[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [Post-canonical works (philosophy, yoga, karma theory, narrative, poetry, history)](https://indike.org/pramana/in.jaina.post) › [Poetry and campū by Jain authors](https://indike.org/pramana/in.jaina.post.kavya) › [Yashastilaka](https://indike.org/pramana/in.jaina.post.kavya.yasastilaka) › 4.442 # Yashastilaka 4.442 Yaśastilaka 4.442 - **Language:** Sanskrit ### [4.442](https://indike.org/pramana/in.jaina.post.kavya.yasastilaka.4.442) tatra dvipuṣkarakaranālāsarālavetālakulanipīyamānaśoṇitāsave mahāhave deva, svayameva vijayavardhanasenāpatinā skhalitavalo'calaḥ kṛtamṛgāyitamatirvihitaraṇaraṅgāpasṛtirvighaṭitavidviṣṭakaraṭaghaṭairbhavadanīkasubhaṭairdhṛtaḥ samānītaśca svakīyasainyajanyajayākarṇanodgadromāñcasphuṭadvīravadhūhastakaṭakaṃ vijayakaṭakam kadācitkāminīnāṃ madirāmodamedurumukhamarutsaṃvādisaurabhāsu vidalantīṣu bakulakalikāsu, daśanacchadoddeśadaṃśaprakāśapeśalāsu vikasantīṣu phaṅkeliballarīṣu, surataśramasaṃjātajalajālakalipiṣu vilasantīṣu mākandamañjarīṣu, dīrghāpāṅgabhaṅgisubhageṣu sphuṭatsu mallikākukuleṣu, kalagalālasilīleṣu samucchalatsu pikapākakulakolāhaleṣu, cikuraruciracañcarīkacaraṇacāpalanalitavikacavicikilagalanmakarandasyandasārdrāsu bhavantīṣu vanavasudhāsu, vikaṭakucābhogaśobhārambhiṣu virājatsu mādhavīkusumastabakeṣu, kapolakāntimādhuryaspardhiṣu prabodhatsu madhūkapuṣpeṣu, mṛgamadarasacchuritaikadeśārdhacandrābhinayanavanakhaniveśapraśrayeṣu cakāsatsu palāśaprasavakuḍmaleṣu, ghanaghusṛṇarasāruṇitanābhikuharakāntiṣvavataratsu karṇikāraprasūneṣu, vibhramodbhaṭabhrūbhāvanirbhareṇa dhanuṣā saṃnahyati vaśīkṛtajagattraye kusumacāpe, malayopaśalyavallīpallavollāsini mālyavalatālatāntāmodamāṃsale kiṣkindhaskandhasaṃbandhisindhuroddhurakarapracāraskhalitaraṃhasi darduradarīsaraḥsarojamakarandamadhusvādamandasaṃcāra kāverīsarittaraṅgasīkarāsārahāriṇi keralāṅganālakanṛttācaraṇacature parisamati bhāgīrathīpathika iva dakṣiṇātyā diśaḥ samīre, kiṃnarīgaṇagītonmāditakuraṅgeṣu kulaśailamekhalotsaṅgeṣu, ratiṃrasotkaṇṭhājaraṭhacāṭukārābhyāsinīpu cāraṇāvāsavilāsinīṣu, priyatamaprasādanopadeśavinodadohadotsukāsu gandharvanagarābhisārikāsu, sahacarīcaraṇacarcopacārapraṇayini vidyādharapuraloke, paulomīkapolaphalakollikhitacitracāturyeṇa vinodayatyairāvaṇamadaṃ puraṃdare, lakṣmīkucakumbhaśobhārambheṇa saṃbhāvayati vanamālāprasūnakiñjalkaṃ mukunde, girisutādharadaśanadaṃśanavyathāpāyavaidagdhyena vidhurayati sudhāsūtikalāṃ śaṃkare, bhujaṅgīśikhaṇḍamaṇḍanāḍambareṇa krīḍayati nijaphaṇāmaṇīnbhujaṃganāthe, api ca haṃso yatra mṛṇālinīkisalayairgaṇḍūṣatoyairgajaḥ kokaṃ cumbanaceṣṭitaiḥ paripatanpārāpataḥ kūjitaiḥ eṇaḥ śṛṅgavigharṣaṇairmṛgapatirgāḍhaṃ punaḥ śleṣaṇaiḥ śṛṅgāraprasaraprasādihṛdayaḥ svāṃ svāṃ priyāṃ sevate - [Previous: 4.441](https://indike.org/pramana/in.jaina.post.kavya.yasastilaka.4.441) - [Next: 4.443](https://indike.org/pramana/in.jaina.post.kavya.yasastilaka.4.443) - [Up: 4](https://indike.org/pramana/in.jaina.post.kavya.yasastilaka.4) ## Commentaries (1) - [Yaśastilakacandrikā](https://indike.org/pramana/in.jaina.post.kavya.yasastilaka!srutasagara.4.441.2) — Śrutasāgara, Sanskrit --- Source: [https://indike.org/pramana/in.jaina.post.kavya.yasastilaka.4.442](https://indike.org/pramana/in.jaina.post.kavya.yasastilaka.4.442) · Pramāṇa