[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [Post-canonical works (philosophy, yoga, karma theory, narrative, poetry, history)](https://indike.org/pramana/in.jaina.post) › [Poetry and campū by Jain authors](https://indike.org/pramana/in.jaina.post.kavya) › [Yashastilaka](https://indike.org/pramana/in.jaina.post.kavya.yasastilaka) › 4.437 # Yashastilaka 4.437 Yaśastilaka 4.437 - **Language:** Sanskrit ### [4.437](https://indike.org/pramana/in.jaina.post.kavya.yasastilaka.4.437) iti paṭhati bandibṛndārakabṛnde, praviśya prauḍhamadopāyāṃ niśi pratyakṣatārkṣya-nāmā heriko māmevaṃ vyajijñapat—'deva, vijayavardhanasenāpativijayena vardhase | punaśca śuṇḍālairghanaghasmarairajagavairindrāyudhaspardhibhiḥ kuntaiḥ kaitakapatrapaddhatidharaiḥ khaṅgaistaḍiḍḍambaraiḥ kuñjāsu ruñjāsu, jayantīṣu vidviṣṭakaṭakaceṣṭitaluṇṭāsu jayaghaṇṭāsu, gāyatsu veṇuvīṇājhallarīdhvanisamānatāneṣu gāyaneṣu, udāharatsu mantrāśīrvādanipuṇoccāraṇeṣu brāhmaṇeṣu, paṭhatsu samarotsukavīrapuruṣahṛdayānandiṣu vandiṣu, tvaramāṇeṣu saṃpāditadadhidūrvācandaneṣu nṛpatinandaneṣu, pracalatsu buhudārdhacandrādarśanibiḍaguḍoḍḍāmaraḍāmaritabhuvanābhogeṣu nāgeṣu, pradhāvamāneṣu pravegakhurakharamukhārabdhamedinīvādanavirājiṣu vājiṣu, saṃcaratsu cakradhārābharāśubhrabhogivadaneṣu syandaneṣu, prasarpatsu saṃgrāmānurāganirbharakramākrāntiṣu padātiṣu, dṛṣyamāneṣu cāpalālanotsāritasuravimānasam̐vādheṣu yodheṣu, saṃnidadhānāsu tumulakolāhalālokanonyattagatiṣu nabhaścarasamitiṣu, āsīdatsu gaganagativegaśramaśvāsasphuritādhareṣu vidyādhareṣu, naṭati kṛtakalahadohadāhlādanāde nārade, saṃjāyamāne navīnavaravaraṇotkaṇṭhitamanasi devadārikāsadasi, samucchalati vidhūsaritāmarīkuntalābhoga parāge, krodhāveśapradhāvodbhaṭasubhaṭaghaṭāvirbhavanmūlabandhastūtvāṅgatturānānanapavanavaśāveśavistārasāraḥ āsīdatsyandanāmadhvajanibhṛtabharaḥ paryaṭatkuñjarendrasphāravyāpārakarṇāhativitataśikhaḥ pāṃsurūdhvaṃ vyadhāvīt - [Previous: 4.435](https://indike.org/pramana/in.jaina.post.kavya.yasastilaka.4.435) - [Next: 4.438](https://indike.org/pramana/in.jaina.post.kavya.yasastilaka.4.438) - [Up: 4](https://indike.org/pramana/in.jaina.post.kavya.yasastilaka.4) ## Commentaries (1) - [Yaśastilakacandrikā](https://indike.org/pramana/in.jaina.post.kavya.yasastilaka!srutasagara.4.435.2) — Śrutasāgara, Sanskrit --- Source: [https://indike.org/pramana/in.jaina.post.kavya.yasastilaka.4.437](https://indike.org/pramana/in.jaina.post.kavya.yasastilaka.4.437) · Pramāṇa