.subhasitaratnabhandagara.3.26.34) — Kāśīnātha Pāṇḍuraṅga Paraba 1886, Sanskrit - [Śārṅgadharapaddhati](https://indike.org/pramana/in.lit.subhasita.subhasita.kosa.sarngadharapaddhati.72.58) — Śārṅgadhara, Sanskrit --- Source: [https://indike.org/pramana/in.jaina.post.kavya.yasastilaka.4.245](https://indike.org/pramana/in.jaina.post.kavya.yasastilaka.4.245) · Pramāṇa