[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [Post-canonical works (philosophy, yoga, karma theory, narrative, poetry, history)](https://indike.org/pramana/in.jaina.post) › [Poetry and campū by Jain authors](https://indike.org/pramana/in.jaina.post.kavya) › [Yashastilaka](https://indike.org/pramana/in.jaina.post.kavya.yasastilaka) › 4.283 # Yashastilaka 4.283 Yaśastilaka 4.283 - **Language:** Sanskrit ### [4.283](https://indike.org/pramana/in.jaina.post.kavya.yasastilaka.4.283) evaṃ sthāpanāyā yathāsthānaṃ gātrāparakaranayanaśravaṇabāladeśaniveśeṣu kuśala, samasamāhitani spandasarvadeśapeśala, samunmiṣatpūrvajanmābhyastakriyākalāpanaipuṇya, damakalokopadiṣṭamānavinayagrahaṇapravaṇa, niṣpannayogīvāvagaṇitopāntāhitakāntavastujāta, mahāmuniriva ruciretarāhārāmyavaharaṇasuprasannasvānta, prātiśīna ivāvadhīritābhayagandhasambandha, divyacakṣurivāvitarkitavikṛtaprākṛtasāmājikasāṃgrāmikālaṃkārakalitasamastasattvaprabandha, sannaśrotra iva mṛdaṅgānakaśaṅkhaśvelitakāhalādikolāhalāvipralabdhabodha, timirivopāmarśanāvakṣodanatodanādibādhāsaṃbādhakṣāntaśarīrasaudha, atinibhṛtasamastāṅgatayā mahāmahīdhara iva śailāṭanitaṭīṭaṅkaghaṭita, ceṣṭitāvasara iva, lepavinirmitāvatāra iva, medinīmadhyānnirūḍha iva ca prarūḍhajanamanovikalpa, dvipa he he hala, divyasāmaja, mātrāśataṃ tiṣṭha tiṣṭha samaṃ sthitvā gātrairacalitavapuḥ sūcchritaśirā mukhaṃ kharvāṅga tvaṃ śrutiyugamidaṃ harṣaya gaja urasto nirgatya sthitamiva karaṃ dhāraya puraḥ kurullolaṃ vālaṃ vihitasamavasthāpanavidhiḥ - [Previous: 4.282](https://indike.org/pramana/in.jaina.post.kavya.yasastilaka.4.282) - [Next: 4.284](https://indike.org/pramana/in.jaina.post.kavya.yasastilaka.4.284) - [Up: 4](https://indike.org/pramana/in.jaina.post.kavya.yasastilaka.4) ## Commentaries (1) - [Yaśastilakacandrikā](https://indike.org/pramana/in.jaina.post.kavya.yasastilaka!srutasagara.4.282) — Śrutasāgara, Sanskrit --- Source: [https://indike.org/pramana/in.jaina.post.kavya.yasastilaka.4.283](https://indike.org/pramana/in.jaina.post.kavya.yasastilaka.4.283) · Pramāṇa