[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [Post-canonical works (philosophy, yoga, karma theory, narrative, poetry, history)](https://indike.org/pramana/in.jaina.post) › [Poetry and campū by Jain authors](https://indike.org/pramana/in.jaina.post.kavya) › [Yashastilaka](https://indike.org/pramana/in.jaina.post.kavya.yasastilaka) › 4.284 # Yashastilaka 4.284 Yaśastilaka 4.284 - **Language:** Sanskrit ### [4.284](https://indike.org/pramana/in.jaina.post.kavya.yasastilaka.4.284) evamurovinirgataḥ puraḥprotkūṇitāgrahastatayā prahṛṣṭakarṇatayā ca vārāhīmākṛti mānītanijadehavṛtta, gajaitihyakuśalopadiśyamānadamyādikarmāvahitacitta, prājāpatyaindraraudrakauberavāruṇakaumārayāmyasaumyavāyavyāgneyavaiṣṇavāśvibhagasūryadevateṣu kariṣu anyatamasaṃbandhilakṣaṇopeta, pṛthivyaptejasāmekatamacchāyāsameta, aṣṭādaśakriyādhāra, tatkarmaniṣṇātatayā vidita, caturastrīkṛtakṣāntadāntayodhavinītasarvajñādināmaprakāra, mahābalapracaṇḍa, sakalasapatnoraḥpurakapāṭasphoṭanāśanidaṇḍa, paracakramardanakara, gajabandhudharādhīśavidhurabāndhavadhura, sindhura, he he hala, divyasāmaja, mātrāśataṃ tiṣṭha tiṣṭha gātrāṇāṃ samatāṃ kuru pratihara tvaṃ hastamuccaiḥśirāḥ khervyāsyaṃ śruticālaharṣaṇaparaḥ paścānniṣīdārdhataḥ vaśaṃ ninnaya nirbhujorasi tataḥ protphullanetradvayaḥ siṃhasthāpanayā yuto bhava karinnutsitsusiṃhopama - [Previous: 4.283](https://indike.org/pramana/in.jaina.post.kavya.yasastilaka.4.283) - [Next: 4.285](https://indike.org/pramana/in.jaina.post.kavya.yasastilaka.4.285) - [Up: 4](https://indike.org/pramana/in.jaina.post.kavya.yasastilaka.4) ## Commentaries (1) - [Yaśastilakacandrikā](https://indike.org/pramana/in.jaina.post.kavya.yasastilaka!srutasagara.4.283.1) — Śrutasāgara, Sanskrit --- Source: [https://indike.org/pramana/in.jaina.post.kavya.yasastilaka.4.284](https://indike.org/pramana/in.jaina.post.kavya.yasastilaka.4.284) · Pramāṇa